د ولسي جرګې د شنبې ورځې (قوس دویمه) په ازاد بحث کې ځینو وکیلانو د ټاکنو له کمېسیون څخه وغوښتل چې د تېرو ولسمشریزو ټاکنو پایلې ژر اعلان کړي، خو شمېر نورو بیا د پروسې پر شفافیت ټینګار کاوه.
د افغانستان د ولسي جرګې لومړي مرستیال امیرخان یار چې د شنبې په ورځ (قوس دویمه) یې د جرګې د ناستې مشري کوله وویل، امنیتي ارګانونه باید ناامنۍ مهار کړي.
د افغانستان د بیارغونې لپاره د امریکا ځانګړي سرمفتش (سیګار) په یوه تازه راپور کې ویلي چې په درېیو میاشتو کې د دولتي ځواکونو په لیکو کې ۳۰ داخلي بریدونه شوي، خو د افغانستان امنیتي ادارې ددغه ډول بریدونو د کمېدو خبره کوي.
په خیبر پښتونخوا کې هره ورځ ۴۷ماشومان او یوه ښځه خپل ژوند له لاسه ورکوي. روغتیا پالان وايي، د دې لویه وجه د روغتيا د اسانتياوو نيشوالی او په ټولنه کې ناپوهي ده. په دې اړه د عظمت علي شاه ویډیويي راپور وګورئ.
ارګ وايي، د امریکا ولسمشر ډونالد ټرمپ له ولسمشر محمد اشرف غني سره په ټیلفوني خبرو کې د سولې په مذاکراتو کې د افغانستان د حکومت په شمولیت او محوریت ټینګار کړی.
د افغانستان د کونړ سرکاڼو ولسوالۍ د ناوې کلي سلګونه کورنۍ چې کلونه وړاندې د جګړې له کبله بېځایه شوې وې، بېرته خپلې سیمې ته ستنې شوې. دغه سیمه له تېرو پنځو کلونو راهیسې د پولې له پورې غاړې د راکټي بریدونو او د طالبانو د جګړې له امله ناامنه شوې وه خو اوس بېرته حکومت پرې کنټرول ترلاسه کړی. په دې اړه دا ویډیويي راپور وګورئ.
د کونړ د سرکاڼو ولسوالۍ د ناوې کلي سلګونه کورنۍ چې د جګړې له امله بېځایه شوې وې، بېرته خپلې سیمې ته ستنې شوې. ناوه له تېرو پنځو کلونو راهیسې د پولې له پورې غاړې د راکټي بریدونو او د طالبانو د جګړې له امله ناامنه وه، خو اوس بېرته دولت پرې کنټرول ترلاسه کړی. روح الله انوري پرې رپوټ لري:
چين د امريکا له لوري د پاکستان او چين ترمينځ د اقتصادي راهدارۍ په پروژو کې د درغليو تورونه ناسم بللي او وايي چې امریکا خپل سياسي لومړیتوبونه په پام کې نيولي دي.
د افغانستان د بشر د حقونو خپلواک کمېسیون وایي، په دغه هېواد کې د ښځو پر وړاندې د تېر کال په پرتله ۸ اعشاریه ۲ سلنه د تاوتریخوالي کچه لوړه شوې.
د امریکا ولسمشر ډونالډ ټرمپ وايي له وسله والو طالبانو سره پر نوې موافقه کار کوي. ولسمشر ټرمپ دا خبره د نومبر پر ۲۲مه د امریکا له فاکس نیوز ټلوېزیون سره په مرکه کې کړې ده.
په مومندو کې د شهید بانډې، پټۍ بانډې او میا پټي اوسېدونکي وايي، د مومندو ډېم د دوی ۳۲۰۰۰ جریبه ځمکو ته د نهر په ایستلو ډېر خوشحاله دي چې د اوبه خور محکمې لخوا جوړېږي. ځايي ولس وايي چې دغه نهر ته يې څه باندې ۴۰ کاله انتظار کړی دی. په دې اړه د شاهنواز ترکزي ویډیويي راپور وګورئ.
د افغانستان څه باندې ۳۰۰ هغه زده کونکي چې په سکالرشپ او يا په شخصي لګښت يې د اسلام اباد په بېلا بېلو پوهنتونونو کې داخلې اخيستې، د هغوی لپاره د نومبر پر۲۲مه د ښه راغلاست غونډه وشوه چې پکې د نړيوال اسلامي پوهنتون او قايد اعظم پوهنتون یو شمېر افغان زده کوونکو، د پاکستان لوړو زدکړو کميسيون غړيو او په اسلام اباد کې د افغان سفارت چارواکو ګډون کړی وو. په دې اړه د احمد الله او عمرن يونس ویډیويي راپور وګورئ.
