Талдықорғанда ардагер спортшылар боз кілемде белдесті
ТАЛДЫҚОРҒАН. ҚазАқпарат - Талдықорғанда қала күні мерекесіне орай ардагер спортшылар арасында қазақ күресінен «Арландар айқасы» турнирі өтті. Қала әкімінің жүлдесі сарапқа салынған бәсекеге облыстың түпкір-түпкірінен 10 команда, 30-ға тарта балуан қатысты. Жарыс 45-50 жас, 51-55 жас және 56 жастан жоғары спортшылар арасында ұйымдастырылды, деп хабарлайды ҚазАқпарат тілшісі.