Новости за 16.02.2020

(Казан, 16 фвераль, «Татар-информ», «Туган як»). Чүпрәле районында яшәүче тыл ветераны, сугыш елларында телеграфистка булып эшләгән Сәрия Салиевага 95 яшь тулды. Бу хакта район газетасы яза.

(Казан, 16 февраль, «Татар-информ», Гөлнар Гарифуллина). «Мөхәммәдия» мәдрәсәсе бинасы территориясендә китапларны чыгарып ташлаганнар. Бу хәбәр социаль челтәрләрдә таралды. Бөтендөнья татар яшьләре форумы рәисе урынбасары Айрат Фәйзрахманов хезмәттәшләре белән мәдрәсәгә барып, китапларның күпләп ни өчен урамга чыгарылуын ачыклап кайткан. Бу хакта ул «Татар-информ» хәбәрчесенә сөйләде.

(Казан, 16 февраль, «Татар-информ», «Хезмәт даны», Алсу Гатауллина). 13 февральдә Кукмара яшәүче Сания һәм Зиннур Мусиннар 50 ел бергә гомер итүләрен билгеләп үттеләр. Юбилярларны котларга район ЗАГС бүлеге җитәкчесе Зөлфия Латыйпова, ветераннар советы рәисе Валентин Иванов, электр челтәре җитәкчесе Рөстәм Хаматовлар килде. Зиннур абый лаеклы ялга чыкканчы район электр челтәре оешмасында хезмәт куйган. Бу хакта район басмасы яза.

(Казан, 16 февраль, «Татар-информ», «Әлмәт таңнары»). 15 февральдә Әлмәттә район башлыгы Тимур Нагуманов парлемент дәресе уздырды. Бу хакта «Әлмәт таңнары» газетасы яза.

(Казан, 16 февраль, «Татар-информ», «Кайбыч таңнары», Мингазиз Сөнгатуллин). Интернациональ бурычларын Әфганстан территориясендә үтәгәндә һәлак булган якташларыбыз истәлегенә район үзәгендә ачылган һәйкәл янында барлык әфганчылар катнашында тантаналы митинг булды. Бу хакта район газетасы яза.

(Казан, 16 февраль, «Татар-информ»). Татарстан Президенты Рөстәм Миңнеханов кышкы балык тотудан төшкән фоторәсемнәр белән уртаклашты. Республика җитәкчесе кайбер фотоларны Инстаграмда үз битендә урнаштырды. Фотоларның берсендә - «Биосфера-Фиш» ҖЧҖнең шәхси сулыгында тотылган чөгә балыклары.

(Казан, 16 февраль, «Татар-информ»). Яңа килеп чыккан Covid-19 коронавирус эпидемиясенең алга таба үсешен фаразлап булмый. Бу хакта Мюнхенда куркынычсызлык буенча конференциядә Бөтендөнья сәламәтлек саклау оешмасы генераль директоры Тедрос Адан Гебрейесус кисәтте. Бу хакта ТАСС хәбәр итә.

(Казан, 16 февраль, «Татар-информ»). Бүген Новосибирск шәһәренең Татар мәдәнияте йортында «Татар егете — 2020» өлкә конкурсы уза. Бу турыда Бөтендөнья татар конгрессы матбугат хезмәте хәбәр итә.

(Казан, 16 февраль , «Татар-информ»). Уфада Башкортстанда узачак VI Бөтендөнья фольклориадасы программасын игълан иттеләр. Бу хакта «Башинформ» хәбәр итә.

(Казан, 16 февраль, «Татар-информ»). Кан басымы югары булу кан тамырлары һәм йөрәк белән җитди проблемаларга китерә. Аны дарулар ярдәменнән башка киметүнең гади ысуллары турында Мюнхен Техник университетында профилактик һәм спорт медицинасы үзәге директоры, Немец йөрәк фондының Фәнни-консультатив советы әгъзасы кардиолог Мартин Холл сөйләде. Бу хакта «Известия» газетасы яза.

(Казан, 16 февраль , «Татар-информ»). 29 февральдә Мәскәү Җәмигъ мәчетендә традицион Коръән фестивале узачак, быел ул гаиләгә багышлана. Бу хакта Россия Мөфтиләр шурасы сайтында хәбәр ителә.

