Новости за 03.03.2022

(Казан, 3 март, «Татар-информ»). Түбән Кама спортчылары Анна Ватропина һәм Семен Манаков җиңел атлетика буенча Россия чемпионатында ике бронза медаль яулады. «Нефтехимик» спорт клубының югары спорт осталыгы үзәге вәкилләре квалификациядә, ярымфиналларда 60 метрга йөгереп, финалга чыкты. Бу хакта Түбән Кама муниципаль районы рәсми сайты нда хәбәр ителә. Анна Ватропина бу сезонда үз нәтиҗәсен яхшыртты — 8,26 секунд. Семен Манаков 7,74 секундта килеп, чираттагы шәхси рекордын куйды. Бу — 20 яшьлек спортчының «Өлкәннәр» чемпионатында икенче бүләге.

(Казан, 3 март, «Татар-информ», Арсений Кәримов). Яшьләр эшләре буенча федераль агентлыктан грант конкурсына гаризалар кабул итү кампаниясе башланды. 14 яшьтән алып 35 яшькә кадәрге Татарстанда яшәүче яшьләрнең үз проектларын тормышка ашыру өчен 1,5 миллион сумга кадәр акча алу мөмкинлеге бар, дип хәбәр итте ТР Яшьләр эшләре, спорт һәм туризм министрлыгы матбугат хезмәте. «Без Росмолодежь трегының флагман конкурсын башлап җибәрдек. Физик затлар өчен грантлар. Бер генә федераль ведомство да социаль... Читать дальше...

(Казан, 3 март, «Татар-информ»). Донбассны саклау буенча махсус хәрби операция вакытында һәлак булган хәрбиләрнең гаиләләренә 7 млн сумнан күбрәк акча түләячәкләр. Бу хакта Куркынычсызлык советының даими әгъзалары белән үткәрелгән оператив киңәшмәдә Россия Президенты Владимир Путин сөйләде.  «Украинада махсус хәрби операция барышында һәлак булган хәрби хезмәткәрләрнең гаилә әгъзаларына закон буенча каралган бер тапкыр бирелә торган пособие — 7 млн 421 мең сум күчереләчәк», — дип белдерде Дәүләт Башлыгы. Читать дальше...

(Казан, 3 март, «Татар-информ»). РФ Президенты Владимир Путин Дагыстан вәкиле Нурмагомед Гаджимагомедовка Россия Герое исемен бирү турындагы указга кул куйган. Бу хакта ул Иминлек советының оператив киңәшмәсендә сөйләде. «Ул үз кулы астындагы хәрбиләр белән ышанычлы рәвештә командалык итте, чын командир буларак, аларны саклады. Авыр яраланып, ахыргача сугышты һәм аны камап алган боевикларны да, үзен дә граната белән шартлатты», — диде дәүләт башлыгы.

(Казан, 3 март, «Татар-информ»). Россия Оборона министрлыгы һәм Украина гражданнарны чыгару өчен гуманитар коридорлар форматы турында килеште, дип белдерде Россия Президенты ярдәмчесе Владимир Мединский. Бу хакта РИА Новости яза. Бүген сөйләшүләрнең икенче раунды булды. Өченче очрашу көтелә.

(Казан, 3 март, «Татар-информ», Александр Хавронин).  Казанда АИ-92, АИ-95 һәм АИ-98 маркалы бензинга, дизель ягулыгына бәяләр тотрыклыланды. Татарстанстат 18-25 февраль көннәре өчен бәяләр хакындагы мәгълүматларны чыгарды. Бер литр АИ-95 маркалы бензинның һәм дизель ягулыгының уртача бәяләре — 49,9 һәм 52,1 сум дәрәҗәсендә калды, ә АИ-92 һәм АИ-98 маркалы бензинның бер литры өчен уртача бәя — 46,2 һәм 58,6 сум булган. Бер атна элек «Татар-информ» автомобиль ягулыгына уртача бәяләрнең шулай ук бер дәрәҗәдә калуын хәбәр иткән иде.

