Новости за 13.02.2021

Бишкек шаардык сотунун имаратына түнүчүндө эшиктердин кулпусун сындырып кирип барган деп шектелген адам Ош шаарында кармалды. Бул тууралуу 13-февралда “Азаттык” радиосуна Бишкектин Биринчи Май райондук милициясынын басма сөз кызматы кабарлады. Маалыматка караганда, 30 жаштагы шектүү азыр Бишкектин Ички иштер башкармалыгынын убактылуу кармоочу жайында отурат. Милиция окуяны Жазык кодексинин “Уурулук” деген 200-беренесинин негизинде каттоого алып, келтирилген чыгымды тактап жатат. Мекеме билдиргендей... Читать дальше...

БУУнун адам укуктары боюнча жогорку органы Бирманын (Мьянманын) аскер жетекчилигинен жарандык башкарууну калыбына келтирүүнү жана Аун Сан Су Чжини боштондукка чыгарууну талап кылды. Ал Түштүк-Чыгыш Азиядагы аскердик төңкөрүшкө нааразы болгон жүз миңдеген киши чыгып жатканын "дүйнө карап турат" деди. БУУнун Адам укуктары боюнча кеңеши 12-февралда "өзүм билемдик менен кармалган" адамдардын бардыгын бошотууга жана "шайланган өкмөттү калыбына келтирүүгө" чакырган резолюция кабыл алды. 1-февралдагы... Читать дальше...

13-февралга караган түнү Тажикстанда болгон жер титирөө Кыргызстандын да чектеш аймактарында сезилди. Кыргызстандын Өзгөчө кырдаалдар министрлиги Сейсмология институтунун маалыматына таянып билдиргендей, 12-февралда саат 23:00 чамасында Тажикстандын аймагында күчү болжол менен 6,5 баллга жеткен жер титирөө болду. Жердин титиреши Кыргызстандын Ош облусунун аймагында 4,5 баллга, Баткен облусунда төрт баллга чейин сезилди. Баштапкы маалыматка караганда, жабыркагандар жана кыйроолор катталган жок. Читать дальше...

Экономикалык кылмыштарга каршы күрөшүү кызматы (Финансы полициясы) өкмөттүн жаңы түзүмүндө ушундай эле аталыш менен калды, бирок Экономика жана финансы министрлигинин карамагында болот. Бул тууралуу өкмөттүн жаңы түзүмү боюнча 12-февралда жарыяланган токтомдо айтылды. Премьер-министр Улукбек Марипов кол койгон токтом “Өкмөттүн жаңы түзүмү бекитилгендигине жана аткаруу бийлигинин органдарын реформалоого байланыштуу уюштуруу чаралары жөнүндө” деп аталат. Өкмөттүн жаңы түзүмүнө ылайык, Жаза аткаруу... Читать дальше...

Баш мыйзамдын жаңы долбоорунун адам укуктары менен эркиндиктери бөлүмүндөгү айрым бир чалкеш, карама-каршылыктар сынга алынды. Анда коомдогу улуттук каада-салтка негизделген адеп-ахлак эрежелери менен милдеттүү түрдө аткарылууга жата турган укуктук ченемдер аралашып кеткени тууралуу сөз болду. Баш мыйзамдын долбоорун иштеп чыккан тарап андагы баштапкы кемчиликтер оңдолуп, ченемдер тең салмакталып, илимий негизде иштелип чыкканын жарыялаган. Сөз эркиндигинин орду, ыраатсыздыктын "анатомиясы" Конституциялык кеңешме иштеп чыгып... Читать дальше...

Коронавируска каршы республикалык ыкчам штабдын бүгүнкү, 13-февралдагы маалыматына караганда, кечээтен бери Кыргызстанда бул илдеттен эки адам каза болду. Көз жумган бейтаптардын бири Чүй облусунун, экинчиси Бишкек шаарынын тургундары болчу. Жалпысынан өлкөдө коронавирустан каза болгондор 1441 адамга жетти. Соңку бир күн ичинде вирус дагы 43 адамдан табылды. Алардын эң көбү Бишкек шаарында (20 адам). Ошентип, өлкөдө оору жуккандардын жалпы саны 85 441 кишиге жетти. Бир күндө 86 адам айыгып чыкты. Читать дальше...

Улуттук коопсуздук боюнча мамлекеттик комитеттин (УКМК) төрагасы Камчыбек Ташиев 12-февралда Германиянын борбору Берлин шаарындагы клиникалардын биринде жүрөгүнөн операция болду. Президент Садыр Жапаров “Телеграмдагы” каналына “Ташиев жүрөгүнөн операциядан кийин өзүн жакшы сезүүдө” деп жазды. Атайын кызматтын башчысынын “Фейсбуктагы” баракчасына анын санаалаштары үч саатка созулган операция “өтө оор жүргөнүн”, ал өзү “Экинчи ирет туулдум окшойт. Эмки жашоо мага элимден белек. Демек, мен да элиме татыктуу кызматым менен... Читать дальше...

Улуттук коопсуздук боюнча мамлекеттик комитет (УКМК) “Кыргызалтын” ишканасынын жетекчисинин мыйзамсыз иштерине байланыштуу териштирүү баштаганын 12-февралда билдирди. Мекеменин маалыматына караганда, ушул эле күнү кылмышка шектүү катары ишкананын башкармалыгынын төрагасы Элмырза Үкүбаев кармалды. Атайын кызмат Үкүбаев алтын казуучу компаниялардын биринин директорлор кеңешинин мүчөсүн “кызматтан кетирем” деп коркутуп, айлыгынын бир бөлүгүн берип турууну талап кылган деп эсептейт. Ыкчам тергөө... Читать дальше...

Адис белгилегендей, айрыкча коронавирус менен ооруп айыккан, иммунитети начар адамдар спорт менен машыгууну өтө этияттык менен башташы керек.

Криштиану Роналду дүйнөдө алгачкылардан болуп социалдык тармактарда 500 миллион катталуучу топтой алды. Анын «Инстаграмдагы» баракчасына 261 миллион, «Фейсбукта» 148 миллион жана «Твиттерде» 91 миллион катталуучусу бар. 36 жаштагы португалиялык футболчу италиялык «Ювентус» клубунун чабуулчусу. Ал карьерасын португалиялык «Спортинг» клубунда баштаган, кийин «Манчестер Юнайтед», «Реал Мадрид» клубдарында ойногон. Роналду Европанын чемпиону, «Алтын топтун» беш жолку ээси. Эксперттер аны тарыхтагы мыкты футболчулардын катарына кошуп келет. Читать дальше...

АКШ Сенатында мурдагы президент Доналд Трампка каршы импичмент соту улантылды. Жума күнү Трамптын адвокаттары өз жүйөөлөрүн ортого салып, аны актаган жүйөөлөрүн айтып чыгышты. Андан соң эки тарапка тең кайчы суроолор берилди. Эми ишембиде сот жүрүмү улантылмакчы. Жума күнү, 12-февралда, Вашингтон убакыты боюнча түшкө маал АКШнын мурдагы президенти Доналд Трамптын адвокаттары аны коргоо боюнча өз жүйөөлөрүн Сенатта жарыялай башташты. Ал эми Трамп өзү бул сот жүрүмүнө катышуудан баш тартып койду. Читать дальше...