Новости за 01.02.2026

د ملګرو ملتونو د بشري چارو د همغږۍ دفتر (اوچا) وايي، اټکل کېږي چې په ۲۰۲۶ میلادي کال کې به په افغانستان کې ۱۵،۹ میلیونه کسان اوبو او حفظ الصحې ته د لاسرسي لپاره مرستو ته اړتیا ولري. د ملګرو ملتونو دې ادارې د یکشنبې په ورځ (۱۲ دلو) په اېکسپاڼه کې په یوه بیان کې ویلي، چې د دغو کسانو د لاسنیوي لپاره ۱۶۳،۳ میلیونه ډالره بودجې ته اړتیا ده. په بیان کې زیاته شوې چې د کډوالو پراخې بېرته ستنېدنې، وچکالي، ناروغۍ لکه کولرا، او همدارنګه سېلابونه او زلزلې اوبو او حفظ الصحې ته لاسرسی اغېزمن کړی دی. اوچا همدارنګه... Читать дальше...

د تونس مشهور نیلي او سپین کلی په تېرو ۷۰ کلونو کې له تر ټولو سختو بارانونو وروسته د ځمکې د ښویېدو له جدي خطر سره مخ شوی دی سیدي بوسعید تېره اوونۍ د سختو بارانونو شاهد و؛ هغو بارانونو چې لږ تر لږه د پنځو کسانو ژوند یې واخیست کارپوهان خبرداری ورکوي کله چې د دې غونډۍ خاوره اوبه جذب کړي، خپل ټینګښت له لاسه ورکوي او ډېره بې ‌ثباته کېږي

ټاکل شوې چې د افغانستان د کرکټ د نولس کلنو کشره لوبډله د نړیوال جام په نیمه پایلوبه کې د راتلونکې چهارشنبې په ورځ له هند سره مخامخ شي. دا لوبه به د کابل په وخت د غرمې په دولسو بجو د زیمبابوې په پلازمینه هراري کې پيل شي. هند پرون یکشنبې هغه مهال د دې جام نیمه پایلوبې ته لار وموندله چې پاکستان ته یې د ۵۸ منډو په توپیرماتې ورکړه. پرافغانستان او هند سربیره، د استرالیا او انګلستان لوبډلې هم د دې جام د نیمه پایلوبې پړاو ته وتلي دي. په پام کې ده چې د دوی ترمنځ لومړنۍ نیمه پایلوبه سبا سې شنبې د زیمبابوې په بولویوو Bulawayo کې ترسره شي.

اوکرایني چارواکي وایي، د دې هیواد په جنوب ختیځ دنیپروپیتروفسک سیمه کې د روسیې د یکشنبې د ورځې په دوو جلا بریدونو کې لږترلږه اولس کسان وژل شوي او لږترلږه اوه تنه نور ټپیان دي. د چارواکو په خبره په پاولوهراد سیمه کې یو ډرون د کارګرانو یوه بس ته نژدې ولګېد چې په نتیجه کې یې ۱۵ کان ‌کیندونکي ووژل شول، او دوه تنه نور هم د سیمې په مرکز دنیپرو ښار کې پر یوه شخصي کور د بل برید په نتیجه کې ووژل شول. په همدې حال کې چارواکو وویل چې په زاپوریژیا ښار کې پریو زېږنتون د روسیې په برید کې ۶ تنه ټپیان شوي او هم روغتون ودانۍ زیانمنه شوې ده. Читать дальше...

د طالبانو د حکومت د ترانسپورت او هوايي چلند وزارت د هوا پېژندنې ریاست نن دوشنبې د افغانستان په درېیو ولایتونو کې د واورې او باران د ورېدو اټکل کړی. د دې ریاست په خبرپاڼه کې چې د یکشنبې په ورځ خپره شوې، راغلي چې د بلخ، جوزجان او هرات ولایتونه به نن دوشنبه (۱۳ دلو) د واورې او باران د ورېدو شاهدان وي. د باران اندازه له ۱۰ څخه تر ۲۵ میلی ‌متره او د واورې اندازه له ۱۰ څخه تر ۲۵ سانتي ‌متره پورې اټکل شوې ده. دا په داسې حال کې ده چې په دې وروستیو کې د افغانستان په بېلابېلو ولایتونو کې د واورې او باران د ورېدو له امله له ۶۰ څخه زیات کسان مړه شوي دي.

