Новости за 22.05.2019

Баткен районунун Кара-Бак айылында кыргыз-тажик чек арасында ок атылды. Тажик чек арачылары асманга эки ирет ок атканын жергиликтүү тургундар «Азаттыкка» билдиришти. Ушул тапта чек арада 100дөй адам чогулуп турат.  Мамлекеттик чек ара кызматынын басма сөз катчысы Гүлмира Бөрүбаева бул маалыматты ырастады. Анын айтымында, бүгүн, 22-май күнү Кара-Бак айылынын Эски-Мазар аймагында тажик чек арачылары эскертүү иретинде асманга ок атышкан.  - Бүгүн, 22-майда аталган мазарга 21-майда жакынын көмгөн жарандар келип... Читать дальше...

17-майда Ысык-Көлдө быйылкы туристтик сезон расмий ачылды.

АКШнын президенти Дональд Трамп жана жубайы Мелани Британиядагы жана Франциядагы сапары маалында Ирландияга да барышат. Трамп Ирландиянын премьер-министри Лео Варадкардын чакыруусун кабыл алды. Трамп Ирландиянын Дунбег айылындагы гольф үчүн талаага ээлик кылат. Лео Варадкар менен Трамп Шеннон аба майданынын жанынан жолугушат. 3-5-июнь күндөрү Британиядагы мамлекеттик сапары маалында Трамп жана жубайы ханыша Елизаветанын коногу болушат. Ошондой эле Трамп Британиянын премьер-министри Тереза Мэй менен да жолугушат. Читать дальше...

АКШнын Мамлекеттик департаменти Идлиб провинциясында 19-майда хлор колдонуп коюлган чабуулдун артында Сириянын куралдуу күчтөрү турат деген маалыматты иликтей баштады. Мамдепартаменттин басма сөз катчысы Морган Ортагус «эгерде Башар Асаддын режими химиялык курал колдонсо, анда АКШ жана биздин өнөктөштөрүбүз ыкчам жана адекваттуу жооп кайтарат» деп билдирди. Мамдепартаменттин өкүлү «Дамасктын негизги өнөктөшү болгон Орусия башкаларды химиялык чабуулга күнөөкөр кылууга аракеттенип жатат» деп, Москваны... Читать дальше...

Ош шаарындагы Масалиев проспектинде курулуп жаткан көп кабаттуу үй мыйзамсыз курулуп жатканы белгилүү болду. Бул тууралуу мэриянын басма сөз катчысы Азамат Абсаттаров «Азаттыккка» билдирди. Анын айтымында, үйдү куруп жаткан «Евростиль» компаниясынын уруксаты болгон эмес, иш сотто каралган. - Бул курулуш компаниясы боюнча Мамэкотехинспекциянын Ош шаардык аймак аралык башкармалыгы сотко кайрылган, - деди мэриянын өкүлү. - Шаардык сот курулуштун мыйзамсыздыгын аныктап, аны токтотуу тууралуу чечим чыгарган. Читать дальше...

20-майда кызматына киришкен Украинанын президенти Владимир Зеленский Башкы штабдын жетекчиси кылып Куралдуу күчтөрдүн башкы командачысы Руслан Хомчакты дайындады. Тиешелүү буйрук Украина президентинин сайтында жарыяланды. 51 жаштагы Хомчак Москвадагы аскер окуу жайын бүтүргөн, Донбасстагы куралдуу чатакка катышкан, 2014-жылы өзүнүн аскердик бөлүгүн Иловайсктагы кагылышуулардан чыгарып кеткен. Хомчак армиянын генералы Виктор Муженконун ордуна келди. 21-майда Зеленский дагы бир катар кызматтык дайындоолор тууралуу буйрукка кол койду. Читать дальше...

Шамил Атахановдун камалышына жана Батукаевдин ишине байланыштуу Жогорку Кеңештин мурдагы депутаты Бактыбек Калмаматов ой бөлүштү.

23-майда Кыргызстанда туруксуз аба ырайы күтүлөт: көпчүлүк аймактарда жаан жаап, күн күркүрөйт, бийик тоолуу райондордо жаан карга айланат. Кээ бир тоолуу райондордо жана тоо этектеринде мөндүр жаайт. Чүй, Ош, Жалал-Абад, Баткен облустарынын тоо этектеринде жана тоолуу райондорунда, Ысык-Көл облусунун чыгышында нөшөрлөгөн жаан жаайт. Батыштан соккон шамалдын ылдамдыгы секундасына 4-9 метрден, Чүй, Ысык-Көл, Нарын облустарынын кээ бир райондорунда 15-20 метрге жетет. Абанын температурасы төмөндөйт. Читать дальше...

