Новости за 09.02.2021

Экономикалык кылмыштарга каршы күрөш боюнча мамлекеттик кызматтын (Финансы полициясы) жетекчисинин мурдагы орун басары Эмил Жамгырчиев үй камагына чыгарылды. Мындай чечимди Биринчи май райондук соту 8-февралда кабыл алганын басма сөз кызматы “Азаттык” радиосуна маалымдады. Мекеменин басма сөз кызматы Жамгырчиев мамлекетке 20 миллион сом өлчөмүндө зыянды төлөп бергенин билдирди. 2020-жылдын 20-октябрында Улуттук коопсуздук боюнча мамлекеттик комитет (УКМК) өзгөчө көп өлчөмдө пара алууга шектүү... Читать дальше...

“Манас” аэропортунун башкармалыгынын мурдагы төрагасы Эмир Чукуев кармалды. Бул тууралуу 9-февралда Башкы прокуратуранын басма сөз кызматы кабарлады. Мекеменин маалыматына караганда, Чукуев Түркиянын «Gata havayollari ve tasimacilik» компаниясына эл аралык жүк ташуу боюнча жеңилдикти мыйзамсыз берген жана ошонун айынан мамлекетке өзгөчө ири өлчөмдө зыян келтирген деп шектелүүдө. Ленин райондук сотунун 8-февралдагы чечими менен ал 6-апрелге чейин Бишкектеги №1 тергөө абагына камакка алынды. ... Читать дальше...

Президент Садыр Жапаровдун кеңешчиси болуп иштеп жаткан Андрей Акимов бул кызматтан 3-февралда бошотулган. Бул тууралуу 9-февралда “Азаттык” радиосуна мамлекет башчынын басма сөз катчысы Галина Байтерек билдирди. Анын айтымында, Акимов президентке кеңешчи болуп 2020-жылдын 11-ноябрында дайындалган жана бул кызматта коомдук негизде гана иштеп жаткан. Галина Байтерек 8-февралда интернетте Акимов буга чейин Казакстанда соттолгону тууралуу маалымат чыкканын, бирок ал азыр президенттин кеңешчиси эместигин айтты. Читать дальше...

1-марттан тартып өкмөт жарандардан маалымкаттын кагаз түрүндөгүсүн талап кылууну токтотушу керек. 9-февралда президент Садыр Жапаров «Калкка мамлекеттик жана муниципалдык кызмат көрсөтүүлөрдүн жеткиликтүүлүгүн жана сапатын жогорулатуу боюнча мындан аркы чаралар жөнүндө» жарлыкка кол койду. Жарлыкта мекемелер жана жергиликтүү өз алдынча башкаруу органдары аларга кайрылган адамдардан маалымкаттын же башка документтин кагаз түрүндөгүсүн талап кылууну 1-мартка чейин токтотуп, электрондук маалымат менен иштөөгө өтүшү керектиги сунушталды. Читать дальше...

Кыргызстан коронавируска каршы «AstraZeneca» вакцинасын тандады. Март айынын башында келчү дары алгач дарыгерлер менен мугалимдерге сайылмакчы. Калкты жапырт эмдөө планга жараша акырындык менен ишке ашышы мүмкүн. Ошол эле маалда дүйнөдө вакцина чыгарган мамлекеттер ортосунда таасир талаш кызыды. Саламаттык сактоо министрлиги COVID-19 илдетине каршы эмдөө жүргүзүүнүн улуттук планын иштеп чыкты. Ага ылайык Кыргызстан Британияда өндүрүлгөн «AstraZeneca» вакцинасын колдонмой болду. SARS-CoV-2... Читать дальше...

Кыргызстандын мурдагы жетекчиси, көрүнүктүү мамлекеттик ишмер жана Кыргыз Республикасынын Баатыры Турдакун Усубалиевдин атындагы фонд президент Садыр Жапаровго белекке берилген машине Усубалиевге таандык эмес экенин маалымдады. Бул тууралуу фонддун сайтында жазылды.   Анда Усубалиевдин үй-бүлөсү «00-01 ФИА» номерлүү автоунаа Турдакун Усубалиевге таандык экени жөнүндө маалыматы жок деп белгиленген. Ошондой эле сайтта Мамлекеттик каттоо кызматынын аталган автоунаа Кыргызстанда катталбаганы жөнүндө 2016-жылы берген маалымкаты тиркелген. Читать дальше...

Ош шаарында жайгашкан TMG телеканалынын жетекчилиги бир топ адам алардын кеңсесине уруксатсыз кирүүгө жасаган аракетине байланыштуу милицияга кайрылмай болду. Бул тууралуу 9-февралда “Азаттык” радиосуна телеканалдын жетекчиси Кубанычбек Жусанов билдирди. Анын айтымында, бул күнү телеканалдын имаратына 15 чамалуу адам кирип барууга аракет кылып, журналисттерди туура эмес маалымат таратууга айыпташты жана түшүндүрмө берүүнү талап кылышты. Телеканалдын кызматкерлери алар Шарк айылынын тургундары экенин... Читать дальше...