(Казан, 3 март, «Татар-информ»). Иртәгә Татарстан территориясендә бераз явым-төшем һәм уртача җил көтелә. Шимбә көнне һава торышы сизелерлек бозыла: буран, көчле җил һәм кар көртләре көтелә, дип хәбәр итә ТР Гидрометеорология үзәге. 5 нче мартта кар, җепшек кар һәм буран көтелә. Җил тизлеге секундына 15-20 метр булырга мөмкин. Төнлә термометр баганалары 3-5 градус салкын күрсәтер, көндез -4тән +1гә кадәр булыр дип фаразлана. Урыны белән кар көртләре, көчле бозлавык булачак. Якшәмбе көнне төнлә һәм иртән кар, буран һәм көчле җил сакланачак. Читать дальше...

(Казан, 3 март, «Татар-информ»). Мәскәүнең татар мәдәнияте үзәгендәге очрашуда татар теле курслары укытучысы Альбина Вәлиева тел курслары турында сөйләде. Шулай ук ул Мәскәү татарларының татар телен саклау һәм популярлаштыру буенча автономия проектлары белән таныштырды, дип хәбәр итә Мәскәү шәһәренең Татар милли-мәдәни мохтарияте сайты. Хәбәрдә язылганча, очрашуда катнашучылар өчен кызыклы программа әзерләгән. Кунаклар «Өчпочмак-квиз» викторинасында һәм «Кахут» өстәл уенында татар тарихы һәм мәдәнияте буенча белемнәрен тикшерде. Читать дальше...

(Казан, 3 март, «Татар-информ»). 2022 елның февралендә Новосибирск өлкәсенең Татар мәдәнияте йортында Юныс Әхмәтҗановка багышланган «Тук тамак» татар ашлары бәйгесе узды. Бөтендөнья татар конгрессы хәбәр итүенчә, конкурста татар ашлары тәкъдим ителгән. Бәйрәмдә тамашачылар, балалар сәнгать студиясе һәм «Дуслар» яшьләр ансамбле викторинада катнашкан. Бәйрәм чарасы чәй өстәле артында тәмамланган. Бу бәйрәм татарларны гына түгел, ә татар мәдәнияте белән танышырга теләгән башка милләт вәкилләре өчен дә кызыклы булган, диелә хәбәрдә.

(Казан, 3 март, «Татар-информ»). Җомга көнне Татарстанда кар, томан һәм бозлавык көтелә. ТР Гидрометеорология үзәге матбугат хезмәте хәбәр итүенчә, көн болытлы, аязучан булачак. Уртача җил көтелә. Төнлә һава температурасы минус 4-9 градус, көндез -3 тән +1 градуска кадәр күтәреләчәк.

(Казан, 3 март, «Татар-информ»). Бүген Халыкара Язучылар көнендә Казан кооператив институтының Татар мәдәнияте үзәгендә «Туфан Миңнуллин феномены» дигән бәйгегә нәтиҗә ясалды. Беренче урынны — Әлки районы Карга авылыннан татар теле һәм әдәбияты укытучысы Айгөл Сергеева, Казанның 402 балалар бакчасы тәрбиячесе Райхана Юсупова алды. Икенче урын — Әлки районы үзәк китапханәсенең Туган якны өйрәнү һәм милли әдәбият бүлеге җитәкчесе Алсу Низамова, Казанның 208 балалар бакчасыннан Лилия Сәгъдиевага бирелде. Читать дальше...

(Казан, 3 март, «Татар-информ», Гөлүзә Ибраһимова). Татарстан Республикасы Дәүләт Советы Рәисе урынбасары, Татарстан Президенты карамагындагы телне саклау һәм үстерү комиссиясе рәисе Марат Әхмәтов Кукмара блогеры Василий Ивановны карап баруын әйтте. «Татар блогерларының барысын да һәм татар телендәге барлык мәгълүматны карап барам дип әйтсәм, мин ялганчы булам. Бу мәсьәләгә игътибарлырак булырга кирәк, сүз дә юк. Телебез буенча комиссияне дә җитәкләгәч, мин ул мәсьәләдән читтә йөрергә тиеш түгел. Читать дальше...

(Казан, 3 март, «Татар-информ», Елена Сәлахова). Татарстан Югары суды Madame Pavlova кафесын штрафка тартмаган. Аның хуҗасы Раилә Шәйхиева район суды карарына шикаять биргән булган. Бу хакта «Татар-информ» агентлыгына судның матбугат хезмәтендә сөйләделәр. Аңлатуларынча, мондый карар Татарстанда QR-кодларны гамәлдән чыгару сәбәпле кабул ителгән. «Татарстан Югары суды район суды карары гамәлдән чыгарылды. Шәйхиева эше буенча гамәлләр туктатылды. Мондый карарны кабул итү өчен кафе хуҗасының гаебе булмау түгел... Читать дальше...

