Новости за 19.09.2018

Приморский крайынын шайлоо комиссиясы аймактагы губернаторлук шайлоо боюнча өз чечимин бейшемби, 20-сентябрда жарыялайт деп күтүлүүдө. Бул тууралуу орусиялык маалымат агенттиктери кабарлоодо.  Ал эми 19-сентябрда Орусиянын Борбордук шайлоо комиссиясындагы жыйында Элла Памфилова крайдын губернаторун шайлоо жыйынтыгын жараксыз деп таанууну сунуш кылды. Памфилова комиссиясынын бүгүнкү жыйынында белгилегендей, колдо бар маалыматтардын анализи шайлоо “олуттуу укук бузуулар” менен өткөнүн көргөздү. Читать дальше...

Орусияда Приморск крайынын шайлоо комиссиясы губернаторду шайлоонун жыйынтыгы боюнча чечимин бейшембиде кабыл аларын билдирди. 19-сентябрда БШК жекшемби күнкү добуш берүүдө бурмалоолор болгонун айтып, жыйынтыктарды жокко чыгарууну сунуш кылган. Экинчи айлампада губернаторлук кызмат үчүн башкаруудагы «Бирдиктүү Орусия» партиясынын жана коммунисттер партиясынын талапкерлери ат салышкан.

АКШ президенти Дональд Трамп 19-сентябрда Ак үйдөн кабарчылардын суроолоруна жооп берип жатып, буларды белгиледи: - Бизде Түндүк Кореядан, Түштүк Кореядан жакшы жаңылыктар болду. Алар (Ким Чен Ын менен Мун Чжэ Ин) жолугушту, бизде эң жакшы жооптор болду. Силер билгендей, мен Ким Чен Ындан эң мыкты кат алдым. Ал үч күн мурда келди. Бизде Түндүк Кореяга байланыштуу олуттуу жылыштар болуп жатат. Түндүк жана Түштүк Корея лидерлери Пхеньяндагы саммитинде өзөктүк куралсыз Корей жарым аралына жетишүү мүдөөсүн жарыялашкан эле... Читать дальше...

Анджей Дуда бул тууралуу Вашингтондо, АКШ президенти Дональд Трамп менен сүйлөшүүлөрдөн кийинки басма сөз жыйынында айтты: - “Түндүк агым-2” газ куурунун курулушу азыркы учурда эбегейсиз коркунуч туудурарында эч шек жок. Так айтып коюшубуз керек, курулуш азыр Германия тараптан, Орусия тараптан да башталып калды. Түтүктү Балтика деңизинин түбүндө жайгаштыруу менен байланышкан формалдуулуктар гана калды. Кандай болгон күндө да бул инвестициялык долбоор Европанын энергетикалык стабилдүүлүгүнө, Польшанын... Читать дальше...

Каракол шаарынын мэри Данияр Арпачиев өзү жазган арызынын негизинде кызматтан бошотулду. Бул тууралуу өкмөттүн маалыматтык саясат бөлүмү “Азаттыкка” кабарлады. 31-июлда Каракол шаардык кеңешинин депутаттары көпчүлүк добуш менен мэрге ишеним көрсөтпөө жөнүндө чечим кабыл алган. Депутаттар мындай кадамды мэрдин шаарды өнүктүрүү боюнча иши канааттандырарлык болбогону менен түшүндүргөн. Арпачиев муну "партиялык кызыкчылыктан улам болду" деп билдирген. Буга чейин шаардык кеңештин сунушун премьер-министр колдогон эмес. Читать дальше...

"Белизгейт" жаңжалы кайрадан иликтенери парламент жыйынында айтылды. Ага ылайык, Башкы прокуратура токтоп калган териштирүүнү улантып, укуктук баа берүүнү көздөп жатат.

Бишкек Жылуулук электр борборун модернизациялоодогу коррупцияга байланыштуу айыпталып, Улуттук коопсуздук комитетинин (УКМК) тергөө абагында отурган экс-премьер-министр Жантөрө Сатыбалдиев ооруканага которулду. Бул тууралуу бүгүн, 19-сентябрда парламентте депутат Руслан Казакбаевдин суроосуна жооп берип жатып УКМК төрагасы Идрис Кадыркулов билдирди. Анын айтымында, Сатыбалдиев эки күн бою текшерүүдөн өтүп, 18-сентябрда ооруканага которулду. - Бизде кайтаруучулардын саны көп эмес. Бардыгына мүмкүнчүлук болбойт... Читать дальше...