Өзбекстандын президенти Шавкат Мирзиеев шайлоону мөөнөтүнөн мурда өткөрүү боюнча парламент жактырган мыйзамга кол койду. Ага ылайык, президенттик, парламенттик жана жергиликтүү кеңештерге шайлоо 24-октябрда өтөт. Буга чейин шайлоо декабрдын акыркы он күнүнүн алгачкы жекшембисинде өткөрүлчү. Өткөн айда мыйзам чыгаруучулар президенттик шайлоону декабрда өткөрүү реформалардын ишке ашышына, мамлекеттик программаны кабыл алууга тоскоолдук жаратып жатканын жүйө кылып, октябрга жылдырууну сунушташкан. Читать дальше...

6-февралда Нарын шаарында жергиликтүү тургун октон каза тапты. Бул окуя криминалдык топтордун өз ара эсептешүүсү катары бааланууда.

Tүркмөнстан "Талибан" кыймылынын өкүлдөрү менен эл аралык газ куурунун коопсуздугун талкуулады.

Системалуу жемкорлук жана базар экономикасынын ачык-айкын шарттарынан баш тартуу кыргыз энергетикасын оор абалга кептеди. Кыргызстанда электр кубатын колдонуу жыл санап өсүүдө, бирок аны өндүрүп чыгаруу бир чекиттен ары көтөрүлө элек. Ушу тапта энергетика системасы акыркы күчүн үрөп чымырканууда, бирок анын деле чеги бар, бир күнү толук токтоп калышы мүмкүн. Тармакты реформалоого бийликтин эрки (же каалоосу) жете элек. Айла жок, бийлик кошуналардан жетишпеген кубатты сатып алып, калк кулагына болушунча үнөмдөө зарылдыгы тууралуу эскертүүдө.

Тоң районундагы зордукталган 14 жаштагы кыздын тууганы Кыргызстандын акыйкатчысына кайрылды. Бул тууралуу мекеменин басма сөз кызматы 9-февралда кабарлады. Кайрылган адам арызында соттолуп жаткандардын туугандары жабырлануучунун ата-энесинин үйүнө барып, шектүүлөрдү кечирип коюуну талап кылып жатышканын жазган. Ошондой эле ал айрым жалпыга маалымдоо  каражаттарынын өкүлдөрү өспүрүм кыздан интервью алууга аракет кылып жатканына арызданган. Акыйкатчы Токон Мамытов жашы жете элек жана зордуктоого... Читать дальше...

Бишкек шаарынын мэринин милдетин аткаруучу болуп жаңы дайындалган Эрмек Нургазиев аял кишиге кол көтөргөн окуясы тууралуу журналисттердин суроосуна жооп берип жатып “Мен үчүн бул күтүүсүздүк болгон. Болор иш болду” деп жооп берди. 9-февралда Нургазиев алгачкы пресс-конференциясын берип, чырдашкан аял жазган арыздардын негизинде сотко чейинки териштирүүлөр болгонун тастыктады: “Бул анын укугу. Экөөбүздүн ортобуздагы чырдан бери уланып келе жаткан териштирүүлөр. Эч кандай кылмыш иши жок”. Өкмөт... Читать дальше...

Кыргызстанда 28 бала Кавасаки синдромуна шектелип ооруканага жаткырылды. Бул тууралуу 9-февралда "Азаттык" радиосуна Улуттук эне жана баланы коргоо борборунун директору Камчыбек Узакбаев кабарлады. Узакбаевдин айтымында, алардын ичинен 15инин диагнозу такталды: "Тилекке каршы, жайында коронавирус менен симптомсуз, жеңил формада ооруп, суук түшкөндө постковиддик синдромго чалдыккан балдар болууда. Алардын арасында Кавасаки синдрому менен ооругандарды да бар. Бактыга жараша, баары оорудан айыгып чыгууда". Читать дальше...

Бишкек шаарынын мэринин милдетин аткаруудан бошотулган Балбак Түлөбаев 9-февралда журналисттердин суроолоруна жооп берип жатып мурда бийлик жергиликтүү шайлоолорго кийлигишип жүргөнүн билдирди. Ал президент Садыр Жапаров менен жолугуп чыкканын айтты: “Мен Садыр Нуркожоевич менен жолуктум. Мурунку бийлик убагында “Шайлоону эмне кылабыз? Кайсы партия? Эмнени түртөбүз” деп сүйлөшчүбүз. Бул жолу Садыр Нуркожоевич “Сен дагы, мен дагы шайлоого кийлигишпейбиз. Кайсы партия келсе келсин. Кимиси утса, утуп келсин. Читать дальше...

Премьер-министр Улукбек Мариповдун буйругу менен Балбак Түлөбаев Бишкек шаарынын мэринин милдетин аткаруудан өз арызынын негизинде бошотулду. Бул тууралуу бүгүн, 9-февралда мэрияда өткөн жыйында белгилүү болду. Өкмөт башчынын дагы бир буйругу менен борбор калаанын жаңы мэри шайланганга чейин шаар башчынын милдетин аткаруучу болуп Эрмек Нургазиев дайындалды. Нургазиев ушул эле күнү мэриянын аппаратына тааныштырылды. Буга чейин ал “Эмма строй” курулуш компаниясынын башкы директору болуп иштеп жатканы айтылды. Читать дальше...

