«Որդիների Կանչ» ՀԿ–ն միանում է «Տավուշը հանուն հայրենիքի» շարժմանը
«Որդիների Կանչ» հասարակական կազմակերպությունը միանում է «Տավուշը հանուն հայրենիքի» շարժմանը։ Տեղեկությունը հայտնում է ՀԿ մամուլի ծառայությունը։
«Մենք աջակցում ենք Տավուշի դարպասը պահող մեր հայրենակիցներին ու Մայր եկեղեցուն, որը ստանձնել է Հայաստանի հակաթրքացմանն ուղղված պայքարի առաջնորդությունը: Հայրենիքը մեզ համար զուտ հողակտոր չէ, այլ մեր որդիների արյամբ սրբագործված հող, որի համար պատրաստ ենք պայքարել այնպես, ինչպես մեր տղաները»,–նշված է հաղորդագրության մեջ։
Ընդգծվում է, որ իրենք, ոչ թե ներքին ու արտաքին թուրքի դեմ պայքարող տավուշցու կողքին են, այլ հենց իրենք են սեփական հողից ու տնից զրկվելու վտանգի առաջ կանգնած կիրանցին, ոսկեպարցին, բերքաբերցին։
«Որդիների Կանչ» հասարակական կազմակերպությունը համարում է, որ շարժման կողքին լինելը յուրաքանչյուր հայի պարտքն է։
Հավելենք, որ «Որդիների Կանչը» Արցախյան պատերազմում զոհված զինծառայողների ծնողների միություն է։