Новости за 10.05.2023

د ملګرو ملتونو د راپور له مخې په نړۍ کې په هرو ۷ ثانیو کې یوه مور یا یو ماشوم مري. د غرني ولایت اوسېدونکی عبدالصمد وایي، څو میاشتې مخکې یې مېرمن او ماشوم پر وخت د روغتیایي خدمتونو ته د نه لاسرسي له امله د زېږون پر مهال مړه شول. نوموړی وایي، خپله مېرمن یې د دغه ولایت له یو لرې کلي څخه پر موټر سایکل روغتیايي کلینیک ته ورسوله. نوموړی وايي: "له کلې ډېر لرې وم، خپله مېرمن مې په موټر سایکل کلینیک ته راويسته، بیا مې یې مور ورته وغوښته او بیا مې وغوښتل خویندې یې ورته وغواړم، نیم ساعت وروسته راته زنګ راغی چې مېرمن دې په عذاب ده او په حق ورسېده. Читать дальше...

په دې خپرونه کې د پوهاند حبیبي د نهه دېرشم تلین په مناسبت د یو شمېر لیکوالو نظرونه اخیستل شوي دي. دا به هم واورئ چې د کوه نور الماس د افغانانو ملکیت دی که نه دی؟ او د زري کړکي اکاډیمي سږنۍ جایزو په اړه مالومات. دا خپرونه چې هره اوونۍ یې احمد شیبر چمتو کوي، د لاندې غږیز فايل په کېکاږلو یې اورېدلی شئ:

د خیبر پښتونخوا په مرکز پېښور کې پارېدلو مظاهرچیانو د دولتي راډیو ودانۍ سوځولې ده. د راډیو چارواکي وايي، د تحریک انصاف پلویان په ودانۍ ورننوتل او ورته یې اور واچاوه. د هغه ګوند پلویان د خپل مشر عمران خان د ګرفتارۍ پرضد په احتجاج دي. د راډیو چارواکي وايي، احتجاجیانو له ودانۍ څخه قیمتي شیان هم وړي دي. د مظاهرو پر مهال په تاوتریخوالي کې یوشمېر کسانو ته مرګژوبله هم اوښتې. په دې اړه رپورټ وګورئ.

چین نن پر طالبانو غږ وکړ چې په خپلو دې افراطي تګلارو کې چې ښځې یې له زده‌کړو بې برخې کړې او له عامه ژونده یې څنډې ته کړي، اصلاحات راولي. پېکېنګ په ورته وخت کې پر طالبانو غږ کړی دی چې له ترهګرو سره په مبارزه کې نور ثابت ګامونه واخلي. دا خبرې نن د چین د بهرنیو چارو د وزارت ویاند وانګ ویبین په پېکېنګ کې د خبرې غونډې پرمهال وکړې. نوموړي ويلي، چین هیله‌من دی چې په کابل کې سرپرست حکومت جدي ګامونه په سم لوري واخلي چې د نړیوالې ټولنې اعتماد او اعتبار خپل کړي. ویبین زیاته کړه چې نړیواله ټولنه لا هم... Читать дальше...

په پاکستان کې یوې ځانګړې محکمې اعلان وکړ چې عمران خان به د اداري فساد د تور په قضیه کې اته ورځې په توقیف کې پاتې شي. مخکینی صدراعظم او د تحریک انصاف مشر عمران خان پرون امنیتي ځواکونو ونیو چې دا پېښه د پاکستان په اکثرو سیمو کې د خونړیو مظاهرو سبب شوه او حکومت مجبوره شو چې د پاکستان په ځینو برخو کې پوځیان ځای پر ځای کړي. عمران خان پر ده د اداري فساد لګېدلي تورونه رد کړل. تر اوسه په خیبرپښتونخوا کې د لږ تر لږه څلور کسانو د وژلو او شاوخوا اووه وېشت نورو د ټپي کېدو خبر ورکړل شوی دی. د دې ایالت... Читать дальше...

د پاکستان پوځ خبرداری ورکړی چې د نيول شوي عمران خان د خوشې کولو لپاره، د تحريک انصاف مظاهرو کې پر پوځي تاسیسانو حملې نورې نه شي زغملی. پوځ د مې پر لسمه په يوه خبرپاڼه کې وويل چې دا ډله غواړي پاکستان کورني جنګ ته ټېل وهي. د پوځ په خبره د دوی هر غبرګون ذمه واره به هغه ګوند وي. په دې بيان کې زیاته شوې چې پوځي تاسیسانو ته زیانونه رسونکې دې مظاهرو تر شا د تحريک انصاف د ځينو شرخوښو مشرانو ناوړه پلان وو. پوځ د مې پر لسمه په يوه خبرپاڼه کې وويل چې په دې مظاهرو کې "د اقتدار په حوس کې مبتلا، سياسي پوښ اغوستې... Читать дальше...

