Дагестанехь Каякент гIалара бахархой протесте арабевлла, 19 шо долу Султанов Мохьмад-Iела вийнарш жоьпалле озабе боху цара. Лахьан-беттан 10-хь вийна иза, латар гойтучу видео тIехь виъ стаг ву, амма цхьаъ бен дIа ца лаьцна. Iедалца боьзна хиларна, жоьпалле ца озо мега биссинарш, аьлла хета гергарчу наханна.
Нохчийчоьнан куьйгалхочуьнца йоьзначу Absolute Championship Akhmat лиган латархо Ахъядов Ламберт лаьцна Iедало, Москван некъан административан инспекцин белхахо верна шеконашка лаьцна. 2022-чу шеран гIуран-беттан 31-хь вийна и стаг Москворецкан хин йистехь "Кхозуш долу Зарядье тIайн" гергахь, цигахь дIахIиттийна машенаш МАДИ-н инспекторо видео тIе дIайазйечу йукъанна, йаздо RTVI зорбано. Цхьайолу машен долахь йолчу стага инспекторна 16 чов йина уьрсаца, шен номершна цо сурт даккхарна, боху ВЧК-ОГПУ телеграм-канало. Читать дальше...
Нохчийн бардан Муцураев Тимуран "Доьхкина джихадан тIемаш " эшар бахьанехь Нохчийчоьнан Теркйистерчу кIоштан кхело меттигера вахархо экстремистийн материалаш йаржорна бехке лаьрра. "Одноклассникаш" чохь хIоттийначу ФСБ-н белхахошна карийна йолчу постана тIехула гIуда тоьхна Атуев Висханна. Кхелан сацамца а догIуш, Атуевс шен агIонехь "Доьхкина джихадан тIемаш " эшар хIоттийна – 2013-чу шарахь Курганан гIалин кхелан сацамца экстремистийн лаьрра йу и, Оьрсийчохь йаржо магийна а йац. "Одноклассники" чуьра агIо талларца а... Читать дальше...