Tanymal gazak alymy 'içalyçylykda' güman edilip, tussag edildi
Milli howpsuzlyk komiteti 17-nji maýda 62 ýaşyndaky ekspertiň fewralda tussag edilendigini aýtdy. Bu iş boýunça başga jikme-jiklikler aýdylmady.
MHK-nyň beýanaty tassyklanmadyk media habarlarynda Syroyežkiniň içalyçylyk aýyplamalary esasynda tussag edilendigi barada çykan maglumatlaryň soňundan çap edildi.
Almaty şäherinde doglan Syroyežkin 2006-njy ýyldan bäri prezidentiň Strategiki barlaglar institutynda ekspert we analitik bolup işleýärdi.
Ol Hytaý we Hytaý-Gazak gatnaşyklary boýunça rus, gazak we iňlis dillerinde ýazylan müňden gowrak analitiki we ylmy-barlag işiniň awtory bolup durýar.
Ol Gazagystanda gatnaşmaly iki maslahatyna gatnaşmandan soň gözlenip başlandy. Şonda Gazagystanyň Adam hukuklary býurosynyň başlygy Ýewgeniý Žowtis Azatlyk radiosyna alymyň tussag edilen bolmagynyň mümkindigini aýtdy.