Новости за 08.10.2020

Азербайжан жана Армениядын ортосундагы Тоолуу Карабак аймагындагы абал курч бойдон калууда. 7-октябрда эл аралык коомчулук аймактагы ок атууну токтотуу боюнча аракеттерди күчөткөнүнө карабай азери жана армян күчтөрү ортосунда куралдуу кармаш уланды. Армениянын Коргоо министрлиги өткөн түнү жаңжал зонасында чыңалган абал сакталганын кабарлады. Анда 8-октябрда эртең менен Ереван колдогон Тоолуу Карабактын бийлиги каршы тараптын чабуулунун мизин кайтарганын жана Азербайжан зыян келтиргенин маалымдалган. Читать дальше...

Башкы прокуратуранын имаратын эч ким басып алган жок, мүлкү өз ордунда. Бул тууралуу аталган органдын басма сөз кызматы «Азаттыкка» кабарлады. Маалыматта башкы прокурордун эки орун басары жана кызматкерлери өз кызмат орундарында иштеп жатканы белгиленип, башкы прокурор Өткүрбек Жамшитовдун кайда экендиги айтылган жок. Мекеме прокурорлордун ишине тоскоолдуктар болуп, прокуратура кызматкерлери кызматтык имараттар менен документтерди өз күчү менен кайтарып жатканын айтты. Кол кабыш кылган ыктыярчыларга ыраазычылык билдирген. Читать дальше...

Кыргыз футбол союзунун машыктыруучулук билим берүү менеджери Мирлан Ишенов футбол боюнча Азия чемпионатынан кийин аталган спорттун өлкөдө элге тарашы жакшы көрүнүш экенин белгиледи.

Ош шаарындагы борбордук аянтта 500дөй кишинин катышуусунда президент Сооронбай Жээнбековду колдоп митинг өттү. Катышуучулар Сооронбай Жээнбеков легитимдүү президент экенин белгилеп, мыйзамдарды сактоого, тынчтыкка жана сабырдуулукка чакырышты. Мындан тышкары улут, аймак аралык бөлүнүүгө жол берилбей турганын айтышты. Ушундай эле мазмундагы акция бүгүн Кара-Суу шаарында да болду. Жергиликтүү эл, мамлекеттик кызматкерлер өлкөдө мыйзамдуулук орноп, тынчтык сакталышын талап кылып жөө жүрүшкө чыгышты. Читать дальше...

Жалал-Абад шаарынын мэрия имаратынын алдында ондогон адамдар -  6-октябрда өз арызы менен кызматтан кеткен Мураталы Тагаевдин тарапташтары чогулду. Алар Тагаевдин кайра кызматына кайтып келип, өз жумушун улантуусун талап кылышууда. Убактылуу шаар башчы болуп 2 күндөн бери иштеп жаткан Нуртилек Орозбаев чогулгандар менен жолугуп, маселени мыйзам жолунда чечүү зарыл экенин айтты. 6-октябрда Жалал-Абад шаарынын мэри Мураталы Тагаев өз арызы менен шаар башчылык кызматын тапшырып берген. Бул маселени... Читать дальше...

Өмүрбек Суваналиев Коопсуздук кеңешинин катчысынын милдетин аткарууда. Бул тууралуу Улуттук коопсуздук боюнча мамлекеттик комитеттин (УКМК) басма сөз кызматы маалымдады. Бул милдетти ал Коопсуздук кеңешинин катчысы жок болгонуна байланыштуу аткарып жатат. Атайын кызматтын басма сөз кызматы Коопсуздук кеңешинин катчысы Дамир Сагынбаев кайда экенин билбей турганын кабарлады. Өмүрбек Суваналиев Коопсуздук кеңешинин катчысынын орун басары болуп 1919-жылы февралда дайындалган. Парламенттик шайлоого... Читать дальше...