Бишкек ЖЭБин модернизациялоодогу коррупция боюнча жүрүп жаткан соттук териштирүүдө айыпталуучулардын адвокаты Нурбек Токтакунов соттон ишти кенен залда кароону суранды. Токтакунов залда айрым адвокаттардын иштеши үчүн шарт жок болуп жатканын, столу жок стулда гана отурушканын айтты. Адвокаттын өтүнүчүнө мамлекеттик айыптоочулар каршы чыгышты. Алар адвокаттар үчүн коюлган стол менен отургучтар жетиштүү экенин айтып, жылышып, кесиптешин батырып алууну сунуш кылышты.  Судья  Нурбек Токтакуновдун... Читать дальше...

Нарын районунун Миң-Булак айылындагы Он-Арча суусуна агып кеткен алты жаштагы кыз беш күндөн бери табыла элек. Издөө иштерине Өзгөчө кырдаал министрлигинин адистеринен тышкары айыл эли түп көтөрүлө чыгышты. Бул окуя шар аккан суунун жээгинде жайгашкан айылда коопсуздук маселеси чабал экенин эске салды.

Өкмөткө караштуу Айлана-чөйрөнү коргоо жана токой чарба агенттиги Ысык-Көлдө сууга мониторинг жүргүздү. Мекеменин маалыматына караганда, көлдүн ар кайсы жерлеринен суунун сапатын аныктоо боюнча химиялык анализдер алынды. Анын жыйынтыгында, суунун сапаты бардык эрежелерге жооп берет деп табылды.   Негизинен Бостери айылындагы «Алтын кум», «Кыргызское взморье», «Аврора» санаторийлеринен, Григорьевка, Түп, Барскоон, Тамга, Кажы-Сай, Тоң,  Кош-Көл, Тамчы жана башка айылдарда жалпы 20 жерден суунун үлгүлөрү текшерилди. Читать дальше...

Чүй облустук милициясына былтыр 24-декабрда Токмок шаарынын тургуну кайрылып, аймактык оорукананын төрөт бөлүмүнүн кызматкерлерине каршы арыз жазган. Бул иш боюнча Кылмыш-жаза кодексинин 152-беренеси («Медицина кызматкерлеринин өз милдетин аткарбай коюшу») боюнча иш козголуп, сотко чейинки иликтөө иштери башталган. Тиешелүү экспертизалар дайындалган. Чүй облустук милициясы «Азаттыкка» кабарлагандай, азырынча экспертизалардын корутундусу даяр боло элек. Бирок милиция дарыгерлерге карата кандай чара көрүлгөнүн маалымдаган жок. Читать дальше...

Бир нече укук коргоо уюмдары жана ондогон жарандык активисттер Улуттук коопсуздук мамлекеттик комитетин (УКМК) реформалоо боюнча кол топтошууда.

Бишкектин Свердлов райондук сотунда жүрүп жаткан жараянга соттолуучулардын туугандары киргизилген жок. Эшик тоскон милиция кызматкерлери отурумга тизме менен гана киргизип жатышты.  Соттук териштирүү учурунда айыпталуучулардын бири, «Улуттук энергохолдинг» ишканасынын мурдагы жетекчиси Айбек Калиев айрым документтер жок экенин билдирди. Анын айтымында, Бишкек Жылуулук электр борборун модернизация кылган ТВЕА ишканасы менен түзүлгөн келишим, 2018-жылкы электр станцияларынын үч тараптуу келишимдери... Читать дальше...

Ош облусунда кыргыз-өзбек чек арасындагы «Достук» бекетинен бүгүн, 22-майдан тартып оор жүк ташуучу автоунаалар өткөрүлө баштады. Бул тууралуу жеринен «Азаттыктын» кабарчысы билдирди. Анын айтымында, документтери туура жана так айдоочулар чек арадан өтүп жатышат. Аталган бекетте он күндөн бери цемент ташыган 100дөн ашуун оор жүк ташуучу машине Өзбекстанга өтпөй, топтолуп калган. Ташкент мунун себебин түшүндүргөн эмес. Айдоочулар  чектөө тууралуу маалымат ала албай жатышканын айтышкан. Мамлекеттик... Читать дальше...

Бишкек -Торугарт жолунда 9-майда төрт адамдын өмүрүн алган жол кырсыгына себепкер тарап аныкталбай жатат. Укук коргоо органдары кырсыкта эки машиненин тең айдоочулары каза болгонун ыкчам кабарлаган. Бирок жакындары каза тапкан Кемин районун тургундары бул маалыматты четке кагып, экинчи автоунаанын айдоочусу тирүү экенин жана айыпты өлгөн адамга жүктөп, жазасыз калуу аракетин көрүп жатканын билдирүудө.

Бул тууралуу Билим берүү министрлигинин өкүлү Кудайберди Кожобеков парламентте сүйлөп жатып билдирди. Анын айтымында, өз учурунда 9-класстан кийин окуусун уланта албай калган бардык адамдар кесиптик билим алышат. Ал үчүн колунда 9-классты бүтүргөнү тууралуу документи болууга тийиш. Кожобековдун маалыматы боюнча, учурда ашпозчулук, ширетүүчүлүк жана тигүүчүлүк кесипке окугандар көбөйгөн. - Учурда бул кесиптерге талап көп болуп жаткандыктан, окууга кызыккандар да көбөйдү, - деди ал. - Эки жыл мурда... Читать дальше...

