Azatlyk Radiosynyň habarçysy Aşgabadyň döwlet dükanlarynda şekeriň çäkli söwdasy, nyrhy gymmatlan elýeterli ýumurtga we gaýtarga derek berilýän ýerli önümçilige degişli sakgyç barada habar berýär.
Ýokary derejeli rus howpsuzlyk resmisi Owganystanyň demirgazyk sebitlerinde "Yslam döwleti" (YD) ekstremist toparynyň 5 müň töweregi jeňçisiniň bardygyny aýdýar. Ýerli ýaşaýjylar Owganystandaky YD jeňçileriniň hatarynda özüne türkmenistanly diýýän söweşijilere-de duş gelýär.
ABŞ-nyň häkimiýetleri, Birleşen Ştatlara uly zyýan ýetmegine sebäp bolan müňlerçe gizlin dokumenti çap edendigini aýdyp, Wikileaksi esaslandyryjy Julian Assanja garşy täze jenaýat aýyplamasyny bildirdi.
Owgan paýtagty Kabuldaky metjitde 24-nji maýda bolan partlamada bir adam öldürildi, 16 adam ýaralandy diýip, Owganystanyň Içeri işler ministrligi aýtdy. Ministrligiň sözsüsi Nasrat Rahimi Azatlyk radiosynyň Owgan gullugyna öldürilen adamyň namaz başyny çekýän ruhany Mawlawi Raihan bolandygyny aýtdy. Etrap polisiýasynyň resmisi Jan Agha AP habar gullugyna bombanyň ymamyň juma namazy mahalynda ulanýan mikrofonynyň içinde ýerleşdirilene meňzeýändigini aýtdy. Häzirlikçe bu hüjümiň jogapkärçiligini hiç kim öz üstüne almady.
Türkmenistanyň geologiýa gözegçiligi boýunça döwlet gullugy burawlanyp çykarylýan ýerasty suw çeşmelerini hasaba alýar. Trend agentliginiň bu edara salgylanyp, 22-nji maýda habar bermegine görä, Türkmenistanyň suw kadastr - sanawyna goşmak üçin ýerasty suwlary ulanýan gurallaryň eýeleri ähli zerur maglumatlary, şol sanda ulanylýan suw we onuň himiki düzümi barada hasabat bermäge borçly. Türkmenistanyň kanunlaryna laýyklykda çap edilen karar ýurduň ähli kärhanalaryna, edaralaryna we eýeçilik görnüşine garamazdan... Читать дальше...
Türkmenistanda döwlet eýeçiligindäki taksileriň we traktorlaryň sürüjileri ulaglar hatardan çykanda, olary öz hasaplaryna bejertmeli bolýandyklaryny we bu çykdajylar sebäpli güzeran aýlamagyň barha kynlaşýandygyny aýdýarlar.
Tereza Meý 7-nji iýunda Britaniýanyň Konserwatiw partiýasynyň başlyklygyndan çekiljekdigini yglan edip, ýurduň premýer-ministriniň wezipesiniň üstünde nobatdaky bäsleşige ýol açdy. Meý 24-nji maýda Downiň köçesiniň 10-njy jaýynyň daş işiginde çykyp gürläp, täze lider saýlanýança premýer-ministriň wezipesini ýerine ýetirjekdigini, bu prosesiň birnäçe hepde wagt aljakdygyny aýtdy. Bir zaman ÝB-niň agzalygynyň göwünsiz goldawçysy bolan Meý bu uly wezipä 2016-njy ýyldaky Breksit ses berişliginden soňky başagaýlyk esasynda geldi. Читать дальше...
Prezident Gurbanguly Berdimuhamedow 23-nji maýdaMejlisiň başlygynyň, wise-premýerleriň, harby we hukuk goraýjy edaralaryň ýolbaşçylarynyň gatnaşmagynda Aşgabadyň merkezinde alnyp barylýan işler bilen tanşyp, paýtagty ösdürmek barada maslahat geçirdi.
Türkmenistanyň orta mekdeplerinde 11-nji synpy, ýagny mekdebi tamamlaýan okuwçylar üçin Soňky jaň dabaralarynyň geçirilmegine iki gün galanda, ene-atalaryň ençemesi bu dabara üçin edilýän çykdajylaryň aşa köpdüginden şikaýat edýär.
ABŞ häkimiýetleri, Birleşen Ştatlara uly zyýan ýetmegine sebäp bolan müňlerçe gizlin dokumenti çap edendigini aýdyp, Wikileaksi esaslandyryjy Julian Assanja garşy täze jenaýat aýyplamasyny bildirdi. 23-nji maýda aýan edilen we 18 günäden ybarat bolan aýyplamalar Içalyçylyk akty esasynda bildirilip, Assanjy ABŞ-nyň ozalky aňtaw analitigini materiallary syzdyrmaga gönükdirmekde aýyplaýar. https://www.justice.gov/usao-edva/pr/wikileaks-founder-charged-18-count-superseding-indictment bu maglumat... Читать дальше...
ABŞ-nyň iň uly en öndürijisi "Tyson Foods" öz işlerini Gazagystana çenli giňeltmek isleýändigini aýdýar. “Biz Gazagystana sapar etdik we bu döwletiň geljekdäki azyk önümçiligi tagallalary bilen gyzyklanýarys” diýip, kompaniýanyň sözçüsi Liz Kroston 23-nji maýda AÝ/AR-a iberen elektron hatynda aýtdy. Springdaýlde, Arkansasda ýerleşýän kompaniýa sygyr, doňuz, towuk etini, ýarym fabrikatlary, ýagny işlenen azyk önümlerini öndürýär we olaryň belli bir bölegini eksport hem edýär. Onuň "Cobb-Vantress" guşçulyk toplumy Orsýetde-de işleýär. Читать дальше...
Eýranyň prezidenti Hassan Rohani, Tähran bilen Waşingtonyň arasynda artýan dartgynlyklaryň arasynda, öz ýurdunyň ABŞ-nyň basyşlaryna, hatda ol bombalansa-da tabyn bolmajakdygyny aýtdy. Rohani bu sözleri 23-nji maýda aýtdy. Eýranyň ýokary harby komandiri bolsa şol gün islindik duşman “hilegärçiliginiň” berk gaýtawula sezewar boljakdygyny duýdurdy. Tähran bilen Waşingtonyň arasyndaky gatnaşyklaryň ýagdaýy prezident Donald Tramp bir ýyl ozal Birleşen Ştatlary 2015-nji ýylda baglaşylan ýadro ylalaşygynda çykaraly bäri beterleşdi. Читать дальше...