نن دوشنبې د افغانستان په یوشمیرولایتونو کې د ماشومانو لپاره د پولیو د واکسین کمپاین پیلیږي. د پولیو فري افغانستان په نوم بنسټ په خپله ایکسپاڼه کې په یوه بیان کې ویلي چې له پنځو کلونو کم عمره ماشومانو ته د پولیو د واکسین دغه کمپاین به د افغانستان په ۱۶ ولایتونو، کندوز، نورستان، کونړ، لغمان، ننګرهار، خوست، پکتیا، پکتیکا، غزني، زابل، ارزګان، کندهار او هلمند ولایتونو کې په بشپړډول او د کابل، بلخ او هرات ولایتونو په ځینو سیمو کې ترسره شي. دې بنسټ ندي ویلي چې د دغه کماپین په ترڅ کې به څومره ماشومانو ته... Читать дальше...

د پاکستان حکومت اعلان کړی چې لوبډله به یې د ۲۰۲۶ کال په شل اووره نړيوال کرکټ جام کې له هند سره سیالي نه کوي.د پاکستان حکومت پر اېکس ليکلي بیان کې ويلي چې لوبډله به یې هغه نړيوال جام ته ورځي مګر له هند سره به لوبه ونکړي. حکومت تر اوسه د خپلې هغې پرېکړې لپاره کوم دليل نه دی وړاندې کړی. د فرورۍ په اوومه پيليدونکي، د کرکټ شل اوریز نړیوال جام سیالۍ په هند او سريلنکا کې کېږي. د اسلام اباد او نوي دهلي د خرابو اړيکو له وجې، پاکستانۍ لوبډله هند ته سفر نه کوي نو ځکه یې ټولې لوبې په سريلنکا کې پلان شوې دي. Читать дальше...

د پاکستان کرکټ لوبډلې د درو ۲۰ اووریزو لوبو د لړۍ په وروستۍ هغه کې هم اسټرالیا ته په ۱۱۱ منډو ماته ورکړه. پاکستانۍ لوبډلې لومړی بېڼګ وکړ او په ټاکلو ۲۰ اوورونو کې یې د شپږ لوبغاړو په سر ۲۰۷ منډې وکړې. په دې کې د صایم ایوب ۵۶، بابر اعظم ۵۰ او شاداب خان ۴۶ منډې شاملې وې. په ځواب کې د اسټرالیا ټول لوبغاړي د ۹۶ منډو له جوړولو وروسته اوټ شول. په دوي کې مارکس سټونیس ۲۳ او کېمرون ګرین ۲۲ منډې وکړې. له دې سره پاکستان په درې واړه لوبو کې له بریا ترلاسه کولو سره اتلولي د ځان په نوم کړه. دویمه لوبه پاکستانۍ... Читать дальше...

د ملګرو ملتونو د نشه يي موادو او جنایتونو چارو دفتر راپور وايي، په افغانستان کې ډېری خلک د بېروزګارۍ، بې وزلۍ او رواني ستونزو له وجې په نشو روږدي کېږي یا د دواګانو په ناسم استعمال اخته کېږي.

د پاکستان په بلوچستان کې له خونړیو پېښو وروسته په دې ایالت کې  دوهمې ورځې لپاره هم انټرنیټي او ټلیفوني خدمتونه په بشپړ ډول پرې دي. یو شمېر سیمه ییز خبریالان وايي، په مرکز کویټه کې ګرځبندیز نافذ شوی او هیچاته له کورونو د وتلو اجازه نه ورکول کیږي. په پاکستان کې د افغان کډوالو د شورا مسولین وايي، دغه وضعیت په هغه ایالت کې میشت افغان کډوال هم له ستونزو سره مخ کړي دي.

