Новости за 12.05.2019

Түркиянын Кыргызстандагы атайын жана ыйгарымдуу элчиси Женгиз Камил Фыратка түспөлдөш адам Кыргызстан мусулмандар дин башкармалыгына нааразы болгон видеосу Интернетке тарады. Видеодо Бишкектеги ресторандардын биринин алдында ал "ресторанга ооз ачуу үчүн кирбейм" деп айтып жатканы тартылган. Элчиге окшош киши: “Эмне үчүн мени террорчу Орхан Инанды менен кошо чакырдыңар? Ушундай да болобу? Биздин мамлекет силерге 35 миллион доллардык мечит салып берсе, бизге жасаган мамилеңер ушулбу? Мындан ары муфтият жөнүндө уккум да келбейт”... Читать дальше...

Президент Хасан Роухани АКШ санкцияларын күчөткөн шарттарда өлкөгө мурда болуп көрбөгөндөй басым жасаларын айтты.

Миңдеген улутчулдар Варшавадагы элчиликтин алдында чыгып, Холокост маалында менчигинен ажыраган жөөттөрдүн үй-бүлөсүнө кенемте төлөп берүү тууралуу АКШнын мыйзамына нааразычылыгын билдиришти. Демонстранттар АКШ Польшанын ишине кийлигишүүгө укугу болбогонун айтышты. Демонстранттар «Мындан ары Польшанын милдеттенмелери жок» жана «Холокосттун чөөлөрү» деген ураандар жазылган плакаттарды көтөрүп турушту. Митинг Польшада, Борбордук жана Чыгыш Европанын башка өлкөлөрүндө антисемиттик билдирүүлөр күчөгөн учурда өтүп жатат. Читать дальше...

Журналист Явуз Селим Демираг ток-шоуга катышып, үйүнө келатканда аны 5-6 киши ур-токмокко алып, качып кетишкен. “Yenicag” гезитинин баяндамачысы Демираг Түркиянын президенти Режеп Тайып Эрдогандын бийлигин сындаган макалалары менен белгилүү. Демираг оппозициячыл Элдик-республикалык партияны колдойт. Бул партиянын талапкери Экрем Имамоглу 31-мартта Стамбулдун мэри болуп шайланган болчу. Бирок Түркиядагы Жогорку шайлоо комиссиясы Стамбулдун мэрин шайлоонун жыйынтыгын жокко чыгарган. Элдик-республикалык... Читать дальше...

Литвада өтүп жаткан шайлоодо президенттик кызмат үчүн тогуз талапкер ат салышууда. НАТОго жана Евробиримдикке мүчө болгон бул өлкөнү он жыл бою Даля Грибаускайте башкарып келди. Эгерде талапкерлердин бири да добуштардын 50 пайызын албаса, 26-майда шайлоонун экинчи айлампасы өтөт. Коомдук сурамжылоонун жыйынтыктарына ылайык, шайлоочулар үч талапкерди көбүрөөк колдошууда. Алар: мурдагы финансы министри Ингрида Шимоните, премьер-министр Саулюс Сквернялис жана мурдагы экономист Гитанас Наусед. ... Читать дальше...

11-майда “Pearl Continental” мейманканасына кол салууда коопсуздук кызматкерлери бери дегенде үч согушкерди өлтүрдү. Бул кол салуу үчүн жоопкерчиликти өзүн “Белужистандын куткаруу армиясы” деп атаган согушкерлер алды. Пакистандын премьер-министри Имран Хан Гвадар шаарындагы мейманканага кол салууну сынга алды. “Өзгөчө Белужистанда мындай кол салуулар биздин экономикалык долбоорлорду үзгүлтүккө учуратуу аракети болуп саналат. Биз буга жол бербейбиз”, - деп айтты Имран Хан. Согушкерлер мейманканага кирип барганда эле күзөтчүнү өлтүрүшкөн. Читать дальше...

Таласта 31-январдан бери изделип жаткан кенчи Рамис Төтөновдун сөөгү 11-майда табылды. Облустук ички иштер башкармалыгынын басма сөз катчысы Динара Сарногоева билдиргендей, аны жергиликтүү тургун жайлоодо бадалдардын арасынан көрүп калган.  - Баштапкы кароо жүргүзүү учурунда ага зордук-зомбулук колдонулганы байкалган жок. Бир туугандары аны таанып, сөөктү алып кетишти, - деди ал.   Рамис Төтөновдун дайынсыз жоголгонуна байланыштуу, быйыл 14-мартта Бакай-Ата районундагы Биринчи Май айылынын элүүгө... Читать дальше...

