شمالي وزیرستان کې د تېلو لټون چینايي کمپنۍ څلور کارکوونکي وژل شوي
پاکستاني چارواکي وايي نامالومو وسله والو په شمالي وزیرستان کې د یو چینايي کمپنۍ څلور کارکوونکي وژلي دي. دې چارواکو د نوم نه ښودلو په شرط د سه شنبې په ماښام مشال راډیو ته وویل چې دا درې چیني او یو ځايي وګړی د اکتوبر پر ۲۲مه د افغانستان پولې ته نژدې په سپین وام سیمه کې وژل شوي دي.
د دوي په وینا ، دا کسان هغه مهال وژل شوي چې دوي هلته د تېلو او ګېسو په میندلو پسې وتلي وو.
د ځايي چارواکو او خلکو په وینا ، تېره اونۍ هم د یادې کمپنۍ دوه نور غړي تښتول شوي وو چې یو یې خوشی شوی او بل لا هم ورک دی.
چا تر اوسه د دې پېښې زمه واري نده منلې.