Ооганстандын түштүгүндөгү Газни провинциясынын полиция участогундагы жардыруудан кеминде алты коопсуздук кызматкери мерт болду. 1-июнда ушул эле аймактагы дагы бир полиция имаратына кол салуу болуп он чакты күч кызматкерлери жаракат алды. Бул жардыруулар үчүн жоопкерчиликти «Талибан» кыймылы өзүнө алып, 40га жакын полиция кызматкерин жок кылганын жарыялады. Бул жардыруулар орозо айындагы катар-катар теракттардын акыркысы болду. Өтүп бара жаткан жумада Кабулда бир нече жардыруу катталып, ондогон адамдар жабыркаган. Читать дальше...
Келерки кылымда керик, ителги кайып болот. Жөө басуу улгайган аялдарга пайдалуу. Дүйнөдөгү өтө тез жүргөн экспресс-поезд сынактан өтүп жатат. Үлпүлдөк түктүү алтын жасалгалуу микроорганизм.
Кыргызстанда айдоочулук күбөлүктөр жана автоунаанын техникалык паспорттору үчүн бланктарды сатып алуу боюнча тендер жакынкы күндөрү жарыяланат. Бул тууралуу Мамлекеттик каттоо кызматынын өкүлдөрү «Азаттыкка» кабарлашты. Алардан алынган маалыматка ылайык, учурда тендерди жарыялоого акыркы даярдыктар жүрүп жатат. Айдоочулук күбөлүктөрдүн жана автоунаалардын техникалык паспортторунун бланктары менен камсыз кылуу укугуна Кыргызстанда катталган «Атлас Крипт» аттуу компания ээ болгон. Анын мөөнөтү быйыл апрель айында аяктамак. Читать дальше...
Энергетика маселелери боюнча эксперт Эрнест Карыбековду жатак абакка которуу боюнча өтүнүч каралбай жатат. Бул тууралуу «Азаттыкка» «Саясий туткундарды коргоо» комитетинин төрагасы Сапарбек Аргымбаев билдирди. Анын айтымында, «Карыбековду жатак абакка которуу боюнча өтүнүч четке кагылды» деген маалымат туура эмес. Анын өтүнүчүн учурда Жаза аткаруу мамлекеттик кызматы (ЖАМК) карай элек. Аргымбаев быйыл күчүнө кирген мыйзамдарга ылайык соттолуучуну жатак абакка которуу боюнча чечимди ЖАМК кабыл алууга укуктуу экенин кошумчалады. Читать дальше...
2011-2017-жылдары бир нече банк аркылуу Кыргызстандан 700 миллион доллар чет өлкөлөргө чыгарылып кеткени тууралуу «Азаттыктын» иликтөөсү коомчулуктун бүйүрүн кызытты.
Англиялык «Ливерпуль» клубу футбол боюнча Чемпиондор лигасынын быйылкы жеңүүчү болду. 1-июнда Испаниянын борбору Мадрид шаарындагы «Ванда Метрополитано» стадионунда өткөн оюнда «Ливерпуль» атаандашы болгон дагы бир англиялык клуб «Тоттенхэмди» 2-1 эсебинде утту. Голдорду атаандаштын дарбазасына Мохамед Салах жана Дивок Ориги киргизди. Муну менен «Ливерпуль» алтынчы жолу Чемпиондор лигасынын жеңүүчүсү болуп калды. Аталган эки клуб 2018-жылдын күз мезгилинен бери турнирде жүрүшүн улантып келе жатат. Читать дальше...
Катышуучулар ордо, күрөш, армрестлинг, тогуз коргоол, волейбол, футбол, жеңил атлетика, мас-рестлинг, пара пауэрлифтинг боюнча ат салышат.