Жалал-Абаддагы мунай базасында чыккан өрттө эки цистернадагы болжол менен 3 миң куб метр мунай күйүп кеткени айтылууда.

12-майда Кубанын ордо калаасында кумсалардын укуктарын коргогон жүзгө чукул адам уруксат берилбеген жүрүшкө чыгышкан. Полиция парадды токтотуп, үч активистти камакка алды. Демонстранттар өкмөттүн гомофобияга каршы парадды өткөрүүгө тыюу салганына нааразылыгын билдирип чыгышкан. Параддын катышуучулары Гаванадагы негизги бульварлардын бирине баратканда аларды көп сандагы полиция жана коопсуздук күчтөрү токтотушкан.

(Дүйнөлүк басма сөзгө баяндама. 6-13-май, 2019-жыл).

Мьянмада жүргүнчү ташыган учак авариялык абалда Мандалай шаарынын аэропортуна конду. «Embrear-190» үлгүсүндөгү учактын алдыңкы дөңгөлөгү иштебей калган. Бортто 82 жүргүнчү менен экипаждын жети мүчөсү бар болчу, эч ким жабыркаган жок.  Авариялык абалда конгон учак тартылган видео окуядан көп өтпөй эле, 12-майда Интернетке жүктөлдү.  Маалыматтарга караганда, Янгон шаарынан Мандалайга жөнөгөн учактын алдыңкы дөңгөлөгү иштебей калганын учкуч диспетчерге алдын-ала маалымдаган. Арткы дөңгөлөгү менен конгон учактын тумшугу жер чийип... Читать дальше...

1937-жылы Кыргыз эл акыны Аалы Токомбаев камакка алынып, эки жылга чукул түрмө азабын башынан кечирген.

Кыргызстанда каржы тармагында иштегендердин орточо айлык акысы 36,5 миң сомду түзүп, былтыркыга салыштырмалуу 5 пайызга жакын өстү. Бул тууралуу Улуттук статистика комитетинин 10-майдагы маалыматында айтылат.  Мамлекетте ушул тапта 25 коммерциялык банк иштейт. 2018-жылы алардын кирешеси 27 миллиард сомду, чыгымы 24 миллиард сомду түздү. Пайданын көлөмү бир жылда 38 пайызга өскөн. 25 банктын үчөө 0,5 пайыз зыянга учураган.  Банктардагы насыя портфели 2018-жылдын соңунда 127,9 миллиард сомго барабар болгон. Читать дальше...

Москвада 9-майда көз жумган журналист Сергей Доренкону акыркы сапарга узатуу зыйнаты 12-майда болбой калды. Полиция кошумча экспертизалар жүргүзүү зарыл экенин билдирип, маркумдун денесин көмүүгө уруксат бербегенин «Говорит Москва» радиосу кабарлады. Доренко аталган радиодо башкы редактор болчу. Коштошуу зыйнаты Москвадагы Троекуровск мүрзөсүндө болмок. Күн мурда өлүкканага милициядан билдирүү келип, кошумча соттук-медициналык экспертиза жүргүзүү зарыл экендиги эскертилген. «Говорит Москва» радиосунун маалыматына караганда... Читать дальше...

13-майда Ош, Жалал-Абад, Ысык-Көл, Нарын облустарынын көпчүлүк аймактарында, Чүй, Талас, Баткен облустарынын тоолуу райондорунда жамгыр жаап, күн күркүрөйт. Бийик тоолуу аймактарга кар түшөт. Батыштан соккон шамалдын ылдамдыгы секундасына 4-9, Чүй, Ысык-Көл, Нарын облустарынын кээ бир райондорунда 15-20 метрге жетет. Абанын температурасы: Чүй өрөөнүндө түнкүсүн 9...14, күндүз 22...27, Талас жергесинде түнкүсүн 8...13, күндүз 21...26, Баткен облусунда түнкүсүн 11...16, күндүз 27...32, Ош... Читать дальше...

Орусиянын Ростов облусундагы Чистоозерный айылындагы үйдө газ кууру жарылып, эки адам көз жумду. Бири - наристе. Дагы эки киши жабыркады.  «Свобода» радиосу 12-майда кабарлагандай, кырсык эки кабаттуу үйдүн батирлеринин биринде болду. Жети батир олуттуу, үчөө орточо зыян тартты. 16 тургун эвакуацияланды. Этиятсыздыктан өлүмгө себеп болгонуна байланыштуу кылмыш иши козголду.  Быйыл январда Ростов облусундагы Шахта шаарындагы тогуз кабаттуу үйдө да газ жарылып, беш адам өлгөн.  2018-жылдын 31-декабрында... Читать дальше...