د جمعیت علما اسلام په مشرۍ کې حکومت ضد احتجاج ته اوس اونیزه بڼه ورکړل شوې ده. د نوې پرېکړې له مخې به هره جمع د حکومت پرضد
په کندهار کې د وطني دالو د توليد فابريکې په فعالیت سره، سلګونو کسانو ته د کار زمینه برابره شوې ده. د دغه ولایت د کرنې او مالدارۍ رئیس سید حفیظ الله سیدي نن ازادي راډيو ته وویل، له دغې فابریکې ډيری پروسس شوي وطني دال هرات، فراه، هلمند او یوشمېر نورو ولایتونو محلي مارکیټونو ته لږېدول کېږي. هغه زیاته کړه: "په دې فابریکه کې درې څلور رقم دال پروسس کېږي، دا تقریباً د ورځې ۱۰ مټریک ټنه دال پروسس کوي او نږدې ۳ سوو کسانو ته یې د کار زمینه برابره کړې ده." یاده فابرېکه د کندهار په صنعتي پارک کې د یو افغان سوداګر له خوا جوړ شوې ده. Читать дальше...
د اروپايي ټولنې د بهرني سیاست مشرې فدریکا موګریني په سوریه کې د حکومتي ځواکونو او د هغوی د روسي متحدینو له لوري د ملکیانو وژنه غندلې او د نه منلو وړ یې بللې ده. موګریني پرون وویل چې د کورنیو بې ځایه شویو په یوه کمپ باندې وروستي بریدونه او د ترکیې سرحد ته نږدې د روغتیايي مرکز بمبار د سوریې روان خراب وضعیت لا پسې کړکیچن کوي. د سوریې د بشري حقونو لندن میشتې ډلې ویلي چې لږ تر لږه ۲۱ ملکیان چې په کې لس ماشومان هم شامل دي وړمه ورځ په ادلیب ولایت کې د بشار اسد د رژيم له خوا په هوايي بریدونو کې وژل شوي. Читать дальше...
د عراق په پلازمینه بغداد او بصره ښار کې د لاریونونو پر مهال پرون څلور کسان وژل شوي دي. په دې سره د اکټوبر له لومړۍ د حکومت ضد لاریونونو په پایله کې د وژل شویو کسانو شمېر لږ تر لږه ۳۴۰ ته رسېدلی دی. د بغداد په مرکزي سیمه کې امنیتي ځواکونو په لاریون کوونکو ډزې کړي او اوښکی بهوونکی ګاز یې پرې کارولی دی. په عراق کې لومړی خلک د فساد، بېکاریو او ناڅیزو عامه خدماتو په غبرګون را پاڅېدلي و او اوس د ټول حکومت د لرې کولو غوښتونکي دي.
کابل چاپ ورځپاڼو په خپلو نننیو ګڼو کې امریکا ته د ولسمشر غني د سفر، سولې پروسې او ولسمشریزو ټاکنو په تړاو لیکنې او تبصرې چاپ کړې دي.
په تهران کې د افغانستان سفیر عبدالغفور لېوال وایي چې هېواد یې د چابهار دبندر له لارې د سوداګریزو توکو د ټرانزیټ د زیاتولو پلان لري. لېوال پرون، د نومبر په ۲۲مه، ازادي راډیو ته په مرکه کې وویل چې د چابهار بندر دواړه برخې د سوداګریزو توکو د لېږد – رالېږد لپاره تیارې شوې دي. د مسئولینو په خبره دا بندر کولی شي چې هرکال شاوخوا یو میلیون ټن سوداګریز مالونه انتقال کړي. ممکن ځیني وړې ستونزې وي، خو له چارواکو سره د خبرو له لارې حل کېدلی شي. د ایران د خبري اژانس، اېرنا په حواله د افغانستان لږترلږه... Читать дальше...
د افغانستان د ټاکنو د خپلواک کمېسون مشره، حوا علم نورستانۍ وايی د ټاکنو د لومړنیو پایلو تازه نېټه ځکه نه ده مشخصه شوې چې په اوه ولایتونو کې د رایو بیا شمېرنه نه ده شوې. هغې دا خبره پرون شپه ازادي راډيو ته وکړه. هغې زیاته کړه: "زمونږ په ټولو ولایتونو کې یو په بل پسې د رایو بیا شمېرنه بشپړیږي، باطلې باطلوو معتبرې قبلوو خو په ۷ ولایتونو کې بیا شمېرنه نه ده شوې درېدلې ده دا ټول مسایل خپل اغیزې لري او زموږ مهالویش شاته اچوي." د عبدالله عبدالله په مشرۍ د ثبات او همپالنې انتخاباتي ډلې د افغانستان... Читать дальше...
