შვედეთში კვლავ დაწვეს ყურანი, რასაც მცირე არეულობა მოჰყვა
კვირას შვედეთის პოლიციამ ორი ადამიანი დააპატიმრა და დაახლოებით 10 ადამიანი დააკავა მას შემდეგ, რაც ყურანის დაწვის დროს საპროტესტო აქციაზე არეულობა მოხდა. როგორც სააგენტო AFP-ი იწყება, საპროტესტო აქცია ორგანიზებული იყო ერაყიდან დევნილ, სალვან მომიკას მიერ, რომლის მიერ მუსლიმთა წმინდა წიგნის საჯარო შეურაცხყოფამ ახლო აღმოსავლეთში აღშფოთება გამოიწვია.
საპროტესტო აქცია გაიმართა ქალაქ მალმეს მოედანზე, სადაც ემიგრანტების დიდი რაოდენობა ცხოვრობს. საზოგადოებრივი მაუწყებლის SVT-ის ინფორმაციით აქციაზე 200-მდე ადამიანი მივიდა.
„ორგანიზატორის მიერ ყურანის დაწვამ ზოგიერთი მათგანი აღაშფოთა“, - ნათქვამია შვედეთის პოლიციის განცხადებაში.
ადგილობრივი მედია იუწყება, რომ ზოგიერთმა ადამიანმა მაყურებელთა რიგებიდან სალვან მომიკას ქვები დაუშინა. ზოგიერთი კი შეეცადა გაერღვია პოლიციის მიერ აღმართული ბარიერი, სხვები ცდილობდნენ შეეჩერებინათ პოლიციელთა მანქანა, რომელსაც შემთხვევის ადგილიდან მომიკა გაჰყავდა.
მომიკას მიერ ორგანიზებულმა აქციებმა დიპლომატიური დაძაბულობა გამოიწვია შვედეთსა და ახლო აღმოსავლეთის რამდენიმე ქვეყანას შორის.
სტოკჰოლმმა დაგმო ყურანის შეურაცხყოფა, მაგრამ შვედეთის ხელისუფლება ხაზს უსვამს იმას, რომ ქვეყანაში „კონსტიტუციურად არის დაცული შეკრების, გამოხატვისა და დემონსტრაციის უფლება."
იანვარში თურქეთის საელჩოს წინ მუსლიმთა წმინდა წიგნის დაწვა შვედეთისა და ფინეთის ნატოში გაწევრიანების შესახებ მოლაპარაკებების ფონზე მოხდა, რამაც მუსლიმანთა აღშფოთება გამოიწვია.
სალვან მომიკამა 2023 წლის 28 ივნისს ყურანი შვედეთის ქალაქ სტოკჰოლმის ცენტრალურ მეჩეთთან დაწვა.
შვედეთის გარდა დანიის დედაქალაქში, ივლისის ბოლო ერაყის საელჩოს წინ, ბოლოს ორმა პირმა ყურანი - მუსლიმთა წმინდა წიგნი - დაწვა.
ბაღდადში, ერაყის დედაქალაქში, 22 ივლისს რამდენიმე ათასი ადამიანი მონაწილეობდა სკანდინავიის ორ ქვეყანაში ყურანის დაწვის წინააღმდეგ გამართულ საპროტესტო დემონსტრაციაში. ბაღდადის აქციები ორგანიზებული იყო ერაყის, უპირატესად ირანთან დაკავშირებული, პარტიებისა და შეიარაღებული გაერთიანების მიერ.
ირანის უზენაესმა ლიდერმა აიათოლა ალი ხამენეიმ 22 ივლისს თქვა, რომ ყურანის შეურაცხმყოფები „უმკაცრესად უნდა დაისაჯონ“.