Новости за 03.05.2018

Адам укуктары боюнча эл аралык уюмдун 3-майдагы билдирүүсүнө караганда, футбол федерацияларынын дүйнөлүк ассоциациясы - ФИФА чеченстандык укук коргоочу Оюб Титиевдин абактан эч шартсыз бошотулуусу үчүн Кремлге “таасирин” колдонушу керек. “Хьюман Райтс Уочт” бул тууралуу Орусияда 14-июнда футбол боюнча дүйнөлүк чемпионат башталаар алдында айтып чыкты. Уюмдун маалыматына караганда, алар ФИФАнын президенти Жанни Инфантиного жолдогон катында аны Титиевди бошотууну орус президенти Владимир Путиндин жеке өзүнөн өтүнүүгө чакырды. Читать дальше...

Тажикстан жылуулук электр борборун куруп берген кытайлык компанияга үчүнчү алтын кенин берүүгө макул болгону кабарланууда. Эл аралык уюмдар Кытай өнүгүп келаткан өлкөлөрдү карыз менен кылтакка илүүдө деп коңгуроо кагып жатышат. Сауд Арабияда кинотеатрлар ачылгандан кийин эми оюн-зоок шаарынын курулушу башталды. Бул маданий ыңкылаппы?

Бишкек шаарындагы "Ак-Кула" ат майданында табылган шектүү зат танкка каршы коюлуучу мина экени аныкталды. Бул тууралуу Улуттук коопсуздук комитетинин (УКМК) атайын өкүлү Рахат Сулайманов "Азаттыкка" билдирди:  - Бүгүн кечки саат 20.00дө Бишкек шаардык ички иштер башкармалыгынын "102" нөөмөт бөлүмүнө "Ак-Кула" ат майданында шектүү зат табылганы тууралуу маалымат түшкөн. Ал жерге дароо адистер барып, шектүү буюм танкка каршы коюлуучу мина экенин аныкташты. Мина жараксыз абалда, дат баскан жана жардыруучу элементтери жок болгон. Читать дальше...

Пашиняндын талапкерлиги бүгүн парламенттеги үч фракциянын 41 депутатынын атынан сунушталды. Бул тууралуу Пашинян лидерлик кылган "Елк" фракциясы билдирди. 1-майдагы шайлоодо Никол Пашиянан премьерликке жалгыз талапкер болуп, бирок сегиз добуш жетпегендиктен өтпөй калган. Парламенттин премьер-министрди  шайлоо боюнча кийинки жыйыны  8-майга белгиленди. Армениянын Конституциясы боюнча эгер премьер-министр бул ирет да шайланбаса, анда парламент тарап, мөөнөтсүз шайлоо өтүшү керек. Ереванда бүгүн... Читать дальше...

Өзбекстандын Тышкы иштер министрлигинин басма сөз кызматы кабарлагандай, 3-майда министр Абдулазиз Камилов АКШнын Ташкенттеги элчиси Памела Спартленди кабыл алды. “Сүйлөшүүлөр учурунда тараптар өзбек-америкалык алака-катышты өнүктүрүүнүн практикалык маселелерин, анын ичинде эки өлкөнүн өкүлдөрүнүн катышуусунда биргелешкен иш-чараларды өткөрүүнү талкуулашты”, - деп айтылат Тышкы иштер министрлигинин билдирүүсүндө. “Азаттык” радиосунун өзбек кызматы кабарлагандай, бейрасмий маалыматтар боюнча 3-майдагы... Читать дальше...

Туруктуу элдик кеңештин мүчөсү, саясатчы Азимбек Бекназаров учурдагы саясий кырдаал, азыркы жана мурунку президенттердин мамилеси, парламент жана өкмөт тууралуу пикири менен бөлүштү.

Караколдун төрөт үйүндө ымыркайлар остеомиелит илдетине чалдыкканына байланыштуу кылмыш иши козголду. Наристелердин ата-энелери бул үчүн дарыгерлерди айыптап жатышат. Ал эми дарыгерлер дооматтарды четке кагышууда.

Бул тууралуу Ирандын тышкы иштер министри Мухаммед Жавад Зариф бүгүн Интернеттеги "YouTube" каналына коюлган видео билдирүүсүндө айтып чыкты: - Мен бир жолу жана түбөлүккө абдан ачык айтып коёюн. Биз коопсуздугубузду башкаларга бербейбиз, биз ак ниеттен ишке ашырган келишимди кайра карабайбыз жана ага кошумча да киргизбейбиз. Зариф бул сөздөрдү АКШ 2015-жылы түзүлгөн келишим боюнча чечим кабыл алышын утурлай айтты. АКШдагы мыйзам талабы боюнча президент 2015-жылдагы көп тараптуу келишимдин... Читать дальше...

2017-жылы АКШдан башпаанек сураган орусиялык жарандардын саны акыркы 24 жылдагы рекорддук деңгээлге чыккан. Ал эми 2016-жылга салыштырмалуу 40% көбөйгөн. Кошмо Штаттарда 2017-жылдын 30-сентябрында аяктаган каржы жылында орусиялыктардан башпаанек берүү өтүнүчү менен 2664 арыз түшкөн. Буга чейин АКШнын Жарандык жана иммиграция боюнча кызматына (USCIS) орусиялыктардан эң көп арыз түшкөн учур 1994-жылы катталган. Анда 2112 орусиялык башпаана берүүнү суранган. АКШнын Жарандык жана иммиграция кызматынын... Читать дальше...

Бир чакырымдык жарышка 500дөй бала катышып, жаш курактын беш түрү боюнча күч сынашты (10-15). Жеңүүчүлөр медаль жана белектер менен сыйланды.

Бүгүн - басма сөз эркиндигинин дүйнөлүк күнү . Бир катар эл аралык уюмдар дүйнөдө басма сөзгө чабуул күчөп жатканын белгилешет. Сирияда өкмөткө каршы күрөшкөн козголоңчулар үчүнчү чоң шаар - Хомстун жака-белиндеги аймактардан чыгып кетүүгө макул болушту. Түркмөнстан Каспий деңизинин боюнда ачылган жаңы порт өлкөнүн экспорт мүмкүнчүлүктөрүн кеңейтет деп үмүттөнөт.

Бүгүн, 3-майда, Дайыр Асанов атындагы "Жеңиш" паркында балдар арасында "Fun Run" жарышы өттү.

Ош шаарынын Фурманов көчөсүндө өрттөн жабыркаган төрт турак үйдүн ээлерине жардам берүү боюнча штаб түзүлдү. Штабдын башчысы Мадамин Юсупов “Азаттыкка” билдиргендей, жергиликтүү тургундар жардам иретинде акча чогултууда. Ош шаарынын мэриясы өрттөн жабыркаган үйдүн ар бирине 30 миң сомдон берилерин айткан. Учурда калдыктарды тазалаш үчүн жергиликтүү тургундар ашар уюштуруп жатышат. Аларга “Ош тазалык” ишканасы да техника жактан көмөк көрсөтөрүн билдирген.  Өрт 30-апрелде саат 13:39да Фурманов көчөсүндөгү №69 үйдөн чыккан. Читать дальше...

“Электр станциялары” ачык акционердик коому “Бишкек Жылуулук электр борборундагы жаңы курулуп жаткан сууну химиялык туздан арылтуучу блоктун курулушу токтоп калды” деген маалыматка түшүндүрмө берди. Мекеменин басма сөз кызматы тараткан билдирүүдө кезектеги химблокту куруу боюнча ТВЕА компаниясынын долбоору бар экени, ал азыр жергиликтүү шарттарга жана нормативдерге ыңгайлаштырылып жатканы айтылат. “Электр станциялары” ишканасы ошондой эле алардын инженердик-техникалык шарттарды (ИТУ) жана архитектуралык-пландык... Читать дальше...

Ош шаарынын Фурманов көчөсүндө өрттөн жабыркаган төрт турак үйдүн ээлерине жардам берүү боюнча штаб түзүлдү.

Баткендин Жаңы-Жер айылынын келини Ыхыбал Усманова миграцияда жүрүп тапкан каражатына тигүү цехин ачып, өзүнө курдаш төрт келинди иш менен камсыз кылды. Алар кыздардын себин даярдашып, жумасына он миң сомго чейин маяна алышат. Каражатты туура жана үнөмдүү сарптоонун сырларын мыкты билген Ыхыбалдын аракетине кабарчыбыз Медер Ниязалиев көз салды.

Өзбекстанда прокурорлор журналист Бобомурод Абдуллаевди беш жылга түрмөгө кесүүнү, аны менен кошо иши каралып жаткан башка үч айыпталуучуну актоону суранды. Журналист Бобомурод Абдуллаев "Интернетте «Усман Хакназаров» деген тергеме ат менен Өзбекстандагы конституциялык түзүмдү өзгөртүүгө чакырган макалаларды жарыялаган" деп былтыр кармалган.

Бишкектин борбордук Ала-Тоо аянтындагы сааттын дизайны өзгөртүлдү. Бул тууралуу бүгүн “Азаттыкка” “Тазалык” ишканасынын басма сөз катчысы Жибек Каракеева билдирди. Каракееванын айтымында, күн нурларын элестеткен композиция түрүндөгү саат сары гүлдөр менен кооздолду. Бир нече жыл мурда пайда болгон сааттын жебелерин кышкысын алып коюшат, жазында кайра тагып кооздошот. Быйылтан баштап гүл отургузуу менен “Тазалык” ишканасы алектене баштады. Бүгүн ал жерде 20 жумушчу иштеп, агератум, сальвия жана тагетис гүлдөрүн отургузушту. Читать дальше...

Кочкор-Ата шаарында жайгашкан "Кыргызмунайгаз" ишканасынын жетекчилиги “айрым адамдар жалган маалымат таратып, мекеменин ишмердүүлүгүнө кедергисин тийгизип жатат” деп эсептейт. Бул тууралуу аталган ишкананын башкармалыгынын жетекчиси Рашид Бостонов бүгүн маалымат жыйын куруп билдирди. - Өткөн айда акционерлердин жыйынында кээ бир уюшкан адамдар ызы-чуу чыгарып, элге жалган маалымат таратышты. Алардын артында ишканага жетекчиликке келүүнү көздөгөн топтор турушу мүмкүн. Кызматкерлердин атынан облустук ички иштер башкармалыгына кайрылуу бердик... Читать дальше...

2-майда жаңы Түркмөнбашы порту ачылды. Муну менен Түркмөнстан экспорттук мүмкүнчүлүктөрүн кеңейтүүнү көздөйт. Ашхабад бул портту Европа менен Азияны бириктирген кезектеги түйүн катары көрүп жатат.

Антонио Гутеррештин бүгүнкү билдирүүсүнө караганда, Ирандын өзөктүк программасы боюнча эл аралык келишимди алмаштыргыдай турмушка жарамдуу альтернатива болмоюнча аны бузбаш керек. - Эгер бир күнү аны алмаштыргыдай жакшы макулдашуу түзүлсө го мейли. Бирок жакшы альтернатива болмоюнча биз андан баш тартпашыбыз керек. Мен Аракеттенүүнүн биргелешкен кеңири планы (2015-жылы түзүлгөн өзөктүк келишимдин расмий аты) маанилүү дипломатиялык жеңиш болгон деп эсептейм жана аны сактоо абдан маанилүү. Бирок... Читать дальше...

Ысык-Көл облусунда атасы “инкарчы” эже-сиңди кайрадан мектепке бара баштады. Ак-Суу райондук прокуратурасы бүгүн “Азаттык” радиосуна билдиргенине караганда, Сары-Камыш айылынын тургуну Азамат Алышбаевдин кыздары: 11 жаштагы Муслима жана 10 жаштагы Мухлиса былтыр күздөн бери мектепке барбай жүрүшкөн. Буга атасынын диний көз караштан улам тыюу салып койгону себеп болгон. Алышбаев өзү 2017-жылдын ноябрь айында дааватка кетип калган, кийин милиция аны кайра алып келген.  Райондук прокуратура текшерүү жүргүзүп... Читать дальше...

Улуттук коопсуздук боюнча мамлекеттик комитет (УКМК) Бишкек шаарынын жетекчилигин коркуткан экстремисттик видео кайрылууну иликтей баштады. Бул тууралуу “Азаттыкка” УКМКнын басма сөз катчысы Рахат Сулайманов  билдирди: - Интернетте, анын ичинде социалдык тармактарда таралып жаткан “Ультиматум властям Бишкека” аттуу видео ролик боюнча текшерүү иштери жүргүзүлүп жатат. Учурда бул видеону даярдоого жана таратууга тиешеси бар адамдарды аныктоо аракеттери көрүлүүдө. Ошондой эле белгилей кетчү жагдай... Читать дальше...

Президент Сооронбай Жээнбеков элди "түндүк-түштүк" деп бөлгөндөргө катуу чара көрүлөрүн эскертти.

Республикачыл конгрессмендердин он сегизи ушул шаршемби күнү Нобель комитетине жазган катта Дональд Трамп “Түндүк Кореяны мыйзамсыз аскердик программасын токтотууга мажбурлаш үчүн ага болушунча кысым көргөзүү аракетинде талыкпастан иштегени” айтылат. Кайрылуунун авторлору ошондой эле Трамптын администрациясы эл аралык коомчулукту бириктире алганын, мунун натыйжасында Түндүк Кореянын экономикасына сокку урган жаңы санкциялар кабыл алынып, Пхеньянды сүйлөшүүгө мажбурлаганын да белгилешет. Дональд... Читать дальше...