(Казан, 3 март, «Татар-информ»). Белоруссиядә Россия һәм Украина сөйләшүләренең икенче раунды башланды.Бу хакта ТАСС хәбәр итә. Исегезгә төшерәбез, беренче сөйләшү 28 февральдә Белоруссиянең Гомель өлкәсендә узды.  24 февраль иртәсендә Россия Президенты Владимир Путин ил гражданнарына мөрәҗәгать белән чыгыш ясады. Ул Донецк һәм Луганск халык республикалары башлыклары Киев агрессиясенә каршы ярдәм сорап мөрәҗәгать итте, дип белдерде. Дәүләт башлыгы махсус хәрби операция башлануын хәбәр итте.

(Казан, 3 март, «Татар-информ»). Украинаның алга таба ничек яшисен аның гражданнары хәл итәргә тиеш. Бу хакта РФ Тышкы эшләр министры Сергей Лавров Россия һәм чит ил массакүләм мәгълүмат чараларына актуаль халыкара көн тәртибе буенча биргән интервьюсында әйтте. «Украинага ничек яшәргә һәм бу ил белән җитәкчелек итү өчен кемне сайларга дигән мәсьәләне украин халкы үзе хәл итәргә тиеш, — дип ассызыклады ведомство башлыгы. — Дөресрәге, күп милләтле Украинада яшәүче барлык халыклар». Сергей Лавров... Читать дальше...

(Казан, 3 март, «Татар-информ»). РФ Президенты матбугат секретаре Дмитрий Песков Россиянең кайбер субъектларында хәрби хәл кертелү ихтималы һәм хәрби хезмәткә чакырылу яшендәге ир-атларга торган урыныннан китүне тыю турындагы хәбәрләрне имеш-мимешләр дип атады. ТАСС язуынча, «Бу ялган хәбәрләр социаль челтәрләрдә таратыла, аларны гражданнар бер-берсенә җибәрә. Барлык мәгълүматка бик сак карарга һәм гадәти имеш-мимешләр һәм алдаулар корбаны булмаска кирәк», — дип билгеләде Кремльнең рәсми вәкиле.... Читать дальше...

(Казан, 3 март, «Татар-информ», Гөлнар Гарифуллина). Табиблар глаукома яшьләрдә дә булу мөмкинлеге турында искәртә. Республика офтальмология клиник хастаханәсе офтальмохирургы Сергей Усманов «Татар-информ» агентлыгында матбугат конференциясендә моңа мисаллар китерде. «Мин әле яшь, глаукома миндә булмаячак дип әйтеп булмый. 45 яшьләрдәге ханым күз тышчасы ялкынсыну, кератит диагнозы белән килгән иде. Дәваладык, авыруы узды, ләкин күзнең анатомик төзелешенә игътибар иттем, чөнки ул да глаукомага китерә ала», — диде табиб. Читать дальше...

(Казан, 3 март, «Татар-информ»). 5 мартта Самара шәһәре татарлары «Чайка» чаңгы базасында Сәламәтлек көне оештыра. Ул «Боз озату» бәйрәме дип атала. « Самар татарлары » сайты хәбәр иткәнчә, бәйрәмне шәһәрнең аерым фәннәр тирәнтен өйрәтелә торган «Яктылык» мәктәбе һәм Самараның «Дуслык» төбәк иҗтимагый оешмасы үткәрә. Башлана — 10.00 сәгатьтә.

(Казан, 3 март, «Татар-информ», Павел Климчак). Чаллыда Күп фунцияле үзәккә килгән ир-ат җәнҗал чыгарган. Аңа үзәк хезмәткәренең, әтисе исемен әйтмичә, исем белән генә эндәшүе ошамаган. Бу хәл видеокамераларга эләккән һәм ул социаль челтәрләрдә чыкты. Видеоязмада күренгәнчә, ир-ат хезмәткәрнең компьютерын идәнгә төртеп төшерә һәм аны мыскыл итә. Агентлыкка мәгълүм булганча, шушы хәлдән соң ир-атны полиция экипажы куып тотмакчы була. Качкан вакытта ир-ат берничә машинаны бәрдерә. Видеоязмада берничә... Читать дальше...

