Швеция прокуратурасининг коррупцияга қарши бош прокурори Гуннар Стетлернинг Озодликка айтишича¸ ўзбек телеком бозорига кириш учун 331 миллион АҚШ доллари миқдорида пора берганини тан олган Telia ширкати собиқ бошқарувчилари бу жараëнда фақат бир шахс – Беҳзод Аҳмедов қатнашгани ҳақида кўрсатма берган. Айблов хулосасида прокуратура суддан ҳозирда Россияда яшаётган Аҳмедовни савол-жавоб қилиш сўрови билан Россия маъмурларига мурожаат қилишни сўраган.
