Новости за 11.04.2023

Жаңы-Өзөн шаарынан Астанага келген мунайчылар "КазМунайГаз" компаниясынын өкүлдөрү менен кездешип, бирок мунасага келе алган жок. Бул тууралуу нааразылык акциясынын катышуучулары "Азаттыктын" казак кызматынын кабарчысына айтып беришти. 10-апрелде "Берали Мангистау Company" компаниясынын мурдагы 82 кызматкери башкалаага келип, Энергетика министрлигинин алдына чогулган. Алар аткаминерлерге жана "КазМунайГаз" компаниясынын өкүлдөрүнө суроолору бар экенин айткан. Бирок ал күнү эч ким жолуккан жок. Мунайчылар сыртта түнөп калган. Читать дальше...

Башкы прокурор Курманкул Зулушев былтыр, 2022-жылы 980 үй-бүлөлүк зомбулук катталганын билдирди. Бул тууралуу ал бүгүн, 11-апрелде Жогорку Кеңеште жасаган баяндамасында айтты. "Жашы жете элек балдар, аялдар, майыптыгы бар адамдардын укугун коргоого багытталган иш-чаралардын алкагында жалпы 980 текшерүү жүрүп, 8225 аял жабыркаганы аныкталды. Зомбулукка кабылгандардын 290у эркек, анын 210у өспүрүмдөр, 88и жашы жете элек балдар, 122и эркектер. Үй-бүлөлүк зомбулуктан сактоо жана коргоо мыйзамына ылайык,  8725 коргоо ордери берилген. Читать дальше...

2022-жылы Кыргызстандын куралдуу күчтөрүндө өз өмүрүн кыйган төрт окуя катталганын 11-апрелде Жогорку Кеңеште жасаган жылдык баяндамасында башкы прокурор Курманкул Зулушев кабарлады. "2022-жылы Кыргыз Республикасынын Куралдуу күчтөрүндө жалпысынан өз өмүрүн кыйган төрт окуя катталса, Аскер прокуратурасы тарабынан тийиштүү текшерүү жүргүзүлүп, үч окуя боюнча кылмыш ишин козгоодон баш тартылган. Бир окуя жана бир аскер кызматкерин өзүн-өзү өлтүрүүгө жеткирүү, шалаакылык боюнча иш соттук кароого жиберилген. Читать дальше...

Ала-Букадагы Көк-Таш айылынын бир тургунун 10-апрелде Өзбекстандын чек арачылары алып кирип кетти. Бул тууралуу бүгүн президенттин Жалал-Абад облусундагы өкүлү Абсаттар Сыргабаев эл менен жолугуп жатканда Көк-Таш айылдык кеңешинин депутаты Хафиза Байназарова айтып чыкты. "Көк-Таштык Мунарбекти кечээ мал жайып жүргөн учурда өзбек чек арачылары алып кетиптир. Кыргыз чек арачылардын аралашуусу менен Өзбекстанда кармалып турган жаранды бүгүн түштөн кийин алып келишери айтылып жатат. Айылдыктар быйыл чек ара такталып калды... Читать дальше...

Ош шаардык прокуратурасы 600 гектар жердин менчикке чыгарылышына байланыштуу жеке ишкер Кубанычбек Нурановду өткөн айдын аягында камакка алганы белгилүү болду. Бул туралуу Ош шаарынын прокурорунун орун басары Абдурашит Кубатидинов  11-апрелде “Азаттыка” билдирди. Анын маалыматына караганда, шаардык прокуратура ага Кылмыш-жаза кодексинин 379- беренеси ("Документтерди жасалмалоо") жана 209-беренеси ("Алдамчылык") менен күнөө коюп, 29- мартта айыбы угузулган. Ал жеке ишкер бир гана эпизод менен кармалганын... Читать дальше...