"Бишкексууканал" ишканасынын кызматкерлери иш таштады. Алар мекеменин жетекчиси Мурадил Сейдалиевдин кызматтан алынышына каршылык билдирип, иш таштаганын ишкананын кызматкери Мекен Балбаков "Азаттыкка" кабарлады. Анын айтуусунда ушул тапта "Бишкексууканал" ишканасынын кызматкерлери мекеменин алдында митинг өткөрүп жатышат. Жумушчулар жетекчини кызматтан кетүү тууралуу арыз жазууга Бишкектин мэри Азиз Суракматов мажбурлады деп айтышууда. Бишкек мэриясынын басма сөз кызматы бул маалыматты четке кагып... Читать дальше...

Ош облусунун Кара-Суу районунун акими, Мамлекеттик бажы кызматынын төрагасынын мурдагы орун басары Райымбек Матраимовдун бир тууганы Тилек Матраимовдун кармалганы чын. Бул тууралуу «Азаттыкка» УКМКнын коомчулук менен байланыш бөлүмүнөн билдирди. Буга чейин социалдык тармактарда Тилек Матраимовдун кармалганы жалган экени тууралуу маалыматтар тарап, алардын жаңы тартылган деген сүрөтү жарыяланган. УКМК Тилек Матраимов менен анын туугандары чек арадан мыйзамсыз өтүүгө аракет кылган учурда кармалганы анык экенин билдирди. Читать дальше...

Оштогу 100дөн ашуун жүк ташуучу айдоочулар бүгүн, 8-октябрь күнү Кара-Суу районунун Кашкар-Кыштак айылындагы «Абу-Сахий» аттуу кытайлык ишкананын жүк ташуучу терминалында чогулушту. Жүк ташуучулардын «Айдоочу» коомунун төрагасы Надир Токторов чогулганынын себебин «Абу-Сахий» ишканасына нааразылык менен байланыштырды. Анын айтымында, бул компания өзүнүн Кыргызстанда катталган автоунаалары аркылуу жергиликтүү айдоочулардын нанын тартып алган. «Он жылдан бери булар биздин ишибизди тартып алып, жүк ташуу тармагын монополия кылып алышты... Читать дальше...

Бишкектеги Улуттук госпиталда 19 жаштагы жигиттин колу ампутацияланды. Бул ооруканада 5-октябрда митингде жабыркаган 60га жакын адам дарыланууда. Дарыгерлердин айтымында, бейтаптардын басымдуу бөлүгү жардыргыч заттардан оор жараат алышкан. Ушул тапта митингге чыккандарга ок атууга ким  тапшырма бергени иликтенене баштады.

Кыргызстанда саясий кризис жөндөлө элек. Өлкөдө бийлик вакууму жаралып, мыйзамдык талаага кайтуу аракетинен майнап чыга элек. 6-октябрда Жогорку Кеңештин бир нече депутаты “Достук” мейманканасында чогулуп, парламент төрагасын алмаштырганын жана премьер-министрликке Садыр Жапаровдун талапкерлигин көрсөткөнүн жарыялаган. Бирок бул чечимдердин легитимдүүлүгүнөн бир нече депутат күмөн санап жатат. Укуктук негиздер кайсылар?

АКШда шаршембиде кечинде вице-президенттикке талапкерлер республикачы Майк Пенс менен демократ Камала Харристин теледебаты өттү. Солк-Лейк Ситиде уюштурулган дебатта талапкерлер коронавирус пандемиясына каршы чаралардан баштап тышкы саясат, экономиканын абалына чейинки маселелерди талкуулашты. Телетаймаш пандемия маалындагы кабыл алынган чаралардан башталып, Камала Харрис Трамптын бийлигинин бул багыттагы саясатын кескин сынга алды. Ал учурдагы Ак үйдүн аракетин «америка өкмөтүнүн эң ири утулушу» деп атап... Читать дальше...

Укук коргоо органдарынын координатору, Коопсуздук кеңешинин катчысынын орун басары Өмүрбек Суваналиев Бириккен Улуттар Уюмунун (БУУ) Кыргызстандагы ыйгарым укуктуу өкүлү Озонниа Ожиело менен жолугушту. Жолугушууда акыркы коомдук-саясий кырдаал талкууланды. Жолугушуу тууралуу Улуттук коопсуздук боюнча мамлекеттик комитет (УКМК) маалымат берди. Суваналиевдин айтымында «кырдаалды курчутууга чагымчыл элементтер тарабынан аракеттер болуп жатат, буга карабастан күч түзүмдөрүнүн жана укук коргоо органдарынын... Читать дальше...

