د امریکا د استازو جرګې د ۱.۷ تریلیون ډالرو بودیجې لایحه تصویب کړه
دا لایحه د جمعې په مازدیګر د امریکا د ولسمشر جو بایډن د لاسلیک لپاره سپینې ماڼۍ ته واستول شوه او هغه لاسلیک کړه.
د امریکا د حکومت اوسنۍ بودیجه د جمعې په مازدیګر پای ته ورسیده او د حکومت چارې د بندېدو له خطر سره مخامخ وې.
له همدې کبله د کانګریس استازو جرګې په بېړني ډول پر بودجې بحث پیل کړ څو د دولتي ادارو د بندېدو مخه ونیسي.
د امریکا سنا جرګې د پنجشنبې په ورځ دا لایحه تصویب کړې وه.
د قانون له مخې، د امریکا بودیجه د راتلونکي کال تر سپټمبر پورې برابرېږي.
په دې بودیجه کې، چې د ۲۰۲۳ مالي کال لپاره ده، څه باندې ۷۷۲ میلیارد ډالره د غیردفاعي چارو لپاره او څه باندې ۸۵۸ میلیارده دفاعي چار ته ځانګړې شوې ده.
همداراز په دې بودیجه کې نږدې ۴۵ میلیارد ډالره له اوکراین او د ناټو له متحدانو سره د بېړنیو مرستو په خاطر او ۴۰ میلیارده د طبیعي پېښو لپاره په پام کې نیول شوي دي.