Новости за 13.01.2020

په افغانستان کې د ناټو ملکي استازی نیکولاس کې وايي، د تاوتریخوالي د کمښت لپاره هڅې به د افغانانو پر ژوند ښه اثر وکړي. هغه دا خبره پرون ازادي راډیو ته د خپل ټوېټر له لارې د سوال او ځواب په یوه لړۍ کې وکړه. نېکولاس کې وروسته دا هم وویل چې د سولې د ټينګښت لپاره شرایط برابر دي او دی د ښو پایلو په تمه دی. هغه وویل: "زه هیله مند یم. په ۲۰۲۰ کال کې څه چې بدل شوي هغه دا دي چې د سولې د پروسې د ملاتړ په اړه تېر کال قوي سیمه ییزه اجماع رامنځته شوې ده. افغان پوځیان تر بل هر وخت ډېر قوي شوي او طالبان به هېڅکله د جنګ په میدان کې بریالي نه شي. Читать дальше...

په ایران کې پرون او وړمه ورځ په پلازمینه تهران او څو ښارونو کې خلکو د حکومت ضد مظاهرې وکړې.

د افغانستان په جنوب لویدیځو ولایتونو کندهار، هرات او هلمند کې سیمه ییزو چارواکو ازادي راډیو ته تایید کړې چې په تېرو دوو ورځو کې د درنو واورو او بارانونو په سبب تر اوسه ۱۹ کسان مړه شوي او ۱۳ نور ټپیان دي.

پښتون ژغورنې غورځنګ د جنورۍ پر ۱۲مه، د پاکستان پر حکومت غږ وکړ چې د منځني ختیځ د شخړې برخه دې نه جوړېږي. د غورځنګ مشرانو د بنو جلسې ته په وینا کې وویل، حکومت دې په هېواد کې دننه د خلکو بشري حقونه خوندي کړي او د ژوند اسانتیاوې دې ورکړي. جلسې ته د ورکو کسانو د کورنیو غړي هم ورغلي ول. د پاکستان حکومت وايي، د منځني ختیځ ترینګلتیا ختمولو هڅې کوي او په بیا بیا یې د غورځنګ د غوښتنو عملي کولو ژمنه کړې. د عمر وزیر ویډیويي رپورټ.