Өлкөдөгү кырдаалды жөнгө салыш үчүн «Реформа», «Бир Бол», «Республика» жана «Ата Мекен» партиялары биригип, өкмөт башчылыкка төрт талапкерди сунуш кылып жатат. Бул тууралуу Жогорку Кеңештеги КСДП фракциясынын депутаты, парламенттик шайлоодо «Ата Мекен» партиясынан талапкер болгон Рыскелди Момбеков билдирди. Анын айтымында өкмөт башчылыкка «Республика» Өмүрбек Бабановдун, «Реформа» Клара Сооронкулованын, «Бир Бол» Алтынбек Сулаймановдун, «Ата Мекен» Тилек Токтогазиевдин талапкерлигин көрсөтөт. Аталган... Читать дальше...

9-октябрда түнкүсүн Ош, Жалал-Абад, Баткен, Ысык-Көл, Нарын облустарынын кээ бир райондорунда жаан жаайт. Тоолуу аймактарда карга айланат.  Чүй, Талас облустарынын тоолуу райондорунда кар жаайт. Күндүз Ош, Ысык-Көл, Нарын, Чүй, Талас, Жалал-Абад, Баткен облустарында мезгил-мезгили менен жаан, тоо этектеринде жамгыр жаап, тоолуу райондордо карга айланат. Батыштан соккон шамалдын ылдамдыгы секундасына 4-9 метрден 15-20 метрге жетет. Абанын температурасы: Чүй өрөөнүндө түнкүсүн 0…5, күндүз 8…13; Талас өрөөнүндө түнкүсүн -2…+3... Читать дальше...

8-октябрда кыргыз өкмөтүнүн аппаратынын бөлүм башчылары менен онлайн жыйын өтүп, аны вице-премьер-министр Эркин Асрандиев алып барды. Жыйында бардык кыйынчылыктарга карабай мамлекеттик органдар ишин улантары, бардык жетекчилер, кызматкерлер ырааттуу иштеши жана жумуш ордун таштап кетпеши керек экендиги белгиленди. Бул коронавирус коркунучу, тышкы карызды төлөө, кышка даярдык өңдүү өкмөт колго алчу маселелер менен байланыштырылды. Өкмөттүн басма сөз кызматы билдиргендей, 7-октябрдан тартып бардык министрликтер... Читать дальше...

Улуттук банкы калкты банктык кызмат көрсөтүүнүн негизги түрлөрү менен камсыз кылыш үчүн коммерциялык банктарга жана банк эмес финансы-насыя уюмдарына 2020-жылдын 8-октябрынан тартып кайрадан иштей баштоону сунуш кылды. «Эмгек акыларды, пенсияларды, жөлөк пулдарды өз убагында алыш үчүн шарт түзүү, ошондой эле калкты нак акча менен камсыз кылуу максатында, өлкөдөгү бүгүнкү кырдаалды эске алып, финансылык уюмдарга иш убактысын саат 09.00дөн тартып 15.00гө чейин белгилөө сунушталат. Финансылык уюмдар... Читать дальше...

Саламаттык сактоо министри Сабиржан Абдикаримов «Кабар» маалымат агенттигинде басма сөз жыйынын өткөрүп, өлкөдө акыркы күндөрү күчөгөн башаламандыктын кесепетинен адамдар облустардан шаарга келип-кетип, коронавирус тез жайылып баратканын билдирди. «Оорунун таркап кетүү коркунучу бар, анткени көпчүлүк санитардык нормаларды сактабай жатат. Ошол эле учурда суук түштү, башка сасык тумоо оорулары да күчөөдө. Бардык жарандарды санитардык ченемдерди сактап, беткап кийип, зарыл болбосо көчөгө чыкпай, антисептик колдонууга чакырам», - деди министр. Читать дальше...

Жарандык коомдун 8-октябрда өткөн жыйынында Коопсуздук кеңешинин катчысынын орун басары Өмүрбек Суваналиев учурда өлкөдө кырдаал оор экенин айтып, мындан ары да курчутуп жибербөө үчүн Коопсуздук кеңеши укук жана тартип коргоо кызматтарынын ишин координациялоону өз колуна алганын айтты.