(Казан, 16 февраль, «Татар-информ»). Казанда метроның бетон коймасына барып бәрелгән «Ауди» машинасында ике кеше үлгән. Бу хакта «Татар-информ»га ТР буенча Эчке эшләр министрлыгының матбугат хезмәтендә хәбәр иттеләр.

(Казан, 16 февраль , «Татар-информ»). Екатеринбургта татар сөйләшү клубы ачылуга 4 ел булды. Бу хакта Бөтендөнья татар конгрессы матбугат хезмәте хәбәр итә.

(Казан, 16 февраль, «Татар-информ»). Герой-шагыйрь Муса Җәлилнең туган көнендә, 15 февральдә, Татарстанның Россиядәге Тулы вәкаләтле вәкиллеге ел саен Мәскәүдә аның һәйкәленә чәчәкләр салу тантанасын үткәрә. Быел да шагыйрьнең туган көнендә чәчәкләр салынды. Бу хакта Тулы вәкаләтле вәкиллекнең матбугат хезмәте хәбәр итә.

(Казан, 16 февраль, «Татар-информ»). Иртәгә, 17 февральдә, Татарстан буенча һәм Казанда төнлә һәм иртән томан көтелә. Бу хакта Татарстан Гидрометеорология үзәге хәбәр итә.

(Казан, 16 февраль, «Татар-информ»). Арча районында янып киткән машинасын сүндергәндә хуҗасы пешкән. Бу хакта юл-транспорт һәлакәтендә катнашучылар хәбәр итте.

(Казан, 16 февраль, «Татар-информ»). Россиянең Европа өлешендә язның беренче билгеләре быел гадәттәгедән иртәрәк пәйда булачак. Бу хакта РФ Гидрометеорология үзәге фәнни җитәкчесе Роман Вильфандка сылтама белән ТАСС хәбәр итә.

(Казан, 16 февраль, «Татар-информ»). Казанда намаз һәм Ислам нигезләрен өйрәтү буенча «Ислам. Беренче адымнар» интенсив курсының бишенче сезоны башланды. Бу хакта ТР Диния нәзарәтенең матбугат хезмәте хәбәр итә.

(Казан, 16 февраль, «Татар-информ», Алексей Новиков). Түбән Камада «Нива» белән бәрелешкәннән соң «Лада» машинасы пассажиры хастаханәгә эләккән. Бу хакта авария шаһитлары хәбәр итте.

(Казан, 16 февраль, «Татар-информ»). Россия Хөкүмәте Ана капиталы акчаларын эскроу-счетка җибәрергә рөхсәт итте. Тиешле карарны РФ Премьер-министры Михаил Мишустин имзалады.

(Казан, 16 февраль, «Татар-информ»). Төнлә Яшел Үзән районында ташландык йортта чыккан янгында ир-ат мәетен тапканнар. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

(Казан, 16 февраль, «Татар-информ»). 19 февральдә 14.00 сәгатьтән 16.00 сәгатькә кадәр Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан Республикасы буенча идарәсе эшкуарлар өчен бердәм Ачык ишекләр көне үткәрә. Бу хакта ведомствоның матбугат хезмәте хәбәр итә.

(Казан, 16 февраль, «Татар-информ»). Эстония башкаласының үзәк китапханәсендә «Идегәй» татар героик эпосының эстон телендәге тәрҗемәсе презентациясе узды. Презентациядә ТРның Санкт-Петербургтагы һәм Ленинград өлкәсендәге даими вәкиле Ренат Вәлиуллин катнашты. Бу хакта вәкиллекнең матбугат хезмәте хәбәр итә.

(Казан, 16 февраль, «Татар-информ»). Өлкән яшьтәге хатын-кыз Казанда биш катлы йортта чыкан янгында төтен белән агуланган. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

(Истанбул, 16 февраль, “Татар-информ”, Рушания Алтай). Истанбулда шагыйрь Муса Җәлил искә алынды. Бу хакта Татарстанның Төркиядәге вәкаләтле вәкиллеге хәбәр итә.