Լուիս Սուարեսը չի մասնակցի Ուրուգվայի ընտրանու առաջիկա երկու հանդիպումներին
Կատալոնական «Բարսելոնայի» հարձակվող Լուիս Սուարեսը չի կարող մասնակցել Ուրուգվայի ազգային հավաքականի առաջիկա երկու հանդիպումներին:
Ֆուտբոլիստը դուրս է մնացել ընտրանու հայտացուցակից: Ինչպես տեղեկացնում է «Sport.es»-ը, Օսկար Տաբարեսը հանգիստ է տվել Սուարեսին:
Ավելի վաղ հաղորդվում էր, որ Սուարեսը կենթարկվի վիրահատության, սակայն վերջինիս ապաքինումը դրական արդյունք է տվել:
Հիշեցնենք, որ Ուրուգվայի ընտրանին նոյեմբերի 10-ին ուժերը կչափի Լեհաստանի հետ, իսկ 14-ին կհանդիպի Ավստրիային: