Новости за 14.05.2019

Марат Кудайбергенов Балыкчы шаарынын мэри болуп шайланды. Ага шаардык кеңештеги 31 депутаттын 22си добуш берди. Экинчи талапкер Мирбек Шакиров тогуз добуш алды. Бул тууралуу “Азаттыкка” Балыкчы аймактык шайлоо комиссиясынын системдик администратору Кемел уулу Кайрат билдирди. Марат Кудайбергенов 26 жашта, “Замандаш” фракциясынын мүчөсү. Буга чейин (2011-2017-жылга чейин) “Алыш Сервис” жоопкерчилиги чектелген коомун жетектеген. Андан кийин өкмөттүн Ысык-Көл облусундагы өкүлүнүн жардамчысы, 2019-жылдан... Читать дальше...

Кара-Суу районундагы Жаңы-Турмуш айылында катар жайгашкан төрт турак үйдүн жалпы 629 чарчы метри күйүп кетти. Жабыркагандар жана каза болгондор катталган жок. Өзгөчө кырдаалдар министрлигинин маалыматына караганда, тилсиз жоо 13-майда, кечки саат 20:00 чамасында катталып, жыгач устундуу темир менен жабылган чатырлар өрттөнгөн. Өрт эки жарым сааттан кийин өчүрүлдү. Өрт болжол менен электр шаймандарын техникалык пайдаланууда эреженин бузулушунан (электр зымдарынын кыска туташуусу) келип чыккан. Читать дальше...

Сириядагы диний-экстремисттик топторго кошулуп кеткен айрым кыргызстандыктар ушул өлкөдө жүргөн жакындарын, неберелерин кайтарганга жардам берүүнү өтүнүп, президент Сооронбай Жээнбеков баш болгон өлкө жетекчилерине кайрылышты. Бүгүн, 14-майда Бишкекте айрым ата-энелер маалымат жыйын өткөрүп, Сирияга кеткендерге мунапыс берип, психологиялык, социалдык реабилитация жүргүзүү зарылдыгын белгилешти. "Эгиз кызымдын бирөө кеткен. Ал Түркияда 2014-жылдан бери иштеп жаткан. Кийин Сирияга барганын билдик. Читать дальше...

“Кыргызтелекомго” караштуу “КТ Мобайл” ишканасынын өкүлдөрү “Мегаком” брендин алып жүргөн “Кыргызтелекомдун” ортосундагы талаш жана айлык маселесине байланыштуу маалымат жыйын өткөрдү. Компаниянын жетекчисинин орун басары Эрназар Рысалиев ишканада эң жогорку айлык 157 миң сом, эң төмөнкү айлык 18 миң сом экенин билдирди. Ишкана өкүлдөрү айлыкка байланыштуу Интернетке тараган маалыматты четке кагышты. Интернетке чыккан маалыматтарда “КТ Мобайлдын” директору Нурбек Мукамбетов 350 миң, орун басары Эрназар Рысалиев 300 миң... Читать дальше...

Дүйшөмбүдө Филиппинде улуттук шайлоо өттү. Байкоочулар бул жолу президент Родриго Дутертенин партиясы Сенатта көпчүлүк орунга ээ болсо, өлкөдө Конституцияны өзгөртүүгө жана өлүм жазасын киргизүүгө жол ачыларын белгилеп жатат.

Европа Биримдиги Иран менен биргелешкен каржылык каналы алдыдагы бир нече жуманын ичинде ишке киргизилерин билдирди.

Дүйнөлүк саламаттык сактоо уюмунун Йемендеги кеңсеси 2019-жылдын башынан бери өлкөдө холера жуктуруп алгандардын саны 300миңден ашканын жарыялады.

Түркиянын Кыргызстандагы элчилиги Муфтият уюштурган ооз ачарга мурдагы “Себат” билим берүү мекемелеринин жетекчиси менен элчини чогуу чакырган окуя боюнча Тышкы иштер министрлигинин басма сөз өкүлү Хами Аксойдун билдирүүсүн таратты. Анда 8-майда муфтият уюштурган ооз ачарга бул өлкөдөгү ФЕТӨ/FETO (Түркия бийлиги Фетхуллаха Гюлендин кыймылын ушинтип атайт – ред.) башчыларынын чакырылганы кабыл алынгыс экени белгиленген. “Бул абалды байкаган Түркиянын Кыргызстандагы элчиси ага жараша мамиле кылган жана бул акыйкат болгон”... Читать дальше...

Гүлнара Касиева сегиз жылдан бери өзгөчө балдарды окутуп келет. Ал азыр 70ке чукул тубаса шал, аутизм, Даун синдрому менен жабыркаган балдарга Бишкектеги Иса Машаяктын чиркөөсүнөн эки бөлмө ижарага алып, билим берүүдө. Ал өз алдына койгон максаттары, мүмкүнчүлүгү чектелген балдарды окутуудагы түйшүктөр тууралуу айтып берди.

“Эже-сиңдилер” берүүсүндө бул жолу ооруп калганы үчүн кайын-журту басмырлап, күйөөсү чанып кеткен аялдар тууралуу кеп кылабыз.

Сегиз жылдан бери Дубайда ишкерлик кылган кыргызстандык Жанара Борончуева. АКШдан Жалал-Абадга көчүп келип, оорукчан балдарды караган боорукер кыз Калла Вен. Мамлекеттик кызматтан фермерликке кеткен Марат Жусупов малдын туягын санабай, сапатын жакшырткысы келет. FIFA футбол Академиясы Ошто кыздар үчүн футбол тайпасын ачты.

Тажикстандын Бажы кызматы «Душанбе-1» бажы терминалынын башчысы Шахбоз Ражабзода жумуштан кеткенин билдирди. 10-майда өлкө президенти Эмомали Рахмон каржы, салык жана бажы кызматкерлери менен жолуккан маалда анын ишин катуу сынга алган. Рахмон Ражабзоданы ордунан тургузуп, анын канча үйү жана автоунаасы бар экенин сураган. Мамлекет башчы Ражабзода начар окуганы үчүн университеттен чыгарылганын белгилеп, аны «өлкө жетекчилеринин атынан көп сүйлөйт» деп айыптаган. «Сенин күнөөң башыңдагы чачыңан дагы көп. Читать дальше...

Казакстандагы окуу жайларда «Назарбаев таануу» деген жаңы предмет пайда болушу мүмкүн. Бул тууралуу «Түштүк Казакстан» облустук гезити кабарлады. Басылманын маалыматына караганда, Шымкент университетинин профессору, экономика илимдеринин кандидаты Нурали Уткелбаевдин бул сабак боюнча жаңы окуу китебин иштеп чыгуу сунушу өлкөнүн Билим берүү министрлиги тарабынан жактырылды. Профессордун айтымында, учурда Нурсултан Назарбаевдин эмгектери — сүйлөгөн сөздөрү, баяндамалары, элге кайрылуулары, интервьюлары... Читать дальше...

Кытай америкалык товарларга бажы төлөмүн көбөйттү. Бул тууралуу Кытай басылмалары өлкөнүн Мамлекеттик кеңешинин тарифтик саясат боюнча комиссиясына шилтеме кылып жазышты. Бээжин мындай чечимди АКШнын Кытай товарларына карата бажы төлөмүн көбөйткөнүнө жооп чара катары кабыл алган. Кытай АКШнын жалпы баасы 60 миллиард долларга жеткен товары үчүн бажы тарифтерин 5 пайыздан 25 пайызга чейин көтөрө турганы кабарланууда. «Бирок бул өзгөртүүлөр күчүнө кире турган мөөнөт 1-июнга калтырылды. Ага чейин... Читать дальше...

Киевдин Оболонский райондук соту Украинанын жаңы шайланган президенти Владимир Зеленскийге шайлоо мыйзамындагы эрежелерди бузганы үчүн 850 гривен (2000 сомдон ашуун) айыппул салды. Жергиликтүү маалымат каражаттарынын жазганына караганда, 21-апрелде - президенттик шайлоонун экинчи турунда ал журналисттерге толтурган бюллетенин көрсөткөнү үчүн айыпка жыгылды. Мыйзамга ылайык, бул жоругу жабык добуш берүүнүн эрежелерине туура келбейт жана административдик тартипти бузуу болуп саналат. Зеленскийдин үстүнөн протокол шайлоо күнү эле түзүлүп... Читать дальше...

"Коопсуз шаар" долбоорунун алкагында Бишкек шаарынын бир катар көчөлөрүнө кошумча 19 камера орнотулуп, 14-майдан тарта иштей баштарын Маалыматтык технологиялар жана байланыш мамлекеттик комитетинин басма сөз кызматы билдирди. Камералар негизинен ири көчөлөргө коюлган. Орусиялык «Вега» концерни аткарып жаткан «Коопсуз шаар» долбоору Бишкекте 12-февралдан тарта ишке кирген. 2019-жылдын аягына чейин долбоор республиканын бардык аймагында иштей башташы керек. Жалпы өлкө боюнча 314 көзөмөл камера-комплекстери орнотулары айтылган. Читать дальше...