11-апрелге караган түнү Камчаткада Шивелуч деген жанар тоо атылды. Маалыматтарга караганда, күл айланадагы айылдарды басып калды. Орусиянын Вулканология жана сейсмология институтунун директору Алексей Озеровдун айтымында, лава өзгөчө күч менен атылды. Байкоо иштерине циклон, кар жана бороон тоскоолдук кылууда. Күл 15-20 метр бийиктикке чейин жеткени кабарланды. Жанар тоого авиациялык өтө кооптуу деген "кызыл" код берилди. Шивелуч – Камчатканын эң түндүгүндө, Петропавловск-Камчатск шаарынан 440 километр алыс жерде орун алган. Читать дальше...

Жеңил өнөр-жай тармагындагы айрым жүк ташуучу компаниялардын өкүлдөрү президент Садыр Жапаров менен Улуттук коопсуздук боюнча мамлекеттик комитеттин төрагасы Камчыбек Ташиевге жүк ташуу жана бажы төлөмдөр тармагында адилеттикти талап кылып кайрылышты. Алар 10-апрелде Мамлекеттик бажы кызматынын алдына акцияга чыккан. Бул тууралуу "Азаттыкка" текстиль-өнөр жай тармагында жүк ташыган компаниялардын жактоочусу, адвокат Шердор Абдыкапаров кабарлады. "Бир эле компанияны лобби кылып, жүк ташып келген... Читать дальше...

Бүгүн, 11-апрелде Баткен облусунун Кадамжай шаарында Өзбекстандын Фергана облусунун бийлик өкүлдөрү, ишкерлери менен Кыргызстандын Баткен облусунун бийлик өкүлдөрү, ишкерлери жолугушууда. Өзбекстандык делегацияны Фергана облусунун башчысынын инвестиция, өнөр жай жана соода боюнча орун басары Икболжон Эргашев жетектеп келди. Жолугушууга Фергана облусунан 76, Баткен облусунан 100 ишкер катышууда. Иш-чаранын башында ишкерлердин эки тараптуу кызматташтыгын кеңейтүү боюнча мүмкүнчүлүктөр камтылган маалыматтар берилди. Читать дальше...

Орусиянын Россельхознадзор мекемеси кыргызстандык “Тойбосс” компаниясынын колбасасынан чочконун ДНКсы табылганын билдирип, Кыргызстандын ветеринардык көзөмөл кызматтарынын ишин чабал деп баалады. Адал азыктарды чыгарганын билдирген “Тойбосс” компаниясы дооматты четке кагууда. Россельхознадзор буга чейин кыргыз балыктарынан зыяндуу заттар табылганын кабарлаган. Айрым талдоочулар орусиялык мекемелердин удаалаш билдирүүлөрүн атайын жасалган экономикалык тоскоолдук деп мүнөздөп жатат. Россельхознадзор... Читать дальше...

Орусиянын Мамлекеттик Думасы аскердик комиссариатка электрондук чакырууну мыйзамдаштырган долбоорду караганы турат. Бул тууралуу думанын Коргоо комитетинин башчысы Андрей Картаполов маалымдаганын "Радио Свобода" жазды. Комитет кагаз түрүндөгү чакырууну калтырып, аны алуудан баш тартакандарга электрондук версиясын жөнөтүүнү сунуш кылды. Картаполовдун айтымында, бардыгы бирдей юридикалык күчкө ээ болмокчу. Сунушка ылайык, комиссариатка барбай койгон жаран андан кийинки чакыруу маалында эки жуманын ичинде өз ыктыяры менен келүүгө тийиш. Читать дальше...

№26 Ленин бир мандаттуу шайлоо аймагынан дагы бир талапкер катталды. Борбордук шайлоо комиссиясынын (БШК) маалыматына караганда, 13-талапкер Ажыбек Касмалиев Жогорку Кеңеш депутатын мөөнөтүнөн мурда кайра шайлоого катышуу ниетин билдирип, кайрылды. Буга чейин аталган шайлоо аймагынан 12 талапкер ат салышууга арыз берген. Алардын арасында жалгыз аял талапкер бар. Арыз бергендердин баары өзүн-өзү көрсөткөндөр. Округ боюнча депутаттыкка талапкерлерди көрсөтүү 27-апрелде аяктайт, кайра шайлоо быйыл 28-майда өтөт. Читать дальше...

