Новости за 13.06.2019

Президент Сооронбай Жээнбеков Кытайдын төрагасы Си Цзиньпиң менен жолугушууда Кыргызстан көп багыттуу долбоорлорду ишке ашырууга даяр экенин билдирди. Жээнбеков артыкчылыктуу багыттар катары транспорт, инфраструктура, айыл чарба тармактарын атады. Кыргыз президенти расмий Бишкек Кытай менен буга чейин түзүлгөн келишимдерди аткара турганын билдирди. Ал эки өлкө ортосундагы биргелешкен долбоорлорду ишке ашырыш үчүн өкмөт аралык жумушчу топ түзүүнү сунуш кылды. Кытайдын төрагасы Си Цзиньпиң Кыргызстанга 13-июнда мамлекеттик сапар менен келген.

Жалал-Абад облусунун Сузак районуна караштуу Топурак-Белдеги монумент алдында 2010-жылдагы июнь окуялары эскерилди. Иш-чарага өкмөттүн облустагы ыйгарым укуктуу өкүлү Кыянбек Сатыбалдиев баштаган жергиликтүү бийлик өкүлдөрү жана коогалаңда жакынын жоготкон тургундар катышты. - Улуттар арасындагы жаңжал эч кимге кереги жок экенин түшүндүк. Бир топ күчтөр өз кызыкчылыктарына жетиш үчүн ушул кадамга барышкан. Бул жерде карапайым калк гана азап чекти. Баштаган адамдар ошол күнү жок болушту, анткени... Читать дальше...

Москвада иштеген сузактык жаштар туулган айылына 2 млн. сомдук эс алуу багын куруп беришти. Багыш айылында жаштар түптөгөн эс алуу багы балдар ойногондон тышкары, бардык айылдыктардын башын бириктирген жай болуп калды. Жергиликтүүлөр айылдын инфраструктурасын жакшыртууга мигрант жаштардын салымы өзгөчө болуп жатканын айтышат. Былтыр алар ушул эле айылга чоң спорт зал куруп беришкен.

13-июндагы парламент отурумунда Жогорку Кеңештин КСДП фракциясынын депутаты Мурадыл Мадеминов айрым депутаттардын экс-президент Алмазбек Атамбаевге дооматтарын комментарийледи. Ал парламент калыс болбогондуктан Атамбаев депутаттарды сындап жатканын белгиледи. “Маселен, ЖЭБ маселесин карап жатканыбызда “талаш-тартыш болуп жатат, эл аралык аудитке берели” деп бир нече депутат сунуштаганыбыз. Парламент ошого барбай, калыс сөзүн айта албай койгон. Алмазбек Шаршенович ошону айтып жатат. Бүгүн да кеч эмес, Дастанбек Артисбекович. Читать дальше...

Европа Биримдиги уюмдун тышкы саясат  боюнча орун  басары  жакынкы күндөрү аймактагы сапарынын алкагында Иран Ислам Республикасына барарын  маалымдады.

Кытайдын төрагасы Си Цзиньпиң Кыргызстанга мамлекеттик сапар менен Шанхай Кызматташтык Уюмунун саммитинин алдында келди.

Кытайдын лидери Си Цзинпин Кыргызстанга мамлекеттик сапар менен 12-июнда келген.

Бул тууралуу Кыргызстандын президенти Сооронбай Жээнбеков Кытайдын төрагасы Си Цзинпин менен жолугушууда билдирди. Анын айтымында, Кыргызстан менен Кытайдын ортосундагы бекем достук орношуна тоскоолдук жараткан күчтөр бар. “Кытайдагы улуттук азчылыктар боюнча маселе бул өлкөнүн ички иши деп эсептейбиз”,- деди Жээнбеков. Кыргыз президенти Тайван маселеси боюнча да сүйлөп, расмий Бишкек Кытайдын позициясын колдорун жана бул аймактагы жападан-жалгыз мыйзамдуу бийлик катары Бээжинди тааный турганын кошумчалады. Читать дальше...

