Kun.uz таҳририяти Сирдарё вилоятининг Сайхунобод туманида август ойи охирида рўй берган воқеа акс этган видеони эълон қилди. Видеода "Сайхунобод туман ҳокими Носиржон Маҳмудович Эгамбердиев", деб тақдим қилинган шахс тумандаги мактабларнинг директорларини бир қаторга териб олиб, бир чеккадан калтаклагани тасвирланган. Мактаб директорлари эса Мустақиллик байрамига ўқитувчиларни олиб бормагани учун калтакланаётгани кўринади.