8-октябрда Бишкектин калаа башчысы Азиз Суракматов тарапташтары менен мэриянын имаратына кирди. Ал өз ишин токтотпогонун, эки күндөн бери аралыктан иштеп жатканын айтып, кадимки тартипте иштей бере турганын билдирди.

Ош шаарынын борбордук аянтында мэр Таалайбек Сарыбашовду колдогондор беш боз үй тигишти. Учурда аянтта болжол менен 400дөн ашуун киши жүрөт. Алар тынчтык митинг өткөрүүгө камынууда. Мындан тышкары, президент Сооронбай Жээнбековду колдогондор да облустун борборунда чогулууда. 7-октябрда Таалайбек Сарыбашовдун тарапташтары митинг өткөрүп, Сарыбашов сөз сүйлөгөн соң мэриянын имаратына киргизип мэрдин бөлмөсүнө олтургузушкан. Мэр журналисттерге интервью берип, мыйзамдуу шаар башчысы экенин айткан. Читать дальше...

Финансы министрлигинин эмгек жамааты бүгүн, 8-октябрда министр Бактыгүл Жээнбаеваны иш ордуна киргизген эмес. Мекеменин басма сөз кызматы «Азаттыкка» билдиргендей, учурда министрликтин кеңсесинин алдында жетекчиликке нааразы болгон кызматкерлер топтолуп турушат. Алар Жээнбаеванын жолун тороп, имаратка киргизбей, кызматтан кетишин талап кылып жатышат. Буга алар «Жээнбаева Финансы министрлигин башкарган эки жыл ичинде эмгек жамаатын эки бөлүп койгон, кызматкерлер министрдин өзүн колдогон сүймөнчүктөр... Читать дальше...

Баткенде 5-октябрь түнү Ала-Тоо аянтындагы митингден кийин болгон башаламандыкта каза тапкан 19 жаштагы Үмүтбек Алтынбек уулу бүгүн жерге берилүүдө. Аймактагы «Азаттыктын» кабарчысынын айтымында, тажияга кайсы бир саясий партиянын мүчөлөрү барган жок. 2001-жылы туулган Үмүтбек бир үйдүн жалгыз уулу болгон. Ал кулак тундуруучу жардыргыч жарылганда катуу жараат алып көз жумган. 5-октябрда Бишкектеги Ала-Тоо аянтында 4-октябрдагы парламенттик шайлоодон жети пайыздык босого чекти өтпөй калган партиялардын... Читать дальше...

Митингге чыккандардын айтымында алар мамлекеттик ишканаларды басып алууга, башаламандыкка каршы чогулушкан. Буга чейин Кара-Суудагы «Туратали» базарынын жетекчилиги отурган имаратка Гүлжигит Айдаров аттуу жеке ишкер кирип алганы маалым болгон. Кийин базар жетекчиси Манас Үсөнов башкаруу анын колунда экенин айткан. Тынчтык митингине 100гө чукул киши топтолгон. Аларды милиция коштоп жүрөт. Өкмөттүн Ош облусундагы өкүлчүлүгү Кара-Суудагы митинг боюнча кабардар эмес экенин билдирди. Өкүлчүлүктүн... Читать дальше...

Жарандык коомдун бир катар өкүлдөрүнүн жыйыны «техникалык себептерге байланыштуу үзгүлтүккө учураганын» жыйын өтүп жаткан Бишкектеги «Рамадан» мейманканасынын кызматкерлери «Азаттыкка» билдиришти. Укук коргоочу Динара Ошурахунованын айтымында жыйын өтө көп кишилер келгенине байланыштуу үзгүлтүккө учурады. «Жыйынды бардыгы түз эфир аркылуу көрсөтүп жатышкандыктан, ага келген адамдар да көбөйүп кетти, - деди ал. - Мейманкананын жетекчилиги аянттагы адамдар да келип, тополоң болбосун деп чочулап, бизден жыйынды токтотууну аябай суранды. Читать дальше...