د افغانستان د باميان ولايت په يو ليري پراته کلي کې د ځينو هغو افغان کډوالو لپاره کورونه جوړ شوي چې له ايرانه په زور ستانه کړل شوي وو. د ملګرو ملتونو په مرسته جوړ شوي دا پاخه کورونه خلکو ته سپارل شوي دي. که څه هم ځايي خلک د وړيا کورونو په ترلاسه کولو خوشاله دي خو وايي هلته اوبه، سړک، ښوونځی، کلينيک او روزګار نشته نو ځکه یې ستونزې ختمې شوې نه دي. په دې اړه بشير ګواښ د فرانس پرېس خبري اژانس له ويډيو راپور جوړ کړی.

د پاکستان پوځ ويلي چې د جنورۍ پر ۳۱مه په بلوچستان کې په شویو وسلوالو حملو کې ولسي وګړي او سرتېري وژل شوي دي. بیان دعوه کوي چې له امنیتي ځواکونو سره په نښتو کې ګڼ وسلوال هم وژل شوي دي. بلخوا رويټرز اژانس خبر ورکړی چې بلوڅ بېلتون غوښتونکې ډلې (بلوچ لیبرېشن ارمي) د حملو ذمه واري منلې ده.

د پاکستان او اسټرالیا د کرکټ لوبډلو ترمنځ وروستۍ ۲۰ اووریزه لوبه نن په لاهور کې ترسره کېږي. د پاکستان لوبډلې د دې لوبلړۍ لومړۍ دواړه لوبې ګټلي او جام یې د ځان په نوم کړی دی. پاکستانۍ لوبډلې د جنورۍ پر ۳۱مه په دویمه ۲۰ اووریزه لوبه کې اسټرالیا ته په ۹۰ منډو ماته ورکړه. پاکستانۍ لوبډلې لومړی بېټنګ وکړ او په ټاکلو ۲۰ اورونو کې یې د پینځو لوبغاړو په سر ۱۹۸ منډې وکړې. سلمان اغا ۷۶، عثمان خان ۵۳ او شاداب خان ۲۸ منډې وکړې. په ځواب کې د اسټرالیا ټول لوبغاړي په ۱۶م اور کې د ۱۰۸ منډو له جوړولو وروسته وسوځېدل. Читать дальше...

د بلوچستان اعلاوزیر دا څرګندونې تر هغې وروسته کړې دي چې پوځ په یو بیان کې دعوه وکړه چې د جنورۍ پر ۳۱مه یې د بلوچستان د مرکز کوټې په ګډون د صوبې په مختلفو برخو کې تر بریدونو وروسته په ځوابي کارروایۍ کې "۹۲" مشکوک وسلوال وژلي دي.

د کابل ډېری اوسېدونکي د لرګیو او سکرو په وسیله چلېدونکې ساده بخارۍ د ژمي د تېرولو تر ټولو غوره لاره بولي ځکه چې هغوی په برېښنا باور نه لري او د برېښنايي انګېټيو بيې هم لوړي دي. د کابل ښار يو مزدور وايي چې خپل کور د بادامو د ۷۰ کیلو ګرامه پوستکو په سوځولو تودوي، خو د هغه په وينا دا يوازې د يو ساعت لپاره کور ګرم ساتي. د فرانس پرېس اژانس له ويډيو جوړ رپورټ:.

د افغانستان د فوټسال ملي لوبډله نن مازیګر له ایران سره مخ کېږي. دا د اندونیزیا په کوربه توب د فوټسال د اسیايي جام په ګروپي دور کې د افغانستان وروستۍ لوبه ده. افغانستان دمګړۍ د ډي ګروپ په سر کې ځای لري ځکه خپلې دواړه لومړۍ لوبې یې ګټلي. په اولنۍ لوبه کې یې درې پر صفر سعودي عربستان مات کړی او په دویمه لوبه کې یې اوه پر صفر مالیزیا له مخې لرې کړې ده. ایران هم خپله لومړۍ لوبه ۴ پر ۱ له مالیزیا او دویمه لوبه ۲ پر صفر له سعودي عربستان ګټلې. د افغانستان د فوټسال د ملي ټیم مشر روزونکی مجید مرتضايي چې په... Читать дальше...