Ош шаарынын мурдагы мэри Мелис Мырзакматов «Super TV» телеканалынын «Саясий коктейль» берүүсүнө бир сааттык маек куруп, өлкөдөгү саясий кырдаал жана реформалар боюнча пикирин бөлүштү.  Саясатчы өкмөттүн түзүмүн өзгөртүүдө калпыстыктар бар экенин белгилеп, ошентсе да анын жыйынтыгын күтө туруу керектигине токтолду. Журналисттин «сиз кантип реформа кылат элеңиз?» деген суроосуна ал өз ойлорун билдирди. «Мен өкмөттүн мурдагы түзүмүн өзгөртпөйт болчумун. Вице-премьерлерди да калтырмакмын. Андан кийин... Читать дальше...

Фергана облустук акимчилиги 8-февралда Сох районунда аэродромдун курулушу башталганын билдирди. Маалыматка караганда, 4,5 гектар жерге курула турган аэродромдун учуу-конуу тилкесинин узундугу 650, туурасы 100 метрди түзөт. 12 миллиард сумга (1,1 миллион доллар) бааланган объектини быйыл май айында куруп бүткөрүү пландалууда. 2020-жылы май айында Кадамжайдын Чечме айылы менен Өзбекстандын Сох районунун Чашма айылынын жашоочуларынын ортосунда булак талаштын айынан жаңжал чыккан. Анда 187 өзбекстандык ар кандай жараат алып ооруканага түшкөн. Читать дальше...

2020-жылдын 31-декабрына карата Кыргызстандын жалпы мамлекеттик карызы 4 млрд. 928,67 млн. долларды түздү. Бул тууралуу Финансы министрлиги кабарлады. Мунун ичинен 4 млрд. 220,31 млн. доллар (85,44%) тышкы карыз, 708,36 млн. доллар (14,4%) ички карыз. Сомго чакканда жалпы сумма 407 млрд. 353,36 млн. сом болот. Натыйжада бересенин 348 млрд. 807,69 млн. сом сырткы, 58 млрд. 545,66 млн. сом ички булактарга туура келет. Маалыматка ылайык, эң көп карыз Кытайдан алынган. Ал тышкы карыздын 41,8% түзөт. Читать дальше...

Ош шаарында мектеп окуучусун зордуктоого шек саналып 20 жаштардагы эки тургун (К.Т. жана А.К.) кармалды. Бул тууралуу Ош шаардык ички иштер башкармалыгынын басма сөз кызматы кабарлады. Анда айтылгандай, былтыр декабрь айында Ош облусунун тургуну милицияга арыз менен кайрылып, 16 жаштагы кызын шаардагы батирлердин биринде белгисиз эки жаран зордуктап койгонуна даттанган. Иликтөө учурунда такталгандай, жабырлануучу кыз бул шектүү жарандар менен «Инстаграм» социалдык түйүнү аркылуу таанышып, Интернет аркылуу баарлашып жүргөн. Читать дальше...

Кыргызстанда жергиликтүү кеңештердин депутаттарын шайлоо 11-апрель – жекшемби күнгө дайындалды. Бул тууралуу жарлыкка президент Садыр Жапаров кол койду. Президенттик аппараттан кабарлашкандай, шайлоо депутаттардын ыйгарым укуктарынын мөөнөттөрү аяктаганына байланыштуу белгиленип жатат. Жарлыкта Шайлоо жана референдум өткөрүү боюнча борбордук комиссиясына бул өнөктүккө чыгымдарды бөлүү, шайлоону даярдоо, өткөрүүдө коопсуздук жана санитардык-эпидемиологиялык эрежелердин тартиби боюнча да тапшырмалар коюлган. Читать дальше...

8-февралда Бишкектеги Өкмөт үйүнүн алдында премьер-министр Улукбек Мариповдун Жогорку Кеңештин жыйынында Баткен облусундагы Төрткүл суу сактагычы боюнча айткан сөзүнө каршы пикет өтүүдө. Анын катышуучулары өкмөт башчысынан айткан сөздөрү үчүн коомчулуктан кечирим сурап, түзөтүү айтуусун талап кылышууда. 3-февралда парламентте өкмөт башчылыкка талапкерлиги каралып жатканда Улукбек Марипов депутаттардын суроолоруна жооп берип жатып аталган суу сактагычына кирген каналдын башы коңшу өлкөгө өтүп кеткенин айткан. Читать дальше...

Кыргыз жазуучусу Рыспек Адиевдин “Мугалим” аңгемеси ушу тапта абдан чоң талкууга түшүп, талаш жаратып аткан темага – билим берүүчүнүн коомдук кадыр-баркын көтөрүү көйгөйүнө арналган.