Лейлек районунда мыйзамсыз түрдө дизел майын ташып келе жаткан автоунаалар кармалганы тууралуу Финансы полициясынан билдиришти. Маалыматка караганда, Экономикалык кылмыштарга каршы күрөшүү кызматынын өкүлдөрү УКМК кызматкерлери менен биргеликте аймакта рейд өткөргөн. Анын жүрүшүндө Лейлек районунда Кыргызстандан Тажикстанга 30 тонна дизел майын мыйзамсыз ташып бара жаткан «КамАЗ» үлгүсүндөгү эки автоунаа кармалган. Автоунаалар жүгү менен айып аянтчасына киргизилди. (JsA\ErN)

Жалпысынан он кыз катышса, финалда үчөө ат салышты.

Ош, 13-июнь, 2019-жыл. /ca-irnews.com/.  12-июнда Ош шаарынын мэри Таалайбек Сарыбашов Кытайдын Хэбей провинциясынын Шицзячжуан шаарынын вице-мэри Ли Сюэронг мырза баштаган делегация менен жолугушту.

Ирандын президенти Хасан Рухани Япониянын премьер-министри Синдзо Абэ менен болгон сүйлөшүүлөрүнүн жыйынтыгында Токио  Ирандан мунай сатып алууну улантууга даяр экендигин билдирди.

“Ала-Арча” мамлекеттик резиденциясында Кыргызстандын президенти Сооронбай Жээнбеков жана Кытайдын төрагасы Си Цзинпиндин жолугушуусу башталды. Си Цзинпин Кыргызстанга мамлекеттик сапар менен 12-июнда келген. Тышкы иштер министрлигинен кабарлашкандай, жолугушуу жүрүшүндө эки өлкө ортосундагы кызматташтыкты өнүктүрүү талкууланууда. Анын жыйынтыгы менен 20га жакын документке кол коюлары күтүлүүдө. Аталган келишимдер кайсы багыттарды камтый турганы азырынча айтыла элек. Бул Кытайдын төрагасы Си Цзинпиндин... Читать дальше...

Орусиянын Коргоо министрлиги Орусия менен Түркия Идлибде ок атышууну токтотууга макулдашышканын жарыялады.

Мелдеш 15-16-июнь күндөрү борбордогу мектеп-гимназиялардын биринде болмокчу.

Быйылкы жылдын алгачкы төрт айында Кыргызстанда салык чогултуу соңку сегиз жылда алгачкы жолу өсүшкө ээ болгон жок. Республикалык жана жергиликтүү бюджеттердин жалпы кирешеси январь-апрель айларында 47 млрд 481 млн сомду түздү. Анын 35 млрд 72 млн сому – салык кирешеси. Эгер былтыркы жылдын ушул эле мезгилине салыштырып караганда бул 1,1 млрд сомго аз. 2011-жылдан бери мындай көрүнүш байкалган эмес. 7-февралда Каржы министрлигинин коллегиясынын жыйынында өкмөт башчы Мухаммедкалый Абылгазиев... Читать дальше...

Экс-президенттен кол тийбестикти алуу процесси оңой эмес. Бул тууралуу “Азаттык” радиосуна Жогорку Кеңештин депутаты, Конституциялык мыйзамдар, мамлекеттик түзүлүш, сот-укук маселелери жана парламенттин регламенти боюнча комитеттин мүчөсү Исхак Масалиев билдирди. Депутаттын айтымында, бул маселе парламентте атайын комиссия түзүү аркылуу чечилиши керек. Ал эми комиссия түзүү тууралуу чечим комитеттин жыйынында кабыл алынат: - Комиссия он күндүн ичинде коюлган күнөөлөрдү текшерип, иштеп чыгышы керек. Читать дальше...

Кыргызстандын Түркиядагы элчиси Кубанычбек Өмүралиев бул өлкөнүн Ван аймагында жайгашкан Улуу Памир айылына барып, тургундарынын айрым маселелерин талкуулады. Вандын губернатору Мехмет Эмин Билмез менен сүйлөшүүдө Улуу Памир айылында калктын санынын өсүшүнө байланыштуу кошумча турак жай куруу үчүн жер тилкесин бөлүп берүү макулдашылды. Жергиликтүү бийлик менен Улуу Памир айылындагы толук эмес орто мектептин ордуна лицей ачуу көйгөйү да сүйлөшүлдү. Ошондой эле айыл тургундарынын маданий иш-чараларына... Читать дальше...