د پاکستان یوشمېر رسنیو د نیب چارواکو له خولې ویلي دي چې هغوی د برتانیا د جرمونو له ادارې څخه د ترلاسه شویو "تورو پیسو" په قضیه کې ملک ریاض ته د قانوني تحفظ ورکولو په بدل کې له هغه څخه اربونه روپۍ او سلګونه کناله ځمکه ترلاسه کړه.

ملګري ملتونه وايي، په افغانستان کې د خپلو ادارو عملیاتي برخې یې لا هم تر جدي ارزونې لاندې دي. د ملګرو ملتونو د سرمنشي د ویاند مرستیال فرحان حق د سه‌شنبې په ورځ ناوخته په یوې خبرې غونډه کې وویل، افغانستان کې يې د خپلو ادارو عملياتي برخې تر جدي ارزونې لاندې دي. امینه د کابل ښار په کارته نو سیمه کې ژوند کوي. نوموړې چې د څلورو ورونو مشره خور ده، مور او پلار یې لس کاله وړاندې په یوې ټرافیکې پېښه کې مړه شوي، له ازادي راډیو سره په خبرو کې د خپل ژوند د سختیو کیسه کوي. نوموړې وايي: "زموږ کوڅې ته ډبلیو‌... Читать дальше...

په افغانستان کې د طالبانو د سرپرست حکومت د بهرنیو چارو وزارت په یوه اعلامیه کې ویلي، په پاکستان کې د وروستیو تحولاتو په اړه چې لاریونونه شوي او په ځینو مواردو کې په تاوتریخوالي هم اوښتي، خواشیني څرګندوي. په اعلامیه کې ویل شوي، د طالبانو اسلامي امارت په پاکستان کې سیاسي ثبات د پاکستان د مسلمان ملت او د ټولې سیمې په ګټه بولي او له ښکېلو لوریو د زغم او تفاهم غوښتنه کوي. همدارنګه ویل شوي چې د بهرنیو چارو وزارت د پاکستان په روان وضعیت کې په هغه هېواد کې د مېشتو افغانانو د خوندیتوب په اړه خپلو استازولیو ته لازمې لارښوونې کړي دي. Читать дальше...

د پاکستان تازه پیښې د پاکستان مخکینی صدراعظم عمران خان یوه ورځ وروسته له هغې چې د پاکستان د احتساب د ملې ادارې له خوا ونیول شو، نن په یوه ځانګړې محکمه کې راڅرګند شو. نوموړي پر ځان د فساد لګول شوي ټول تورونه رد کړل او هغه یې سیاسي انګېزه وبلله. د عمران خان د محاکمې جریان د تازه تاوتریخوالو پر سر اندېښنو ته په پام په محکمه کې نه بلکې د پولیسو په یوه مرکز چې سخت امنیتي تدابیر یې نیول شوي و، ترسره شو. چارواکو وویل چې د عمران خان شاوخوا زر پلویان په پنجاب ایالت کې وروسته له هغه نیول شوي چې تېره ورځ یې... Читать дальше...

د پاکستان مخکینی صدراعظم د سې شنبې په ورځ اسلام اباد کې د عالي محکمې انګړ کې ونیول شو. د پولیسو یوه چارواکي ویلي، خان د امانت صندق کې د اختلاس په تور نیول شوی. د هغه له نیولو وروسته په بېلابېلو ښارونو کې تاوتریخجن اعتراضونه روان دي.

د رسنیو د ملاتړ یو شمېر بنسټونه په خوست کې د طالبانو له خوا د رسنیو د څلورو کارکوونکو نیول د رسنیو د کار پر وړاندې ستونزې او ننګونې ګڼي. د خبریالانو د خوندیتوب کمېټې یا سي پي جی د سې شنبې په ورځ په یوې اعلامیې کې وویل، طالبان دې ژر تر ژره د رسنیو هغه څلور تنه کارکوونکي خوشې کړي چې د خپلو رسنیزو کارونه له امله نیول شوي او طالبان دې د خبریالانو له ځورولو څخه د لاس واخلي. کمېټې دا هم زیاته کړې چې طالبان باید د مطبوعاتو د ازادۍ په برخه کې خپلې کړې ژمنې عملي کړي او د طالبانو د حکومت د امر بالعروف... Читать дальше...

