Новости за 08.10.2022

​Дастаи мунтахаби наврасони то 17-солаи футболи Афғонистон дар аввалин бозиаш дар мусобиқоти интихобии Ҷоми Осиё-2023 дар гурӯҳи «Н» тими Муғулистонро бо ҳисоби бузурги 5:0 шикаст дод.

Владимир Путин, раиси ҷумҳури Русия фармон додааст, ки мудирияти яке аз тарҳҳои азими истихроҷи газу нафт дар Шарқи дурро ба ихтиёри ҳукумат супоранд, ки ин фармон ширкатҳои бузурги хориҷӣ аз Амрикову Ҷопон ва Ҳиндро аз миллиардҳо доллар сармояи гузоштаашон маҳрум мекунад.

Вазорати умури хориҷии Қирғизистон бо даъвати сафири Тоҷикистон дар Бишкек ба ӯ гуфтааст, эътирози Душанбе ба як баёнияи сухангӯи вазорати мазкур дар бораи Эмомалӣ Раҳмон «беҷост».

Тазоҳуроти пароканда дар Эрон ва саркӯби эътирозгарон рӯзи 8-уми октябр ҳам идома кард, бо вуҷуди онки мақомот гуфтаанд, мардуми норозиро ҷазои сахт хоҳанд дод.

Таркиш ва оташсӯзии азиме ҳаракати нақлиётро дар як пули муҳиме қатъ кард, ки Русияро бо нимҷазираи ишғолшудаи Қрим мепайвандад ва як роҳи таъминотии нерӯҳои Русия ба ҳисоб меравад.

Додситонии кулли Тоҷикистон эълон кард, ки баъди тазоҳуроти маргбор ва нооромиҳо дар Бадахшон дар тобистони имсол 77 нафар “ҷазои сазовор” гирифтанд ва айни замон парвандаҳои даҳҳо нафари дигар дар додгоҳ қарор дорад.

Додситонии вилояти Хатлон ба таҳқиқи марги як сарбозе дар ноҳияи Хуросон оғоз кардааст, ки ба гуфтаи фармондеҳонаш худкушӣ кардааст. Иддаое, ки модари Тоҳир Муъминов, сарбози Бригадаи ҳавобурд ва зарбазан бовар надорад.

Баъди фармони сафарбарӣ ба артиши Русия ба ҳисобҳои мухталиф, то як миллион нафар дар кишварҳое мисли Тоҷикистон паноҳ бурдаанд. Аз ҷумла кӯчаи Душанбе ҳоло макони сайругашти русҳо шудааст. Ҳамкорони мо шаҳрвандони Русияро дар бораи тоҷикону Тоҷикистон пурсиданд.

Ҳазорҳо шаҳрванди Русия, ки баъди эълони сафарбаркунии нерӯҳои эҳтиётӣ ба артиш ба Тоҷикистон гурехтаанд, дар бораи ин кишвар ва мардумаш назари дигаре дар зеҳнашон пайдо шудааст.