Казакстанда нааразылык акцияларына чыккандарды кармоо кечээ 12-июнда да уланды. Алматы шаарында кечинде полиция жүзгө жакын адамды кармап кеткени, алардын арасында кеминде үч журналист бар экени кабарланды. Нур-Султан шаарында «Байтерек» монументинин алдына чыккан беш адам кармалды. Шымкентте да полиция үч адамды кармап кеткени айтылды. Бийликке каршы нааразылык акциялары Казакстанда президенттик шайлоого байланыштуу өтүп жатат. 9-10-июнда кармалгандардын саны 700гө чукулдаганы расмий айтылган. Читать дальше...

Москвада жалган жалаа менен кармалып, кайра коё берилген журналист Иван Голуновго тилектештик билдирүү үчүн 12-июнда уюштурулган жөө жүрүштүн жүздөгөн катышуучусун полиция кармап кетти. Акцияга байкоо жүргүзгөн көз каранды эмес байкоочулардын айтымында, 400дөй адам, анын ичинде оппозициялык саясатчы Алексей Навальный да кармалган. Кийинчерээк Навальный бошонуп чыкканын Твиттерге жазды. Полиция акцияга 1200дөй адам катышканын, алардын 200ү “бийлик уруксат бербеген иш-чарага катышты” деген негизде кармалганын билдирди. Читать дальше...

Шанхай кызматташтык уюмунун саммитине бир катар мамлекеттердин башчылары келип жатканына байланыштуу 13-июнда Бишкекте автожолдордо кыймылга убактылуу чектөө киргизилет. Ички иштер министрлиги айдоочуларга жана жүргүнчүлөргө кайрылып, кайсы көчөлөр улам жабылып турарын билдирди. «Манас» аэропортунан Жибек Жолуна чейин, Жибек Жолунан Жаш Гвардия бульварына, Чүй проспектинен Манас проспектине жана андан ары “Ала-Арча” мамлекеттик резиденциясына чейин улам чектөө болуп турат. 14-июнда Бишкекте ШКУ саммити өтөт... Читать дальше...

Бүгүн 13-июнда Бишкекте кыргыз-кытай сүйлөшүүлөрү өтөт. 12-июнда Кыргызстанга Кытайдын лидери Си Цзинпин мамлекеттик сапар менен келди. Эл аралык «Манас» аэропортунан аны кыргыз президенти Сооронбай Жээнбеков тосуп алды. Бүгүн кеңейтилген курамдагы эки тараптуу жолугушуу өткөрүлөт, жыйынтыгында бир катар документтерге кол коюлат. Сапардын алкагында кыргыз-кытай бизнес-форуму өтөт. Ал эми эртең, 14-июнда Си Цзинпин Бишкекте Шанхай кызматташтык уюмуна мүчө мамлекеттердин башчыларынын кеңешинин кезектеги жыйынына катышат. Читать дальше...

Вашингтон “Түндүк агым-2” газ кууру боюнча долбоордун катышуучуларына карата бир тараптуу санкция киргизиши мүмкүн. Бул тууралуу АКШ президенти Дональд Трамп журналисттердин суроолоруна жооп берип жатып билдирди. Ал Германияны куурду орнотуу иштеринде Орусия менен кызматташып жатат деп айыптап, “Биз Германияны Орусиядан коргоп жатсак, Орусия Германиядан газ үчүн миллиарддаган доллар алууда” деп сындады: - Менимче, Германия өзүн өзү ыңгайсыз абалга калтырууда. Себеби ал энергиянын 50%, 60% же 70% Орусиядан алып жатат. Читать дальше...

Мурдагы президент Алмазбек Атамбаевге депутаттар коюп жаткан дооматтардын негизгиси - «ал бийликти узурпация кылып алган» деген айыптоо болууда. Депутат Курманкул Зулушев мурдагы президентти бир нече факт боюнча жоопко тартса болот деп эсептейт, алардын биринчиси – 2016-жылдагы конституциялык реформа: - Ошол конституциялык реформаны мыйзамсыз өткөргөнү үчүн биз чара колдонбойбузбу? «Президенттик шайлоону, президентти тааныбайм» дейт. Кечээ эле шайлоо мыйзамдуу болгонун белгилебеди беле бул киши? Читать дальше...