(Казан, 3 март, «Татар-информ»). Алтай краеның «Дулкын» татар мәдәнияте үзәге иҗтимагый оешмасы ачык ишекләр көне үткәрде. Чара шагыйрь һәм СССР Герое Муса Җәлилнең 116 еллыгына багышланган. Очрашуда шагыйрьнең әсәрләре яңгыраган. Бөтендөнья татар конгрессы сайты хәбәр иткәнчә, сәламләү сүзе белән «Дулкын» оешмасы рәисе һәм Алтай краеның Иҗтимагый палатасы әгъзасы Флора Зиннәтуллина чыгыш ясаган. «Шәһәр һәм крайда яшәүче халыкның оешма эшчәнлеге турында белүләре безнең өчен бик мөһим. Безнең үзәк һәрвакыттагыча яңа кешеләр өчен ачык»... Читать дальше...

(Казан, 3 март, «Татар-информ», Гөлүзә Ибраһимова). Интернетта татар телендә алып барыла торган иң яхшы проектлар өчен «Татмедиа» акционерлык җәмгыятенең «Тамга» премиясе тапшырылды. «Татмедиа» акционерлык җәмгыятенең генераль директоры Шамил Садыйков Интернетта татарча контент алып баручылар фестивален үткәрү хыялы булуын әйтте. «Без, Интернетта татар телендә контент ясаучыларны җыеп, тамгалап чыгарга булдык. Безнең фестиваль оештыру хыялы да бар. Дәресләр, мастер-класслар да булыр дип уйлыйбыз. Читать дальше...

(Казан, 3 март, «Татар-информ», Зилә Мөбәрәкшина). Татарстан Президенты Рөстәм Миңнеханов шәһәр янында торак йортлар төзегәндә төзелеш компанияләре социаль объектларны булдыруда да катнашырга тиешлеген әйтте. «Торак йортларны төзегәндә төзелеш компанияләре якын тирәдә поликлиника, балалар бакчасы һәм мәктәп төзүдә дә катнашырга тиеш. Бу мәсьәләне бергәләп хәл итәргә кирәк. Шәһәр җитәкчелеге генә ерып чыга алмаячак. Республика программалары бар. Комплекслы төзелеш шуннан гыйбарәт тә инде», — диде... Читать дальше...

(Казан, 3 март, «Татар-информ»). Россия һәм Украина делегацияләренең сөйләшүләре Белоруссиянең Брест өлкәсендә узачак. Бу хакта, РФ Президенты ярдәмчесе, Россия делегациясе башлыгы Владимир Мединскийга сылтама белән, ТАСС хәбәр итә. «Сөйләшүләр <…> планлаштырганча шунда ук: Белоруссиянең Брест өлкәсе территориясендә узачак», — диде Мединский. Ул белдергәнчә, сөйләшү Мәскәү вакыты белән 15 сәгатьтә башланырга тиеш.

(Казан, 3 март, «Татар-информ»). Соңгы тәүлектә Татарстанда тагын биш кеше коронавирус корбаны булган. ТР Сәламәтлек саклау министрлыгының матбугат хезмәте хәбәр иткәнчә, алар – 1938 һәм 1949 елгы ир-атлар, шулай ук 1935, 1947 һәм 1970 елгы хатын-кызлар. Пандемия башланганнан алып республикада барлыгы 1738 кеше инфекция корбаны булган.

(Казан, 3 март, «Татар-информ», Рузилә Мөхәммәтова). Татарстан Язучылар берлеге рәисе Ркаил Зәйдулла Берлекнең чираттан тыш съездында уставка кертеләчәк үзгәрешләр турында аңлатма бирде. Съезд 8 апрельгә билгеләнгән. «Язучылар берлегенең уставы туксанынчы елларда кабул ителгән иде. Ул инде юридик яктан да искергән. Яңартылган устав проектын хәзер юристлар карый, бәлки, тагын ниндидер үзгәртүләр булыр, хәзер анык кына әйтеп тә булмый», — диде рәис. Уставта Берлекнең Әлмәт һәм Чаллы бүлекләре беркетелмәгән, юридик хокуклары да булмаган. Читать дальше...