Абактагы оппозициялык саясатчы, парламенттин мурдагы депутаты Равшан Жээнбеков Улуттук коопсуздук боюнча мамлекеттик комитеттин төрагасы Камчыбек Ташиевге кайрылуу жолдоду. Жубайы, камакка алынган Салкынай Алимбаеваны бошотууну талап кылды. Саясатчынын кайрылуусунун текстин жардамчысы Айсулуу Кудайбердиева “Азаттыкка” жиберди. Равшан Жээнбеков анда Ташиевге Балдарды коргоо күнүнө карата кайрылып жатканын, азыркы бийлик балдарды коргошу керектигин, бирок анын жашы жете элек кызы кароосуз калганын белгилеген. Читать дальше...
Ошто кармалган уюшкан кылмыштуу топтун активдүү мүчөсү, буга чейин 16 жолу соттолгон жана "Казак" каймана аттуу Умар Маратов миллион сом күрөө менен үй камагына чыкты. 28-майдын кечинде кармалган Маратовдун бөгөт чарасы алгач эки ай деп чыгарылган.
Бишкекте Каба уулу Кожомкул менен Раатбек Санатбаевдин элесине арналган күрөш боюнча рейтингдик мелдеште кыргызстандык балбандар Дастан Кадыров жана Бексултан Махмудов коло байгеге ээ болушту. Грек-рим күрөшүнөн 63 килограмм салмакта күч сынашкан Кадыров коло байге үчүн таймашта дагы бир кыргызстандык Баяман Каримовду утту. 3-орун үчүн беттешке чейин Кадыров алгач чейрек финалда казакстандык Ернур Фидахметовду утуп, жарым финалда өзбекстандык Шермухаммад Шарибжановго жеңилген эле. Күрөштүн ушул... Читать дальше...
Орусия Уркраинанын борбору Киев шаарына чабуулун улантып жатат. Бейшембиде урган соккудан үч адам набыт болду. Эми Жогорку Кеңештин депутаттарына кылмыш ишин козгоодо парламенттин уруксаты кереги жокпу? Конституциялык соттун чечими талкууга түштү. Милиция Ошто кармаган “Казак” деген каймана атка конгон кылмыштуу топтун мүчөсү Умар Маратовду сот кайра үй камагына чыгарды. Ал соңку бир жылдын ичинде үчүнчү ирет үй камагына чыгарылып жатат.
28-майда Бишкектеги Ленин шайлоо округунан Жогорку Кеңештин депутаттыгына кайра шайлоо болуп, алдыга чыккан Дамира Ниязалиева милицияга суракка чакырылса, штабында иштеген эки адам камакка алынды. Шайлоодо экинчи келген Улан Сариевге УКМК добуш сатып алуу фактысы менен кылмыш ишин козгоду.
Норвегияда жайгашкан Ирандагы адам укуктарына көз салган уюм (IHR) май айында Ислам жумуриятында бери дегенде 142 кишинин өлүм жазасы ишке ашырылганын билдирди. Сегиз жылдан бери биринчи жолу бир айда ушунча көп киши соттун өкүмү менен дарга асылды. 1-июнда жарыяланган маалыматка ылайык, быйыл жыл башынан бери 307 киши өлүм жазасына өкүм кылынды. Бул – былтыркы жылдын ушул маалына салыштырганда 76% көп. Укук коргоочу уюмдун жетекчиси Махмуд Амири-Могхаддам мунун себебин бийликтин нааразылык акцияларын алдын алуу... Читать дальше...
Билим берүү жана илим министри Каныбек Иманалиев 1-июнда “Мамлекеттик жана муниципалдык жалпы билим берүү уюмдарында мыйзамсыз акча каражаттарын чогултууга тыюу салуу жөнүндө” буйрукка кол койду. Бул тууралуу аталган министрлик кабарлады. Буйрук президенттин жарлыгынын алкагында чыгарылган. Анда 1-11-класстардын окуучуларынын ата-энелеринен мыйзамсыз акча каражатын чогултууга жана мамлекеттик жана муниципалдык жалпы билим берүү уюмдарынын алдында коомдук фонддорду жана башка коммерциялык эмес уюмдарды түзүүгө тыюу салынды. Читать дальше...
Башкы прокуратура оппозициячыл депутат Адахан Мадумаровду жоопко тартууга уруксат сурады. Мадумаровго төрт берене менен кылмыш иши козголгону белгилүү болду. Мындай жол менен бийликтин башкы оппонентине айланган саясатчыны жоопкерчиликке тартуу маселеси кайрадан парламенттин колунда турат.
Кыргызстанда 1-июндан тартып жылуулукка жана ысык сууга тариф көтөрүлдү. Бул тууралуу Энергетика минмистрлигинин Отун-энергетикалык комплексин жөнгө салуу боюнча департаментинин сайтында кабарланды. Тиешелүү буйрук 31-майда чыккан, сайтка 1-июнда жарыяланды. Документке ылайык, жылуулуктун 1 гигакалориясы (Гкал) үчүн баа калкка 1134 сомдон 1248 сомго көтөрүлдү. Өндүрүштүк, бюджеттик объектилер жана башка керектөөчүлөр үчүн 1802 сомдон 2052 сомго кымбаттады. Ысык суунун 1 гигакалориясы (Гкал)... Читать дальше...