Алматынын аэропортунда кыргызстандыктарды текшерүү күчөгөнү тууралуу Кыргызстандын нотасы боюнча Казакстандын Тышкы иштер министрлиги менен Чек ара кызматынын жооптуу жетекчилери атайын кеңешме өткөргөн. Бул тууралуу Кыргызстандын тышкы иштер министри Эрлан Абдылдаев менен жолугушууда Казакстандын Бишкектеги элчиси Карим Кокрекбаев билдиргенин министрлик кабарлады. Казак элчиси ошондой эле кыргыз тарапка расмий Астананын жооп нотасын тапшырган, бирок анын мазмуну жарыяланган жок.  Казакстандын... Читать дальше...

Ал түрмөдөн Исламабаддын Жогорку Сотунун бүгүнкү чечиминен кийин чыгарылды. Ага ылайык, Пакистандын мурдагы премьер-министри Наваз Шариф, анын кызы жана күйөө баласы алардын иши соттун апелляциялык баскычында каралып жаткан учурда түрмөдөн күрөөнүн негизинде бошотулуп турушу керек болгон.  Сот чечими боюнча алардын ар бири күрөөгө 500 миң рупий же 4000 доллардан койот. Быйыл июлда Пакистанда сот мурдагы премьер Наваз Шарифти 10 жылга, анын кызы Мариам Навазды жети жылга, күйөө баласы Мухаммад Сафдарды бир жылга түрмөгө кескен. Читать дальше...

Исламабаддын Жогорку Соту мындай чечимди бүгүн чыгарды. Ага ылайык, Пакистандын мурдагы премьер-министри Наваз Шариф, анын кызы жана күйөө баласы алардын иши соттун апелляциялык баскычында каралып жаткан учурда түрмөдөн күрөөнүн негизинде бошотулуп турушу керек. Сот чечими боюнча алардын ар бири күрөөгө 500 миң рупий же 4000 доллардан койот. Быйыл июлда Пакистанда сот мурдагы премьер Наваз Шарифти 10 жылга, анын кызы Мариам Навазды жети жылга, күйөө баласы Мухаммад Сафдарды бир жылга түрмөгө кескен. Читать дальше...

Йеменде 5,2 миллион бала ачарчылыкка кабылышы мүмкүн. Бул тууралуу "Save the Children" эл аралык бейөкмөт уюму кабарлады.

Жогорку Кеңеш "Белизгейт" чырына байланыштуу маселени териштирди. 2016-жылдын 14-ноябрында УКМК айрым депутаттар 2012-жылы “Альфа Телекомдун” улутташтырылбаган 50% акциясын сатууга аракет кылгандыгы Белиз өлкөсүнөн келген документтерде көрсөтүлгөнүн айтып чыккан. Ал документтерге Өмүрбек Текебаев, Аида Салянова, Алмамбет Шыкмаматовдун аты-жөнү тиркелген.

Казакстанда 23 жыл тамеки талаасында, тоодо мал багып иштеп жүргөн 51 жаштагы кыргызстандык Зуура Болтоева мекенине кайтарылып, сиңдиси менен жолукту. Бир туугандардын жолугушуусу 19-сентябрда Бишкекте эл аралык Кызыл жарым ай коомунун издөө кызматынын 25 жылдыгына арналган жыйында болду. Аталган коомдун издөө кызматы бул аралыкта 135 үй-бүлөнүн жакынын таап берген.

Түркиянын жарандыгын алуунун жол-жобосу өзгөрдү. Бул тууралуу өлкөнүн расмий гезити (Resmi Gazete) 19-сентябрда жазды. 2010-жылы президент Режеп Тайып Эрдоган кол койгон жобого киргизилген өзгөртүүлөргө ылайык, эгер мурда жарандык 2 млн долларлык инвестиция алып келген чет өлкөлүк жаранга берилсе, эми бул сумма 500 миң долларга төмөндөтүлдү. Ошондой эле буга чейин 1 млн долларга кыймылсыз мүлк сатып алган чет өлкөлүк адам да жарандык алса, эми 250 миң долларга алгандар деле жарандыкка ээ боло алат. Читать дальше...

Түндүк Кореянын лидери Ким Чен Ын Корей жарым аралы ядролук куралсыз аймакка айлана турганын ачык айтты. Йеменде төрт жылдан бери уланып жаткан согуштун айынан 5 миллиондон ашык бала ачарчылык торуна кептелди. Австралиянын полициясы дүкөн текчелериндеги жер жемиштерде ийнелердин табылышын иликтеп жатат.

"Мен билген Айтматов" сынагына Папан Дүйшөнбаевден келген блогду сунуштайбыз.

Тоң райондук милициясынын имаратында кылмышка шектүү адамдын асынып өлгөнү боюнча Ысык-Көл облустук прокуратурасы козгогон кылмыш ишти Коопсуздук кызматынын облустук бөлүмү тергей баштады.

Ким Чен Ын ошентип Корей жарым аралы өзөктүк куралсыз аймакка айлана турганын ачык айтты. Атургай ал быйыл жыл аягына чейин Түштүк Кореяга бара турганы белгилүү болду.

