Новости за 16.12.2019

(Казан, 16 декабрь, «Татар-информ»). «Татарстан Республикасы Милли китапханәсе нәшер итә торган «Татар археографиясе» сериясендә 24 нче китап дөнья күрде. «Халык җырлары» җыентыгына XVII–XX гасыр кулъязма истәлекләрендә теркәлеп калган 11 лирик җыр һәм 473 кыска (дүртьюллык) җыр текстлары тупланган. Бу турыда Татарстан Милли китапханәсенең матбугат хезмәте хәбәр итте.

(Алабуга, 16 декабрь, «Татар-информ», «Алабуга нуры»). Алабуга политехник көллияте «Сәнәгать һәм инженерлык технологияләре» лотында 43 миллион сумлык федераль грантка ия булды. Бу турыда «Алабуга нуры» сайтында хәбәр ителә.

(Казан, 16 декабрь, "Татар-информ"). Киләсе елга 25 гыйнварда Ютазы районы Урыссу бистәсендә хатын-кызлар арасында Россиякүләм Коръән укучылар бәйгесе була. Ул мөслимәләрне хакыйкый Ислам дин гыйлеме алырга чакыру, шулай ук Коръән буенча белемнәрне арттыру һәм киләчәктә дә Кәлам Шәрифне яттан өйрәнүгә омтылышларын үстерү максатыннан оештырыла. Бу турыда ТР Диния нәзарәте матбугат хезмәте хәбәр итте.

(Казан, 16 декабрь, «Татар-информ», «Ватаным Татарстан»). «Ниндиен куябыз?» Яңа ел җиткәндә, шушы сорау һәр өйдә дә яңгырыйдыр ул. Сүз, әлбәттә, чыршы турында бара.

(Казан, 16 декабрь, «Татар-информ»). 7 гыйнварда Лаеш районының Никольское авылында беренче тапкыр Раштуа бәйрәме узачак. Бу турыда Лаеш районы матбугат хезмәте сайтында хәбәр ителә.

(Тәтеш, 16 декабрь, «Татар-информ», «Тәтеш таңнары», Елена Калашникова). Тәтеш районының Югары Тархан авылында Тамара Розанова үзенең беренче хезмәтен мәктәп укучысы булганда ук чиккән, хәзер инде аның кул эшләнмәләре исәпсез-хисапсыз. Ул киемнәр яки чәчәкләр генә бәйләп калмыйча, мичләр дә ясый.

(Казан, 16 декабрь, «Татар-информ»). 14 декабрьдә Оренбургның Х.Ямашев исемендәге китапханәсенә «Минем туган ягым» конкурсында катнашучылар җыелды. Аларның эшләре өч номинация буенча бәяләделәр. Бу турыда Бөтендөнья татар конгрессы хәбәр итә.

(Казан, 16 декабрь, «Татар-информ»). Шушы көннәрдә Лаеш районында Мишә елгасында боз астында балык тоту буенча беренче ярышлар узды. Турнирда беренче урынны Лаеш шәһәрендә яшәүче Роман Борзунин алды. Бу турыда Лаеш муниципаль районы матбугат хезмәте сайтында хәбәр ителә.