Чүй облусунун Москва райондук прокуратурасы жүргүзгөн иликтөөнүн натыйжасында 28 гектардан ашуун аянтты ээлеген ипподромдун жери мамлекетке кайтарылды. Бул тууралуу Башкы прокуратуранын басма сөз кызматы 11-апрелде маалымдады. Аталган райондун прокуратурасы Биринчи май айыл өкмөтүнүн жер колдонууга байланыштуу ишмердигин текшерүү учурунда ипподромдун жери менчик тарапка мыйзамсыз берилип кеткенин ачыктаган. "Текшерүү учурунда кыргыз өкмөтүнүн "2001-2003-жылдардагы менчиктештирүү долбоорун ишке... Читать дальше...

Футбол уюмунун президенти Медер Сыдыков Кыргызстандын футбол боюнча улуттук курамасынын Азия Кубогуна даярдыгы, башкы машыктыруучу Александр Крестининдин кызматтан кетиши, кыргыз футболу тууралуу “Азаттыкка” маек курду. Президент маегинде “Ак шумкарларга” жаңы машыктыруучу чет өлкөдөн каралып жатканына токтолду.

Орусиянын Россельхознадзор мекемеси кыргызстандык “Тойбосс” компаниясынын колбасасынан чочконун ДНКсы табылганын билдирип, Кыргызстандын ветеринардык көзөмөл жүргүзгөн кызматтарынын ишин чабал деп баалады. Адал азыктарды чыгарганын билдирген “Тойбос” компаниясы дооматты четке кагууда. Адал азыктарды чыгарганын билдирген “Тойбос” компаниясы дооматты четке кагууда. Россельхознадзор буга чейин кыргыз балыктарынан зыяндуу заттар табылганын кабарлаган. Айрым талдоочулар орус мекемесинин удаалаш билдирүүлөрүн... Читать дальше...

Орусиянын Россельхознадзор мекемеси кыргызстандык “Тойбосс” компаниясынын колбасасынан чочконун ДНКсы табылганын билдирип, Кыргызстандын ветеринардык көзөмөл жүргүзгөн кызматтарынын ишин чабал деп баалады. Адал азыктарды чыгарганын билдирген “Тойбос” компаниясы дооматты четке кагууда. Адал азыктарды чыгарганын билдирген “Тойбос” компаниясы дооматты четке кагууда. Россельхознадзор буга чейин кыргыз балыктарынан зыяндуу заттар табылганын кабарлаган. Айрым талдоочулар орус мекемесинин удаалаш билдирүүлөрүн... Читать дальше...

Чаткалда чакан ГЭС куруу үчүн бош жер калбады. Бул маалыматты 10-апрелде эл менен жолуккан учурда Чаткал районунун акими Алтынбек Сенирбаев билдирди. Анын сөзүнө караганда, быйыл Чаткалды аралап өткөн сай боюна ондогон чакан ГЭТтер курулат деп айтылганы менен суу боюндагы жерлердин баары алтын казган тараптарга берилип кеткендиктен, чакан ГЭСтерди курууга жер жок. Алтынбек Сенирбаев райондун инфраструктурасын жана чакан ГЭСтерди куруу үчүн райондун мүмкүнчүлүктөрү кеңири экенин айтып, бирок... Читать дальше...

Бишкекте кылмыш иликтөө кызматкерлери компьютердик-клуб катары иштеген түр көрсөтүп, бирок вебкам-студия ачкандарды аныктады. Бул тууралуу Ички иштер министрлигинин басма сөз кызматы 11-апрелде маалымдады. "6-апрелде Бишкекте жашыруун иштеген вебкам-студия аныкталды. Документтер боюнча даректеги эки кабаттуу үйдө жубайлар катталган. Алар үйүн айына 700 долларга ижарага берип турган. Үйдүн биринчи кабатында сегиз, дагы бир бөлмөдө он, жертөлөсүнөн сегиз, жалпы отузга чукул компьютер табылды. Бул... Читать дальше...