Орусиянын федералдык коопсуздук кызматы (ФСБ) орусиялык дипломаттардын миңдеген телефону хакердик чабуулга туш болгонун билдирди. Маалыматка караганда, Орусиянын НАТОго мүчө өлкөлөрдөгү, Израил, Сирия жана Кытайдагы дипломатиялык миссияларында иштеген кызматкерлердин айфондоруна вирус таратылган. Атайын кызмат буга чейин белгисиз программа iOS операциялык системасындагы коддордун талылуу жерлерин пайдаланган деп эсептейт. ФСБ чабуул үчүн АКШнын Улуттук коопсуздук агенттигин айыптады. Мындай окуя... Читать дальше...
Казакстан парламентинин сенатында Орусиядан «жасалма документтер» менен буудай мыйзамсыз алынып келгени айтылды. Бул тууралуу «Казинформ» агенттиги кабарлады. Басылма депутат Андрей Лукиндин “тиешелүү документсиз жана салык төлөбөстөн” буудай алып кирүүнүн схемасы калыптанганы тууралуу айтканын жазды. Сенатор арпа-буудайды Казакстандыкы деп экспортоо менен орусиялык жана жергиликтүү ишкерлер жеңилдетилген салык схемаларын пайдаланарын белгиледи. Палатанын пленардык жыйынында депутат Орусияга салынган сакнцияларды эске алганда... Читать дальше...
Депутатка кылмыш ишин козгош үчүн "парламенттин макулдугу зарыл эмес" деген маселе 1-июнда Жогорку Кеңештин жалпы жыйынында көтөрүлдү. Конституциялык соттун мындай түшүндүрмөсү бир апта мурда жарыяланган. Соттун позициясын колдогондор муну менен депутаттын кол тийбестигине коркунуч жаралбай турганын, Конституциялык сот мыйзамдуу чечим кабыл алганын айтышса, айрымдар Кыргызстандагы азыркы саясий-укуктук шартта парламенттин таптакыр көз каранды органга айлануу коркунучу бар экенин белгилеп жатышат. Читать дальше...
Министрлер кабинетинин төрагасынын орун басары Эдил Байсалов Твиттердеги баракчасында Конституциялык соттун депутатка иш козгоо боюнча түшүндүрмөсүн туура деп эсептерин жазды. "Конституциялык сот Конституцияны коргоого алды. Жогорку Кеңеш жаңы регламентинин 138-беренесине "Депутатка иш козгоо үчүн ЖКнын көпчүлүгүнүн макулдугу керек" деген норма жазып алган, ал эми Конституциянын 78-беренеси көпчүлүктүн макулдугу депутатты жоопко тартуу үчүн гана керектигин талап кылат", - деп жазды. Жогорку... Читать дальше...
Жогорку Кеңештин депутаты Эрулан Көкүлов эки жылдагы өзүнүн ишмердүүлүгү, абактагы саясатчылар, өлкөдөгү сөз эркиндиги жана талкуу жараткан жүрүм-туруму жөнүндө суроолорго жооп берди.
Прага шаарында Чыгыш Европа жана Борбор Азия өлкөлөрүнөн келген активисттер, изилдөөчүлөр жана журналисттер чогулуп, Орусиянын оторчулук саясатынын таасиринен арылуу же деколонизация маселесинин күңгөй-тескейин талкуулашты.
Орусиянын жер-жеринде тажик мигранттарын кармоо, басым-кысымга алуу уланууда. Бул тууралуу маалымдаган “Озоди” радиосу 1-июнда болгон окуянын видеосун жарыялады. Маалыматка караганда, Красногорск шаарындагы курулуштардын биринде 50 чакты тажик жараны кармалды. Социалдык тармактардын колдонуучулары редакцияга салган дагы бир видеодо полиция көмкөрөсүнөн жерде жаткан мигранттарды сабаганын көрүүгө болот. Видеону тарткан адамдар өздөрүн тажик мигранттары деп атаган жана ал окуялар акыркы күндөрдө... Читать дальше...
Орусиянын Мамлекеттик Думасынын төрагасынын орун басары Пётр Толстой кызынын АКШга барганы, өзү Францияда окуганы үчүн эл алдында кечирим сурады. Депутат муну «коркунучтуу, глобалдык күнөө» деп атады. Мындай билдирүүнү Толстой «Россия 1» телеканалындагы программада жасады. Кызы Дарьянын АКШга эки апталык сапары мектептеги тажрыйба алмашуу учурунда болгонун кошумчалады. Вице-спикердин айтымында, аны ошондон бери сындап келатышат. 2021-жылы Толстойдун кызынын абройлуу Йель университетиндеги окуусу... Читать дальше...
