Ռուսաստանը հետ է ուղարկել Ադրբեջանից ներմուծված ավելի քան 52 տոննա միրգ ու բանջարեղեն

ՌԴ անասնաբուժական և բուսասանիտարական վերահսկողության հարցերով զբաղվող «Ռոսսելխոզնադզոր» դաշնային ծառայության («Россельхознадзор») որոշմամբ՝ Ադրբեջանից Դաղստանի հանրապետություն ներմուծված 52,5 տոննա միրգն ու բանջարեղենը մուտք չի գործել երկիր, այս մասին տեղեկանում ենք minval.az կայքից:

Սահմանում ներկայացված փաստաթղթերում նշված տեղեկությունները չեն համապատասխանել ներմուծվող ապրանքի ֆիտոսանիտարական վիճակի մասին ճշգրիտ տվյալներին, ռուսական կողմը կասկածում է, որ 16 780 կգ նուռը և 17 750 վարունգը կարող է վարակիչ օբյեկտների աղբյուր հանդիսանալ:

Կեղծ փաստաթղթերի ներկայացման համար ներմուծող կողմը ստիպված է եղել դրամական տուգանք վճարել, իսկ միրգն ու բանջարեղենը հետ է ուղարկվել Ադրբեջան: