Новости за 06.05.2024

Екінші дүниежүзілік соғыстың аяқталғанына 79 жыл толуына орай Мәскеуде өтетін әскери парадқа Қазақстан презиенті де қатысады. // Қазақстанның Біріккен араб әмірліктеріндегі елшісінің кеңесшісін әйелі 10 жыл бойы азап көрсетіп келеді деп айыптады. Сыртқы істер министрлігі кеңесшінің қызметінен қуылатынын мәлімдеді. // Су тасқынынан қираған Құлсары қаласына тұрғындар оралып, тіршілік жандана бастады. Бірақ қаладағы жағымсыз иіс қолқаны қабады. Суы кеппеген үйлер де көп.

Тасқыннан кейін қаңырап қалған Құлсарыда тіршілік жандана бастады. Су тасқыны кезінде жан-жаққа босып кеткен тұрғындар қалаға оралып жатыр. Бірақ көбінің баспанасы тұруға жарамсыз. Қолқаны қабатын иісті айтпағанда әлі ылғал кетпеген үйлер бар.

Алматы облысы Заречный кентіндегі ЛА-155/8 түзету мекемесінде отырған Серікқазы Байбосынов есімді адам пышаққа түсті. Қазір ол Алматы іргесіндегі тергеу изоляторына жеткізілген. Байбосынов өзіне қастандық жасалғанын айтады. Түрме бастығы тексеріс басталғанын хабарлады.

Израиль әскері Газа секторындағы Рафах қаласының тұрғындарын кетуге үндеді. 1,5 миллионнан астам халық қайда барарын білмейді. Ал кейінгі бес жылда Еуропа одағына алғаш сапарлаған Қытай төрағасы Си Цзиньпин Таяу Шығыстағы шиеленісті тәуелсіз Палестина мемлекетін құру арқылы шешуге болады дейді.

6 мамырда Қазақстан құзырлы органдары ауған қазағы Сәми Ата Ғұлды тағы да халықаралық рейске отырғызып, Ауғанстанға жібермек болды. Сәмиді ұшаққа отырғызуға Ақмола облысы көші-қон қызметі мен Ұлттық қауіпсіздік комитеті өкілдері келген. Қазір ол Астана халықаралық әуежайының транзит аумағында отыр.

Салтанат Нүкенованың қазасына байлатысны істі болып жатқан экс-министр Қуандық Бишімбаев пен оның туысы Бақытжан Байжанов соттағы соңғы сөзін айтты. Бір жарым айға жуық қаралып жатқан іс аяқталуға таяу.

6 мамырда бұрынғы ұлттық экономика министрі Қуандық Бишімбаев пен оның бірге айыпталған туысы Бақытжан Байжанов сотта соңғы сөздерін айтты.

Ақтөбеде Даун синдромы диагнозы қойылған 200-ден аса бала мен жас адам бар. Бірақ қалада осы балаларды оңалтуға арналған мемлекеттік мекеме жоқ, сондықтан ата-ана баласын ақылы оңалту орталыққа апаруға мәжбүр. Алайда шіркеудің бір бұрышында ашылған жеке орталықта логопед, дефектолог маман тапшы. Азаттық сөйлескен ата-аналар Даун синдромы диагнозы қойылған балаларының қоғамға бейімделуі қиын екенін айтады.