Новости за 25.12.2020

25-декабрда Өкмөт Үйүнүн алдында «Соболь», «Газел» үлгүсүндөгү «Тез жардам» автоунаалары Саламаттык сактоо министрлигине өткөрүлүп берилди.  «Коопсуз шаар» долбоорунан түшкөн каражатка алынган 37 автоунаанын 12си - «Форд Транзит» үлгүсүндөгү жасалма дем алдыруучу реанимобилдер. Саламаттык сактоо министрлиги бул реанимобилдер Ислам өнүктүрүү банкы тарабынан алынганын кабарлады. Жаңы машинелер Талас облусунун, санитардык авиациянын жана Бишкек шаардык «Тез жардам» станцияларынын арасында бөлүштүрүлдү. Читать дальше...

Кыргызстандын Кесиптик кошуундар федерациясынын өкүлдөрү бүгүн, 25-декабрда Бишкекте эки жерде эки башка жыйын өткөрүп, жетекчи шайлашты. Курулуш өнөр жайчылар кесиптик кошуунунун төрагасы Элдияр Карачалов федерациянын жыйынына 26 тармактык жана облустук кошуун катышуусу талап экенин, алардын 17си бүгүн убактылуу жетекчи кылып мурда бул мекемеде иштеп кеткен Сагынбек Бозгунбаевди шайлаганын билдирди: «Тилекке каршы, Кыргызстан Профсоюздар федерациясындагы ызы-чуу бүтө элек, дагы эле эки жаат болуп бөлүнүп жүрөбүз. Читать дальше...

Орусияда оппозициячыл саясатчы Алексей Навальныйдын үзөңгүлөшү, Коррупцияга каршы күрөш фондунун юристи Любовь Соболго карата кылмыш иши козголду. Бул тууралуу Коррупцияга каршы күрөш фондунун директору Иван Жданов «Твиттердеги» баракчасына жазды. Маалыматка ылайык, жарандык активистке карата өлкөнүн Кылмыш кодексинин «Турак-жайдын кол тийбестигине күч колдонуу же колдонууга аракет кылуу» беренеси боюнча иш ачылган. Бул маалымат боюнча расмий органдар комментарий бере элек. Ага чейин полиция Соболдун батиринде тинтүү жүргүзүп... Читать дальше...

Жер Ортолук деңизде Европага кетүүнү каалаган мигранттар түшкөн кайык чөгүп кетти. Тунистин бийлиги кайыктагы беш киши аман-эсен куткарылганын, 20 адамдын сөөгү табылганын кабарлады. Ал эми дагы 20дай адам дайынсыз саналып, изделүүдө. Өлкөнүн суу жээгин көзөмөлдөгөн кызматы, кырсыкка кабылгандар Сахаранын түштүгүндөгү Африка өлкөлөрүнүн жарандары болгон. Кемеге 40-50 адам түшүп, Италияга жөнөгөн. Европага жакшы жашоо издеп жөнөгөн африкалыктар Тунистеги Сфакс шаарынан деңиз аркылуу жолго чыгышат. Читать дальше...

Жогорку Кеңештин төрагасы, президенттин милдетин аткаруучу Талант Мамытов 25-декаюрда өлкөнүн жогорку окуу жайларында мыкты деп табылган 70 студентке президенттик стипендия тапшырды. Мамытов тапшыруу аземинде сөз сүйлөп, аралыктан окутуудагы кыйынчылыктар жөнүндө кеп кылды. Ал оор кырдаалга карабай, өлкөдө чоң ийгиликтер жаралганын билдирди. Кыргызстанда жогорку окуу жайларында 184 миң студент билим алууда. Алар 16-марттан бери аралыктан окуп жатат.  Билим берүү жана илим министрлиги окуу жайларын... Читать дальше...

Орусиялык Антонина Зимина жана анын күйөөсү Константин Антонец мамлекетке чыккынчылык кылды деген айып менен узак мөөнөткө эркинен ажыратылды. Кылмыш ишин козгоого жубайлардын үйлөнүү тоюнда тартылган видео тасмага Федералдык коопсуздук кызматынын офицери түшүп калганы себеп болгон.

Ош облусунда ВИЧ жуктурган 37 эне ушул жылы наристелүү болду. Энелери дарыланып жаткандыктан ымыркайларга дарт жуккан эмес. Ар бир кош бойлуу айымды кылдат карап, андан дени сак наристе төрөтүп алган дарыгерлердин бир күндүк жумушу жана дарылоо жолдору тууралуу видео баянды сунуштайбыз.

"Кыргыз кайрык" долбоору "Жаралыш" аттуу музыкалык перформансын көрүүчүлөрүнө тартуулады. Бул перформанс музыкалык үч жанрды өзүнө камтыды. Неофольклор, элдик фольклор жана классикалык заманбап музыкалар колдонулду. Үч жаңы музыкалык жанрды бириктирген спектакль кыргыз маданиятында алгачкы жолу коюлуп жатат.

Коопсуздук кеңешинде президенттик шайлоодон кийинки өлкөдөгү коомдук-саясий кырдаалды сактоонун чаралары талкууланды.

Жеткинчектер Санта Клаус, Аяз Ата, Аяз Кызга ж.б. майрамдык каармандарга ишенишет. Алардын жомокко аралаш кыялын колдогон чоң эле кишилер, ал түгүл бакыйган ири аскер кызматындагылар да дүйнөдө аз эмес экен.