დემოგრაფია არ გვაძლევს ფუფუნებას არატრადიციული ქორწინების მიმართ ლიბერალური დამოკიდებულების - თავდაცვის მინისტრი
საქართველოს თავდაცვის მინისტრმა ჯუანშერ ბურჭულაძემ, პარლამენტში "მინისტრის საათის" ფორმატში დეპუტატების კითხვებზე პასუხის გაცემისას, მის მიერ მაისში გაკეთებული განცხადება ახსნა. კერძოდ ტელეკომპანია "იმედის" ეთერში გაკეთებული კომენტარი, რომლის თანახმადაც "ლიბერალიზმი... პირდაპირი საფრთხე შეიძლება იყოს ჩვენი უსაფრთხოების და სუვერენიტეტის დაკარგვისა".
"ლიბერალიზმის საფრთხეს და კონსერვატიულ დამოკიდებულებას რაც შეეხება, ეს კვალიფიკაცია მივეცი კონკრეტულ საკითხს და დავამატე, რომ დემოგრაფიული მდგომარეობა საქართველოს არ აქვს სახარბიელო, როგორც ევროპის ბევრ ერს და სახელმწიფოს და მე ამ საკითხისადმი ლიბერალური დამოკიდებულება ვიგულისხმე ზუსტად. არ შეიძლება ჩვენ ერთსქესიანი ქორწინების მიმართ ვიყოთ ლიბერალურები, და აგრუმენტიც მოვიყავნე ამის, მერე სხვანაირად გამოიყენეთ სამწუხაროდ, ... და ეს დემოგრაფიულ მდგომაროებას კიდევ გააუარესებს, ამაზე მეტად ლიბერალურად როგორ გამომეხატა ჩემი პოზიცია არ ვიცი. ჩვენი დემოგრაფიული პერსპექტივა აბსოლუტურად არ გვაძლევს იმის ფუფუნებას, რომ აღნიშნული არატრადიციული ქორწინების მიმართ [გვქონდეს] ლიბერალური დამოკიდებულება, თორემ ზოგადად მე თვითონ ლიბერალი ვარ, ლიბერალური დამოკიდებულება მაქვს ბევრი საკითხის მიმართ და ამაზე ლიბერალურად როგორ გამომეხატა ეს საკითხი მე არ ვიცი. ჩვენი დემოგრაფია, თუ ნახავთ და თუ დაინტერესებულხართ 2050 წელს და ეს არ ეხება მხოლოდ საქართველოს, ეს ეხება თითქმის ყველა ევროპულ ქვეყანას, იცით თქვენ, როგორიც არის პროგრესი, არ გვაქვს კიდევ ერთხელ ვიმეორებ, იმის ფუფუნება, რომ ამას ხელი შევუწყოთ ნეგატიურ ასპექტში“, - განაცხადა ჯუანშერ ბურჭულაძემ.
11 მაისს ტელეკომპანია „იმედთან“ ინტერვიუში ჯუანშერ ბურჭულაძემ მხარი დაუჭირა საქართველოს პრემიერ-მინისტს ირაკლი ღარიბაშვილს, რომელსაც აკრიტიკებდნენ უნგრეთში კონსერვატიული პოლიტიკური მოქმედების კონფერენციაზე (Conservative Political Action Coalition) სიტყვით გამოსვლის გამო.
"ევროპელი სოციალისტების პარტიამ", რომლის დამკვირვებელი წევრიც იყო საქართველოს მმართველი პარტია „ქართული ოცნება“, დაგმო საქართველოს პრემიერ-მინისტრ ირაკლი ღარიბაშვილის გადაწყვეტილება, მონაწილეობა მიეღო უნგრეთში გამართულ კონსერვატიული პოლიტიკური მოქმედების კონფერენციაში. ამის შემდეგ "ქართულმა ოცნებამ" ს "ევროპელი სოციალისტების პარტია" დატოვა.
დემოგრაფიული და რეპროდუქციული საკითხების დაკავშირება ერთი და იმავე სქესის პირთა ქორწინების კონტექსტში კონსერვატიულ წრეებში ფართოდ გავრცელებული მეთოდია. მათ მოწინააღმდგეების არგუმენტით ქორწინება არ ნიშნავს მაინცდამაინც ბავშვის გაჩენას. მეორეც, ერთნაირი სქესის მქონე წყვილებშიც შეიძლება რეპროდუქციული მიზნის მიღწევა.