د بخښنې نړیوال سازمان غوښتنه کړې چې روسیه او په جنوبي اوسیتیا کې د مسکو متحد چارواکي د دې سیمې او د ګرجستان د نورو برخو ترمنځ پر تګ راتګ بشپړ بندیز لرې کړي. د جنوبي اوسیتیا او د ګرجستان د نورو سمیو ترمنځ پر تګ راتګ یو مخیز بندیز د سپټمبر په میاشت کې لګول شوی دی. د بخښنې نړیوال سازمان پرون، د نومبر په ۲۲مه، په یوه بیان کې وویل چې په وروستیو دوو میاشتو کې چې بندیز لګېدلی دی، بشري وضعیت تر پخوا ډېر خراب شوی دی. دې نړیوال سازمان ویلي چې د لګېدلي بندیز له امله په جنوبي اوسیتیا کې خلکو ته دوا، روغتیايي... Читать дальше...
د افغانستان د ټاکنو د خپلواک کمېسون مشره حوا علم نورستانۍ وايي دوی د شفافیت قرباني شوي دي. هغې وویل: "موږ د خپل شفافیت قرباني شوي یوو." نورستانۍ وايي چې د ټاکنو په تاریخ کې لومړی وار دی چي ۷۰۰ زره رایې باطلې شوې دي. د حوا علم نورستانۍ په وینا، باطلو شوو رایو بایومټریک معلومات نه درلودل. هغې پرون، د نومبر په ۲۲مه، له ازادي راډیو سره په مرکه کې د ۱۳۷ زره رایو د بیا ګڼلو له پرېکړې بیا دفاع وکړه او ویې ویل چې هغه رایې څېړي او بیا ګڼي چې بایومټریک معلومات لري ځکه کمېسیون د خلکو د حق د ضایع کېدو مسئولیت نه شي اخیستلی. Читать дальше...
د امریکا د متحدو ایالتونو ولسمشر، ډونالډ ټرمپ وايي چې له وسله والو طالبانو سره پر نوې موافقه کار کوي.
په کندز کې د سوداګرۍ او پانګونۍ خونه له حکومته غواړي چې د بهرنیو کبانو پر وارداتو بندیز ولګوي. د دې ادارې ویاند، مسعود وحدت پرون، د نومبر په ۲۲مه ، ازادي راډیو ته وویل چې د بهرنیو کبانو پر وارداتو بندیز به کورنیو فارمونو ته د ودې زمینه برابره کړي. د کبانو د فارمونو جوړونکي وايي چې په کور هم د کبانو د خرڅلاو لپاره مناسب بازارونو لار نه لري. د کندز په امام صاحب ولسوالۍ کې د کبانو یوه پالونکي، محمد طاهر ازادي راډیو ته ویلي چې د کبانو دساتنې لپاره د اوبو زخیرې هم کمې دي. محمدطاهر زیاته کړه:... Читать дальше...
د افغانستان د ټاکنو د خپلواک کمېسیون مشرې، حوا علم نورستانۍ ویلي که چېرې په ۷ ولایتونو کې درایو د بیا شمېرنې او تفتیش بهیر ته پېښ شوی خنډ لرې نه شي، دا او کمېشنران به مجبور وي چې پر نورو لارو غور وکړي.
د بښنې نړیوال سازمان یا امنیسټي انټرنیشنل ویلي چې د ایران په وروستیو لاریونونو کې لږ تر لږه ۱۱۵ کسان وژل شوي دي. دغه سازمان یاده خبره پرون جمعه په یوه اعلامیه کې کړې ده. په اعلامیه کې چې د بښنې نړیوال سازمان په خپله ټیلیګرام پاڼه خپره کړې ویلي چې د وژل شویو واقعي شمېر تر دې ډېر لوړ دی. اخوا د ایران قضائیه قوې تائید کړې چې په هغه هېواد کې د تېلو د لوړ نرخ پر ضد د وروستیو مظاهرو ۱۰۰ تنظیمونکي یې نیولي دي. دایران رژیم اعتراض کونکو ته شدید ځواب ورکړی دی . له ۲۰۱۷ میلادي کال راهیسې په ایران... Читать дальше...