Исроил Мадримов эртага олтин медаль учун рингга чиқади
0
Россиянинг Белоярский шаҳрида ўтаётган бокс бўйича “Нефт мамлакатлари кубоги” ўзининг ҳал қилувчи палласига кириб бормоқда.
4 нафар боксчимиз ярим финалгача етиб келиб, олдинига Ҳасанбой Дўсматов (52 кг) ва Иқболжон Холдоров (64 кг) финалга йўл олишди.
75 кг вазнда рақибларига умуман имконият бермай келаётган ҳамюртимиз Исроил Мадримов финал остонасидаги жангда беларуслик Владислав Савостянов билан куч синашди.
Рақибига нисбатан тажрибали ҳисобланган боксчимиз якунда ҳакамларнинг бир овоздан берган қарорига кўра ғолиб деб топилди.
Шундай қилиб, финалга йўл олган боксчиларимиз сони учтага етди. Финал жанглари эртага, 26 ноябрь куни бўлиб ўтади.