2023-жылдын январь-февраль айларында Кыргызстандын тышкы соодасынын көлөмү 1,7 млрд. долларга жетти. Бул тууралуу Улуттук статистика комитетинин төрагасынын орун басары Зайнидин Жумалиев 11-апрелде өткөн брифингде билдирди. Анын берген маалыматында, бул былтыркы ушул айлардагы көрсөткүчтөн 22,7% көп. Мунун ичинде экспорт көлөмү 2,2%, ал эми импорт көлөмү 27,2% көбөйдү. "ЕАЭБ өлкөлөрү менен соода көлөмү быйыл январь, февраль айларында 545,3 млн. долларды түзүп, былтыркы ушул айлардагы көрсөткүчтөн 11% аз болду. Читать дальше...

Быйылкы жылы февралда сыртта жүргөн мигранттар Кыргызстанга 151,4 млн. доллар которушту. Бул январдагы көрсөткүчкө караганда 4,7 млн. долларга көп. Улуттук банктын маалымдашынча, бирок быйыл февралда сырттан которулган акча бир жыл мурдагыга караганда 36,2 млн. долларга аз. Сырттан которулган акчанын басымдуу бөлүгү Орусиядагы мигранттарга туура келет. Ага ылайык, февраль ичи Орусиядагы мигранттар Кыргызстанга 137,3 млн. доллар которду. АКШдан 2,8 млн. доллар, калганы башка өлкөлөрдөн которулган. Читать дальше...

Ирактын түрмөсүндө отурган кыргызстандык ондогон аял “Азаттыкка” кайрылып, мекенге кетүү үчүн жардам сурап, кыргыз бийлигине үнүн жеткирүүнү өтүнүштү. Алар 2017-жылдан бери абакта жатканын айтышты. Алды 65 жашка таяп калса, арты араң 20га толгон. Айрымдары 10-20 жылга, кээ бири өмүрүнүн акырына чейин кесилген же өлүм жазасына өкүм кылынып, кийин жазасы жеңилдетилген. “Террорчу болууну каалаган эмеспиз” "Мен Ирактын Багдад шаарындагы №6 “Русафа” түрмөсүнөн байланышып жатам. Алты жылдан бери эркиндик көзүнөн учуп... Читать дальше...

2019-2021-жылдар аралыгында Кыргызстандын тергөө абактарында жана түзөтүү мекемелеринде суицидден он адам, анын ичинде бир жашы жете элек өспүрүм набыт болгон. Бул тууралуу Кыйноолорго каршы улуттук борбор маалымдап, абактарда адам өлүмү көбөйүп жатканына кабатырлыгын билдирди. "Үч адамдын өлүмүнүн себеби "муунуп калгандан улам болгон" деп жазылганы менен, анын түздөн түз кантип асынганы тууралуу маалымат жок. Маркум өзү муундубу же кандайдыр бир зомбулуктун натыйжасы - киши өлтүрүү себеп болгону так жазылган эмес. Читать дальше...

АКШ президенти Жо Байден экинчи ирет мамлекет башчылыкка ат салышууну көздөп турганын NBC телеканалына курган маегинде билдирди. АКШ президентин шайлоо 2024-жылы, ноябрь айында өтөт. Азырынча Ак үй бул тууралуу расмий билдире элек. Телеканалдын эфиринде Байден кийинки шайлоого катышарын айтып, бирок азырынча бул тууралуу расмий жарыялабай турганын билдирди. Байдендин Ак үйдөгү кеңешчилери ыктымал шайлоо өнөктүгүнө даярдык көрүшүүдө. Азырынча Демократтар партиясы келерки президенттик шайлоого башка бир саясатчыны көрсөтө элек. Читать дальше...