د مشال رېډيو د دې اونۍ کرښې پر غاړه خپرونه کې ځينو مېلمنو وويل چې افغانستان ته د چين - پاکستان اقتصادي راهدرۍ غځولو کې يو هيواد هم جدي نه دی. خو ځينې بيا وايي که داسې ده نو بيا چين ولې په دغه پروژه کې دومره زياته سرمايه کاري کوي. د خپرونې کوربه اسرار عالم مومند دی.

د مشال تر رڼا لاندې خپرونه کې مو دا ځل د ترهګرۍ پرضد د جګړې پر مهال د قبایلي سیمو اقتصاد ته د رسېدلو زیانونو پر بېلابېلو اړخونو بحث کړی دی.

د خوست روغتیايي مسوولین وايي، هلته د وینې کمښت یا تېلېسیمیا په ناروغۍ نېږدې ۱۰۰۰ ماشومان اخته دي. په خوست کې د دې بیماری د ناروغانو درملنه یو خیریه بنسټ کوي.. تېلېسیمیا د وینې یو ډول جینیټکي وژونکې ناروغي ده، چې د مور او پلار څخه اولاد ته لیږدول کیږي. تفصیل د نجیب الله الوخیل په وېډیو کې

د قامي اسمبلي غړي او د قواعدو، ضوابطو او استحقاق کمېټې مشر رانا قاسم نون پارلېمان ته د سپکاوي ۲۰۲۳ز هغه بیل وړاندې کړ چې پکې راغلي چې هغه سزا به د قامي اسمبلۍ سپيکر يا د سېنېټ مشر ورکوي.

د پاکستان مخکینی صدراعظم عمران خان یوه ورځ وروسته له هغې چې د پاکستان د احتساب د ملې ادارې له خوا ونیول شو، نن په یوه ځانګړې محکمه کې راڅرګند شو. نوموړي پر ځان د فساد لګول شوي ټول تورونه رد کړل او هغه یې سیاسي انګېزه وبلله. د عمران خان د محاکمې جریان د تازه تاوتریخوالو پر سر اندېښنو ته په پام په محکمه کې نه بلکې د پولیسو په یوه مرکز چې سخت امنیتي تدابیر یې نیول شوي و، ترسره شو. چارواکو وویل چې د عمران خان شاوخوا زر پلویان په پنجاب ایالت کې وروسته له هغه نیول شوي چې تېره ورځ یې د هغه له نیول... Читать дальше...

د پخواني وزير اعظم عمران خان د نیولو پر ضد د مې پر نهمه د پاکستان په ځینو برخو کې د تحريک انصاف کارکوونکو احتجاجونه وکړل او ځینې حکومتي ودانیو ته یې اورونه واچول. په پلازمېنه، اسلام اباد کې هم د احتجاجونو سلسله روانه ده. تفصیل له اسلام اباده د عمران یونس په وېډیو کې

د وزارت ویاندې مهر خورشيد د مې پر نهمه رسنیو ته وویل چې په هغه ناروغۍ اخته یو بل تن د مې پر اتمه د کراچۍ په یو روغتون کې ساه ورکړه.

د پاکستان پنجاب او خیبر پښتونخوا صوبايي حکومتونو د مې پر لسمه تر هغه وروسته په صوبې کې د پوځ ځای پر ځای کولو فيصله وکړه چې د عمران خان تر نيول کېدو وروسته د هغه پلويانو له تشدده ډکې مظاهرې وکړي. د پنجاب کورنيوو چارو وزارت د مې پر لسمه،  په يو نوټيفيکیشن کې ويلي چې د عامه امن ساتلو لپاره د پوځ تعنياتولو ضروري دي. په نوټيفيکيشن کې راغلي چې د پوځيانو شمير به صوبايي حکومت او پوځي چارواکي ټاکي.  همدغسې يو نوټيفيکشن د خيبر پښتونخوا حکومت کورنيوو چارو وزارت هم خپور کړی دی. دا په داسې حال کې ده چې په... Читать дальше...