Кыргызстан менен Казакстандын ортосунда соода жүгүртүүнү 2 миллиард долларга жеткирүү максаты коюлуп жатканы кабарланды.

«КТ Мобайл» боюнча депутаттык комиссия ишин баштады. Бул тууралуу 22-майдагы парламент жыйынында депутат Мирлан Бакиров маалымдады. Депутат «комиссиянын корутундусун күтпөй эле ички иштер органдары «Мегакомдун» жетекчиси Акылбек Жамангуловдун ишин текшерүүгө киришкени туура эмес» деген оюн билдирди.  Дагы бир депутат Жанарбек Акаев «коррупциялык схеманы ачыкка чыгарганы үчүн Жамангулов куугунтукка кабылбашы керек» деди. Жогорку Кеңеште «Альфа-Телеком» мамлекеттик компаниясынын эсебинен «КТ Мобайл» компаниясына 345 млн. Читать дальше...

Британиянын премьер-министри Тереза Мэй Брекзит боюнча экинчи референдум өткөрүү маселесин палатага добуш берүүгө алып чыгууга макул экенин жарыялады. Анын шейшемби күнү билдиргенине караганда, кабинети Европа Биримдигинен чыгуу боюнча жаңы макулдашууну алып чыгып, белгилүү бир компромисске барууга даяр. Референдум жөнүндө жобого ылайык Европа Биримдиги менен макулдашууга парламенттин долбоору кошулат. Премьер-министр биримдиктен чыгууга каршы болгондорду бир убакта референдум жана макулдашууда... Читать дальше...

Сербиянын мыйзам чыгаруучулары 21-майда Кылмыш-жаза кодексине өзгөртүү киргизип, оор кылмыш үчүн өмүр бою эркинен ажыратууну колдоду. 2014-жылы зордукталып өлтүрүлгөн өспүрүм кыздын атасы кол топтой баштаган. Ага 160 миңдей киши кол койгон. Бул өзгөртүүлөр ошонун жыйынтыгы экени белгиленет. Жаңы өзгөртүүлөргө ылайык, терроризм, аскердик кылмыш, балдарды, майып жана улгайган, кош бойлуу аялдарды зордуктоо үчүн айыпталгандар өмүрүнүн аягына чейин соттолот. Мыйзамга өзгөртүү киргизүүнү президент... Читать дальше...

«Инстаграм» социалдык түйүнүнүн 49 миллион колдонуучусунун жеке маалыматтары Интернеттеги ачык базада сакталып келген. Бул тууралуу «TechCrunch» басылмасы кабарлады. Басылманын макаласында белгиленгендей, аталган маалыматтык базада катталуучулары көп, туруктуу негизде жарнамалар жарыяланып турган аккаунттар болгон. Алардын арасында белгилүү адамдардын, популярдуу блогерлердин жана бренддердин баракчалары бар экени кабарланууда. Маалыматка караганда, «Инстаграмда» жарнама сатуу менен алектенген... Читать дальше...

Москвада Солнцевская метросунда үч поезд жүргүнчүсү менен тоннелде токтоп калды. Миңге чукул адам дээрлик эки, айрымдары үч сааттай жер астында калды. Поезддин токтоп калганына рельстеги техникалык мүчүлүштүк себеп болгон. Бардык жүргүнчүлөр тоннелден станцияга чыгарылды. Солнцевская метросунун линиясы жарым-жартылай токтоду. Эч ким медициналык жардам сурап кайрылбаганы Москва метросунун «Твиттердеги» баракчасына жазылды.

Украинада кезексиз парламенттик шайлоо 21-июлга белгиленди. Бул тууралуу өлкө президенти Владимир Зеленский кол койгон парламентти таркатуу тууралуу жарлыкта жазылган. Документ мамлекет башчынын расмий сайтына жарыяланды. Дүйшөмбү күнү президент катары ант берген Зеленский парламентти тарата турганын айтып, өкмөттү кызматтан кетүүгө чакырган. Кийинчерээк ал бул чечимин депутаттарга элдин ишеними төмөн экендиги менен түшүндүргөн. 21-майда Зеленский Жогорку Раданы таркатуу боюнча планын парламенттин... Читать дальше...

Жогорку Кеңештин депутаты Дастан Бекешев тармактык комитеттин жыйынында аткезчилик менен ташылып жаткан күйүүчү май маселесин көтөрдү. Эл өкүлү Токмок шаарынын көчөлөрүндө, анын айланасындагы айылдарда контрабанда менен келген күйүүчү май ачык эле сатылып жатканына карабастан, ага каршы эч ким чара көрбөгөнүн айтты: - Биз бул маселени көптөн бери көтөрүп келебиз, тилекке каршы, ушул кезге чейин тийиштүү чара көрүлгөн жок. Депутаттык комиссия түзүп текшермейинче, бул маселенин чечилиши кыйын.... Читать дальше...