Балыкчы шаардык кеңешинин депутаттары бүгүн, 14-майда мэр шайлашат. Калаа башчылыгына эки талапкер катталганын Борбордук шайлоо комиссиясынын басма сөз кызматы билдирди. «Кыргызстан» фракциясы мэрлик кызматка 40 жаштагы Мирбек Шакировдун, «Замандаш» фракциясы 26 жаштагы Марат Кудайбергеновдун талапкерлигин көрсөттү. Балыкчынын мурдагы мэри Алмаз Мамбетов 19-апрелде Мамлекеттик каттоо кызматынын жетекчиси болуп дайындалган. Ал Мамкаттоонун мурдагы башчысы Алина Шаикованын ордуна келген. Шаикова... Читать дальше...

Ташкент шаардык соту Юнусабад районунун мурдагы акими Бахтияр Абдусаматовду беш жылга эркинен ажыратып, жазаны колонияда өтөрү белгиленди.  Паракор деп айыпталган Абдусаматов Кылмыш кодексинин 205-беренеси (Бийликтин жана кызматынын укуктарынан кыянат пайдалануу) менен айыптуу деп табылды.  43 жаштагы Бахтияр Абдусаматов 2018-жылдын 7-сентябрында камалган. Аны ишкерге жер бөлүштүрүп берүү үчүн 400 миң АКШ доллары өлчөмүндө пара алып жаткан кезде Мамлекеттик коопсуздук кызматкери колго түшүргөн.

АКШнын президенти Дональд Трамп Жапонияда өтө турган «Чоң жыйырма» (G20) саммитинде Кытайдын төрагасы Си Цзинпин жана Орусиянын президенти Владимир Путин менен жолугууга ниеттенип жатканын билдирди. Бул тууралуу "Reuters" агенттиги жазды. Трамптын айтымында, өткөн жумада АКШ-Кытай ортосунда макулдашууга кол коюу аракети ишке ашпай калгандан кийин анын Си Цзинпин менен жолугушуусу натыйжалуу болушу мүмкүн. Ал Путин менен жолугушуусунан кандай жыйынтыктарды күтүп жатканы тууралуу эч нерсе айткан жок. Читать дальше...

Жакындары Сириядагы диний-экстремисттик топторго кошулуп кеткен кыргыз жарандары Бишкекте коомчулук менен ой бөлүшөт. 14-майда «AkiPress» агенттигинде бир канча коомдук бирикмелердин адистеринин жана туугандары Сирияга кетип калган кишилердин катышуусунда жыйын болот. Анда «Ислам мамлекети» террордук тобунун Борбор Азия чөлкөмүнө тийгизген таасири, кесепети талкууланат. Сирияга кетип калгандарды Кыргызстанга кайтарып келүү маселеси, алар келгенден кийинки тагдырынын чоо-жайы да талкуунун өзөгүн түзөт. Читать дальше...

Орусиянын Новосибирск шаарында турак жайга Сталиндин атынын ыйгарылышына байланышкан реклама жашоочулардын сынына кабылып, социалдык тармакта кызуу талкуулана баштады.  Новосибирск курулуш компаниясы рекламаны 11-майда жарыялаган. Сегиз кабаттуу имарат быйыл күздө бүтөрү айтылган.  Аталган калаа Сталиндин 1930-жылдардагы репрессиялык саясаты учурунда "Совет калкынын душманы" деп табылган миңдеген адамдар мажбурлап көчүрүлгөн шаарлардын бири.

14-майда АКШнын мамлекеттик катчысы Майк Помпео менен Орусиянын президенти Владимир Путин жолугары күтүлүүдө. Мамлекеттик департаменттин маалыматына караганда, сүйлөшүү Сочиде өтөт. Анын визити Москва менен Вашингтондун мамилеси чыңалып турган учурга туш келүүдө. Помпео Орусияга дүйшөмбүдө келери айтылган, бирок ал Иранга байланыштуу Брюсселде Европа лидерлери менен жолугушуу пландалып, ал күнкү сапар токтотулган. Майк Помпео Орусиянын тышкы иштер министри Сергей Лавров менен да жолугат. Алар... Читать дальше...