Кытай окумуштуулары байыркы кыргыз тарыхына байланышкан дүйнөлүк илимпоздордун эмгектерин жыйнап, аларды доорлор боюнча иреттеп чыгарууга киришти.

Зыяндуу микробдорду күм-жам кылчу технология. Калкыма калаа - келечектин шаары. Дүйнө калкынын маанайы чөгүп баратат. Алтын Ордо дооруна таандык астынан жылытылчу кыш керебет табылды.

Өзбекстандын Хорезм облусунда коопсуздук органдарынын кызматкерлери акын жана журналист Махмуд Ражабдын үйүн тинтүүгө алышты. Гурлан районунда жашаган 55 жаштагы Махмуд Ражаб бул тууралуу «Азаттыктын» өзбек кызматына айтып, күч кызматкерлери 10-май күнү анын үйүн эки саат тинтип, ноутбугун, смартфонун, Мухаммед Салих жазган «Пайгамбарлар тарыхы», маркум Айдин Салихтин «Чыныгы медицина» деген китептерин алып кетишкенин айтты. Хорезм облустук ички иштер башкармалыгы комментарий бергген жок.  ... Читать дальше...

Талас шаарында 11-майда "Маданият сенден башталат" деп аталган балдардын искусство фестивалы өттү. Борбордук аянтка 19 боз үй, 30га чукул чатыр тигилип, адистер алардын ичинде кол өнөрчүлүк, шахмат, сүрөт тартуу өңдүү өнөрүн башкаларга үйрөтүштү.

Жеке диний ишениминин негизинде Сирияга кеткен Казакстандагы бир үй-бүлө жана ага кайгырган эненин ызасы. Соңку жылдары бул өлкөдөн согуш жүрүп жаткан аймакка кеткендер арбыган. Ушул жылдын 7-9-май күндөрү казак өкмөтү Сириядан 231 жаранын эвакуациялады.

Узаган аптанын урунттуу окуяларына сереп.

Чүйдүн Сокулук районунун Новопавловка айылындагы Чыңгыз Айтматов атындагы лицейге убактылуу директор болуп мугалим Элнура Музаева дайындалды. Жетекчини жамаатка билим берүү жана илим министри Гүлмира Кудайбердиева апта соңунда тааныштырды.  24-апрелде бул мектептин окуучуларынын бир катар ата-энелери мектеп фондуна чогултулган акчанын эсебин талап кылып Жогорку Кеңештин алдына пикетке чыгышкан. Министрдин маалыматына караганда, Айтматов атындагы лицей миң окуучуга ылайыкташкан. Бирок азыр анда 4500 бала билим алат. Читать дальше...

Йеменде өкмөткө каршы хусит козголоңчулары 11-майда Кызыл деңиз боюндагы үч порттон, арасында өлкөнүн азык-түлүк соодасында маанилүү роль ойногон Ходейда портунан чыгып кете баштады.  Портторду Бириккен Улуттар Уюмунун (БУУ) көзөмөлүнө өткөрүү - тынчтык планынын пункттарынын бири. Мындай келишимге былтыр жаатташкан тараптар Стокгольмдо кол коюшкан. Бирок аны ишке ашыруу көпкө созулуп, келишимдин аткарылбай жатышына тараптар бири бирин күнөөлөп келишкен. Стокгольм макулдашуусуна ылайык, эки тарап тең күчтөрүн тыйышы зарыл. Читать дальше...

Ооганстандын баш калаасы Кабулда ишемби күнү эртең менен тележурналист Мена Мангал киши колдуу болду. Ички иштер министрлигинин өкүлүнүн айтымында, ага базарга жакын жерде кол салышкан. Мотоцикл айдаган эки киши Мангалды атып кетишкенин күбөлөр «Эркин Европа/Азаттык» радиосунун ооган кызматына билдиришти. Алгач бирөө асманга ок атып, элди тараткан, артынан журналистти эки ирет аткан. Ал кезде Мангал жумушка барыш үчүн машине күтүп турган. Полиция кылмышкерлерди таба элек. Мена Мангал Ооганстандын... Читать дальше...