Израелците во Украина повикани да се вратат дома што е можно побрзо

Премиерот на Израел Нафтали Бенет ги повика израелските граѓани во Украина да се вратат дома додека се уште можат. „Како и остатокот од светот, се надеваме дека ќе нема ескалација, но нашата прва одговорност е да се грижиме за нашите граѓани. Не земајте непотребни ризици. Напуштете ја Украина што е можно побрзо“, рече Бенет. Министерот за надворешни работи на Израел, Јаир Лапид, изјави дека ќе има 32 лета од Украина и ги повика Израелците да се качат на тие авиони.

Османи – Амбасадата засега останува, Македонците да ја напуштат Украина

Неколку земји ги повикаа своите граѓани да ја напуштат Украина поради страв од руска инвазија

Израелските авиокомпании го зголемија бројот на летови за да помогнат во евакуацијата, а Министерството за надворешни работи проценува дека во Украина има 10.000 до 15.000 Израелци, вклучувајќи ги и оние кои имаат двојна држава. Израел ги забрза плановите за евакуација откако американски претседател Џо Бајден во последниот разговор со рускиот претседател Владимир Путин, кој траеше повеќе од еден час, најави тешки последици за Русија ако ја нападне Украина.