په افغانستان کې د طالبانو د حکومت له لوري د نجونو او ښځو په زده کړو بندیز ته د غبرګونونو په دوام، د امریکا د بهرنیو چارو وزیر انټوني بلېنکن د طالبانو دا کړنې د اسلامي نړۍ له دریځ سره په ټکر کې وبللې. بلېنکن چې د سه‌شنبې په ورځ د مې میاشتې په ۹مه نېته یې په واشنګټن کې د کوچني اختر د نمانځنې په یو پروګرام کې خبرې کولې وویل، هغه مهال چې طالبانو د افغان نجونو پر مخ د پوهنتون دروازې وتړلې د نړۍ ګڼو مسلمانو هېوادونو او د اسلامي نړۍ عالمانو د طالبانو دا پرېکړه وغندله او وې ویل چې، قران الکریم د ښځو او نارینه‌وو لپاره د زده‌کړو مساوي حق ورکوي. Читать дальше...

ټاکل شوې چې د پاکستان مخکینی صدراعظم عمران خان نن د قاضیانو پر وړاندې یوه محکمه کې راڅرګند شي. عمران خان چې د فساد د تورونو په قضیه کې پرون د اسلام اباد په عالي محکمه کې د پولیسو له خوا ونیول شو، نیول کېدو یې په دې هېواد کې قهرجن اعتراضونه راپارولي دي. د عمران خان پلویان پرون په بېلابېلو ښارونو کې لارو او سړکونو ته راووتل او له امنیتي ځواکونو سره لاس ګرېوان شول. په کراچۍ او لاهور کې پولیسو د معترضانو د تیت او پرک کولو لپاره اوښکې بهوونکی ګاز او د اوبو پایپونه وکارول. معترضانو په راولپنډۍ... Читать дальше...

د بخښنې نړيوال سازمان د پاکستان پر حکومت غږ کړی چې انټرنېټي خدماتو او ورسره فېسبوک، ټويټر او يوټيوب ته دې د خلکو لاسرسی باوري کړي. د بخښنې نړيوال سازمان (اېمنسټي انټرنېشنل) د جنوبي اسيا څانګې د مې پر نهمه، ناوخته پر خپله رسمي ټويټر پاڼه ليکلي چې پر انټرنېټ او ټولنيزو شبکو بنديز معلوماتو ته د خلکو لاسرسی محدودوي. په بیان کې راغلي چې د تحريک انصاف د پلويانو د مظاهرو په وخت د پاکستان حکومت لخوا انټرنيټ ته لاسرسی محدودول د بیان ازادۍ حق اخیستل دي.    د مې پر نهمه، د پاکستان پخواني وزيراعظم عمران... Читать дальше...

د فرانسې پارلمان پرون سې شنبه یو پرېکړه لیک تصویب کړ چې له اروپایي ټولنې غواړي چې د روسیې د اجیرو وسله والو ډله واګنر دې رسماً تروریستي ډله ونوموي. دغه پرېکړه لیک چې اجرایي نه، بلکه سمبولیکه بڼه لري، په پارلمان کې په یوه خوله تصویب شو. د دغه پرېکړه لیک طراح د واکمن ګوند غړي بینجامین هډډیډ وویل، دی هیله من دی چې دغه اقدام د اروپایي ټولنې ۲۷ غړي وهڅوي چې واګنر رسماً د ترویستي سازمانونو په لېست کې شامله کړي. هغه پارلمان ته وویل، د واګنر غړي چې هر چېرې کار کوي، بې ثباتي او تاوتریخوالی خپروي. ... Читать дальше...

په هلمند کې د کرنې ریاست مسوولان وایي، په دغه ولایت کې يې د سولې بنیاد کرنیزې موسسې په همکارۍ د مرکز لښکرګاه ترڅنګ په یو شمېر ولسواليو کې د بزګرانو سره د عصري کرنې د ترویج په برخه کې هڅې پیل کړي چې ښه نتيجه يې ورکړې ده. دوی وايي، په دغه ولایت کې يې د انګور، انځر او انارو ترڅنګ د شفتالو باغونه هم جوړ کړي چې د شفتالو په حاصلاتو کې سږ کال د پام وړ زیاتوالی راغلی دی. بل پلو ځايي بڼوال هم خوښ دي چې حاصلات يې زیات شوي، خو وايي، بازار نه‌لري او حکومت دې د بازار په پيدا کولو ورسره مرسته وکړي. نور تفصيل د لاندې غږيز فايل په کېکاږلو اورېدلی شئ... Читать дальше...