АРИС уюму Ош облусунун жайыт комитеттерине грант катары мотоцикл таратып жатат. Ош облусуна 27, Баткенге 11, Жалал-Абадга 12, жалпысынан 50 даана берилди. Бул тууралуу АРИСтин Ош облустук өкүлчүлүгүнүн аймактык координатору Маратбек Сагынбаев билдирди. Анын айтымында, "Мал чарбасын жана рынокту өнүктүрүү" долбоору малды түрдүү ылаңдан коргоо максатын көздөйт. ЗиД үлгүсүндөгү мотоциклдер Орусияда чыгарылган. Ар биринин баасы 65 миң сомдон. АРИС буга чейин Ош облусунда жеке ветеринарларга 176 даана мотоцикл жана шаймандарды акысыз берген. Читать дальше...

Талас шаарынын мэрин "чарбакер эмес" деп эсептеген шаардык кеңештин депутаттары соцтармактар аркылуу элдин пикирин топтоп жатышат.

Кубанычбек Кулматовго үй-бүлө мүчөлөрү менен жолугушууга уруксат берилбей жатат. Бул тууралуу бүгүн парламенттин жыйынында сүйлөп жатып вице-спикер Асел Кодуранова жана депутат Ирина Карамушкина айтып чыгышты. - Жаңы эле Кулматовдун жубайы менен байланыштым. Ал УКМКга 10 кат жөнөтүп, жолугушууга уруксат берүүнү суранган экен, - деди Кодуранова. УКМКнын төрагасы Идрис Кадыркулов Кулматовго карата эч кандай чектөө болбогонун билдирди жана жогоруда айтылган 10 кат тууралуу доомат боюнча териштирүү жүргүзүлөрүн айтты. Читать дальше...

Элла Памфилова Приморский крайынын губернаторун шайлоо жыйынтыгын "жараксыз" деп таанууну БШКнын бүгүнкү отурумуна сунуш кылды. Анын мындай сунушу жергиликтүү шайлоо комиссиясына багытталды.  Памфилова комиссиянын бүгүнкү жыйынында белгилегендей, колдо бар маалыматтардын анализи шайлоо “олуттуу укук бузуулар” менен өткөнүн көргөздү. Эгер шайлоо жыйынтыгы жокко чыгарылса жаңысы үч ай ичинде өтүшү керек. Кремлдин өкүлү Дмитрий Песков президент Владимир Путин БШКнын шайлоо жыйынтыгын жокко чыгаруу... Читать дальше...

Өмүрбек Бабановго карата козголгон кылмыш иш учурда токтоп турат. Бул тууралуу Жогорку Кеңештин жыйынында УКМКнын төрагасы Идрис Кадыркулов билдирди. Анын айтымында, учурда бул иш боюнча жөнөтүлгөн сурамдарга жооптор күтүлүп жатат. Бабановдун партиялашы, депутат Руслан Казакбаев ишти териштирүүнү тездетүү зарылдыгын билдирди. Өмүрбек Бабанов 2017-жылдын күзүндө өткөн президенттик шайлоодо ат салышып, утулган. Анын шайлоонун үгүт өнөктүгүндө эл алдында чыгып сүйлөгөн айрым сөздөрү Конституциялык түзүлүшкө каршы келери белгиленип... Читать дальше...

Германияда Конституцияны коргоо боюнча федералдык кызматтын же ички контрчалгын мекемесинин жетекчиси Ханс-Георг Маасен кызматынан алынды. Жергиликтүү медианын кабарлашына караганда, буга Хемниц шаарында  ушул айдын  башындагы нааразылык акцияларына байланышкан жаңжал себеп болду. Немис жигит көчө мушташында каза тапкандан кийин оңчул активисттер ири демонстрацияларды уюштурушкан. Видеолордо айрым демонстранттар түсү европалык эмес адамдарга кол салып жатканын көрүүгө болот. Канцлер Ангела Меркел бул аракеттерди айыптаган. Читать дальше...

Жогорку Кеңештин депутаты Исхак Масалиев УКМКнын мурдагы төрагасы Абдил Сегизбаевге карата кылмыш ишин козгоо керектигин билдирди. Масалиев Сегизбаев парламентке келип, жалган маалымат бергени үчүн анын жоопкерчилиги каралышы керек деп эсептейт: - Сегизбаев биз «Кана кагаз?» деп сураганда «Бар кагаз» деп турган. Коомчулукту дүрбөлөңгө салган чоң күнөө коюлган. “Мамлекеттик мүлктү сатканга аракет жасады. Мына далил болгон кагаз” деп айткан. Бул жерде кылмыштын толук аракети көрүнүп турат. УКМКнын мурдагы башчысынын үстүнөн иш козгош керек. Читать дальше...