Германия парламент сайловида яна Ангела Меркел ғалаба қозониши кутилмоқда
Бундан ташқари, ушбу сайловда Иккинчи жаҳон урушидан сўнг илк бор ўнг-қанот партия вакилларининг парламентга кириши кутилмоқда.
12 йилдан буён ҳукуматни бошқариб келаётган Ангела Меркел бошчилигидаги Насроний-демократик партия ва Бавария насронийлар жамияти иттифоқи сайловолди сўровларида 34-37 фоиз овоз тўплаб, етакчилик қилди.
Меркелнинг блокидан кейинги ўринда ижтимоий сўровларда 21-22 фоиз овоз тўплаган Социал-демократлар партияси турибди.
Германия учун муқобил ўнг-қанот партияси эса, мамлакатнинг кейинги 80 йиллик тарихида илк бор, сайлов олдидан ўтказилган ижтимоий сўров иштирокчиларининг 10-13 фоиз овозини тўплади.