Кыргызстандын Мамлекеттик салык кызматы Казакстан менен Орусияга темир жол жана автоунаа аркылуу жүк ташууда электрондук навигациялык пломбалар менен көзөмөлгө алган пилоттук долбоорду ишке киргизди. Бул тууралуу аталган мекеменин басма сөз кызматы кабарлады. Мекемеден билдиришкендей, аталган эки өлкөгө товар жеткирип бараткан транспортко "Ак-Тилек" жана "Чалдыбар" көзөмөл-бекеттеринде салык кызматкерлери электрондук навигациялык мөөр басышат. Товар тиешелүү жерге жетип, түшүрүлгөн соң Казакстан... Читать дальше...
Европа биримдигинин лидерлери Косоводогу кырдаалды талкуулаганы жатат. 1-июнда жергиликтүү сербдер кайрадан Зубин Поток жана Звечан шаарларында чогулушту. 29-майда ал аймактарда кагылышуулар болгон. Бул ирет мурдагы күндөргө караганда азыраак киши келди. Косоволук сербдер жакында шайланган мэрлердин иштөөсүнө каршы болууда. Алар добуш берүүнү бойкоттогон. Молдовадагы саммитте Еврошаркеттин тышкы саясатынын жетекчиси Жозеп Боррел Сербиянын жана Косовонун президенттери Александр Вучич жана Вьоса Османи менен маселени талкуулайт деп кутүлүүдө.
Кыргызстандын президенти Садыр Жапар менен Түркиянын президенти Режеп Тайып Эрдоган телефон аркылуу сүйлөштү. Бул тууралуу президенттин басма сөз кызматы 1-июнда кабарлады. Анда кыргыз президенти Эрдоганды шайлоодогу жеңиши менен куттуктап, тараптар кызматташтыктын келечегин талкуулашты. Эрдоган Садыр Жапаровду инаугурация аземине чакырды. 29-майда Түркияда президенттик шайлоонун экинчи айлампасында Эрдоган жеңип, добуштардын 52,14% алды. Ал эми атаандашы Кемал Кылычдароглу шайлоочулардын 47,86% добушуна ээ болгон. Читать дальше...
Кыргыз-казак чек арасындагы “Ак-Тилек” өткөрмө бекетинде унаалардын кезеги пайда болду. Бул тууралуу Улуттук коопсуздук боюнча мамлекеттик комитетине караштуу Чек ара кызматы 1-июнда билдирди. Мекеме чек арадагы өткөрмө бекеттер штаттык режимде иштеп жатканын, кезектин пайда болушу азык-түлүктөрдү сыртка ташуунун көлөмү көбөйгөнүнө байланыштуу экенин билдирди. “Кыргыз-казак чек арасындагы башка өткөрмө бекеттеринде кезек күтүүлөр байкалган жок”, - деп айтылат маалыматта. Жогорку Кеңештин 1-июндагы... Читать дальше...
Жогорку Кеңештин депутаты Кундузбек Сулайманов Орусия куруп бере турган орус тилдүү мектептердеги кыргыз тил маселесин көтөрдү. Ал долбоорду колдой турганын, бирок тил маселесин дыкат ойлонуп чечим чыгарууга чакырды. “Келечекте маселе жаралбашы үчүн кандай шарт киргизип жатасыңар? Мектеп куруп берем десе эле “ураалап” кетип калбашыбыз керек. Кыргыз тилин дагы унутпашыңар керек. Ошол маселени кандай чечип жатасыңар”, - деп суроо салды. Жыйында баяндама жасаган билим берүү жана илим министринин орун басары Уланбек Усеков учурда “Кыргыз тили"... Читать дальше...
2-июнга караган түнү Ош, Ысык-Көл, Нарын облустарынын айрым жерлеринде өткүн өтүп, күн күркүрөшү, бийик тоолуу райондордо кар жаашы мүмкүн. Күндүз Ош, Жалал-Абад, Ысык-Көл, Нарын облустарынын айрым жерлеринде өткүн өтүп, күн күркүрөшү, бийик тоолуу райондорунда кар жаашы күтүлөт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн 9…14, күндүз 26…31; Талас аймагында түнкүсүн 8…13, күндүз 25…30; Баткен, Ош, Жалал-Абад облустарында түнкүсүн 15…20... Читать дальше...
АКШнын Өкүлдөр палатасы мамлекеттик карыздын чегин көтөрүү тууралуу мыйзам долбоорун жактырды. Мындай кадам өлкө дефолт коркунучуна кептелбеши үчүн жасалды. Бул тууралуу “Америка добушу” радиосу маалымдады. Сунушту 314 конгрессмен колдоп, 117си каршы болду. Арасында эки партиянын тең өкүлдөрү бар, бирок республикачылар үстөмдүк кылат. Конгресс белгилеген 31 триллион доллар деген чекке өлкө быйыл январда жеткен. Мындан кийин Каржы министрлиги чыгымдарды жабуу үчүн карыз алуу укугунан ажыраган. Читать дальше...