د قبایلي ضلعو ولسي مشرانو له حکومته غوښتنه کړې ده چې هلته دې د وسلوالو پرضد نور عسکري عملیات نه کوي. دوی د فبرورۍ پر څلورمه په پېښور کې د جرګې پر مهال له چارواکو وغوښتل چې د عملیاتو او ناامنۍ پر مهال دې کډوالو ته اوښتي تاوانونه ورکړي. دا په داسې حال کې ده چې په تېرو میاشتو کې ګڼو خلکو د ممکنه عملیاتو له وجې د خیبر او کورمې ضلعو له بېلابېلو برخو کډې کړې دي. د پاکستان حکومت وايي، د وسلوالو پرضد هدفي عملیاتو ته دوام ورکوي او دا چې د خلکو زیانونو پوره کولو ته ژمن دی. ویډيويي رپورټ.