د ایران په بندرعباس او اهواز کې دوه چاودنې شوي چې یو شمېر کسانو ته یې مرګژوبله اړولې ده. د هرمزګان ولایت د بیړنیو چارو د کنټرول ادارې ویلي چې شنبه په بندرعباس ښار کې په یوه هستوګنیزه ودانۍ کې چاودنې لږ تر لږه ۱ کس وژلی او ۱۴ نور یې ژوبل کړي دي. چارواکو ویلي چاودنه د ګازو د لیک کېدو له امله شوې. اخوا په اهواز کې هم چارواکو تایید کړې چې په کیانشهر سیمه کې د ګازو د چاودنې له امله لږ تر لږه پنځه کسان وژل شوي او دوه نور ټپیان دي. د چاودنو تر راپورونو وروسته د ایران سپاه پاسداران ځواکونو د ایران د سمندري... Читать дальше...

د طالبانو حکومت د ټولګټو وزارت خبر ورکړی چې په غور، دایکندي او میدان وردګ ولایتونو کې یې یو شمېر لارې د ټرافیکو پر مخ پرانیستي دي. د دغه وزارت ویاند اشرف حق شناس شنبې ناوخته په خپله ایکس پاڼه ویلي چې دغو ولایتونو کې یو شمېر لارې د واورې د ورېدو او د توپان له امله موقتاً تړل شوې وې. د افغانستان په ګڼو ولایتونو کې د فبروري تر څلورمې پورې د درنو واورو او بارانونو د ورېدو اټکل شوی. واردمخه په اکثرو سیمو کې لارې بندې دي. یوه هم د سالنګونو لویه لار ده چې پلازمینه له شمال سره نښلوي. دا لار په وقفه يي توګه... Читать дальше...

د راتلونکي ۱۴۰۵ کال د حج لپاره افغانستان ته د دېرشو زرو کسانو ونډه ورکړل شوې ده. دا خبره د طالبانو د ارشاد، حج او اوقافو وزیر نورمحمد ثاقب د شنبې په ورځ کابل کې یوه خبري کنفرانس ته کړې ده. د ښاغلي ثاقب په خبره سږ کال به هر افغان زیارت کوونکی ۲۶۶ زره او ۴۰۰ افغانۍ فیس ورکوي چې دا اندازه پیسې د تېرې دورې په مقایسه څه باندې ۱۵ نیم زره افغانۍ کمې دي. د طالبانو دغه لوړپوړي چارواکي وویل چې سعودي عربستان ته د افغان حاجیانو د انتقال لپاره واردمخه له آریانا او کام ایر هوایي شرکتونو سره تړونونه لاسلیک شوي. Читать дальше...

بلوچستان یوه نارامه ورځ تېره کړه. د مرکز کوټې په شمول په ۱۲ ښارونو او ښارګوټو کې همغږي وسله وال بریدونه او چاودنې وشوې. د پاکستان د پوځ د مطبوعاتو دفتر آی اس پي آر د شنبې په شپه ناوخته په یوه اعلامیه کې تایید کړه چې د پاکستان ۱۵ امنیتي ځواکونه او اتلس عام خلک په بریدونو کې وژل شوي دي. مخکې د لږ تر لږه ۲۴ پولیس افسرانو د ټپيانیدو راپور هم ورکړل شوی وو. د کوټې ملکي روغتون ته د شنبې ورځې د بریدونو ګڼ ټپيان ور وړل شوي. له ډلې یې ۳۴ کلن عنایت الله فرانسپرس ته ویلي: د پاکستان پوځ بیا ویلي چې د امنیتي ځواکونو... Читать дальше...