Новости за 29.04.2022

Түбән Камада танылган татар шагыйре, язучы, журналист һәм тәрҗемәче Ленар Шәех белән очрашу булды.  Әдәби очрашу кичәләре «Кунакчыл Түбән Кама» проекты кысаларында Габдулла Тукай исемендәге үзәк китапханәдә һәм «Китаплы балачак» проекты кысаларында «Апуш» балалар китапханәсендә үтте. Китапханә системасы белгечләре кунак өчен документаль фильм әзерләгән иде. Фильмда Актаныш якташлары шагыйрь турында хатирәләре белән уртаклаша һәм аның тормышыннан кызыклы вакыйгаларны искә ала. Бу турыда Түбән... Читать дальше...

28 апрель көнне М.Акмулла исемендәге Башкорт дәүләт педагогия университетында татар кафедрасының 30 еллыгына багышланган чаралар узды. ⠀ Әлеге чарада Татарстанның халык шагыйре Рәдиф Гаташ, филология фәннәре докторы Ким Миңнуллин да катнашты. Аларның икесенә дә «Башкорт дәүләт педагогия университетының шәрәфле профессоры» исеме бирелде. Бу хакта Бөтендөнья татар конгрессы матбугат хезмәте хәбәр итә.

30 апрельдә Санкт-Петербургның Татар мәдәният үзәгендә Татарстан кинематографистларының соңгы еллардагы иң популяр «Исәнмесез» фильмын тагын бер тапкыр күрсәтәчәкләр.

«Һәрбер артист өчен Тукайны якын күреп, Тукай алар өчен нинди хисләр тудырганы турында сөйләштек», - диде режиссер.

Бүген, 29 апрельдә, Бөтендөнья татар конгрессының VIII съездына конгрессның Казан бүлегеннән делегатлар сайланды. Бу хакта Бөтендөнья татар конгрессының матбугат хезмәте хәбәр итә.

ТР Гидрометеорология һәм әйләнә-тирә мохитне күзәтү идарәсе шимбә көнне, 30 апрельдә җилнең секундына 15-18 метрга кадәр көчәячәге хакында кисәтте.

Бакый Урманче урамындагы 10нчы йортта яшәүчеләр «Татар-информ» агентлыгына хәбәр иткәнчә, бина янында граната турындагы хәбәр аркасында йортка ашыгыч хезмәтләр килгән. Өйләренә кайтып килүчеләрнең машиналарын кире борганнар һәм вазгыятькә ачыклык керткәнче йортка якын китермәгәннәр.

Татарстанда 35 районның игенчеләре язгы чәчүгә кереште. Планлаштырылган мәйданнарның 4,7 процентында эш башкарылган инде. Бу хакта ТР Авыл хуҗалыгы һәм азык-төлек министрлыгының матбугат хезмәте хәбәр итә.

«Тәртип» радиосы 8 еллык юбилеен бәйрәм итә.

Татарстанстат мәгълүматларыннан күренгәнчә, узган ел ахырыннан Казанда АИ-92 маркалы бензинның литры – 10, АИ-95 20 тиенгә арзанайган.

Социаль челтәрләрдә Вишневский урамында, Сукно бистәсе ягына төшә торган урында булган авариянең видеосы чыкты. Видео авторы сүзләренчә, йөк автомобиле берничә машинаны бәрдергән. Нәтиҗәдә, юлда зур гына «бөке» барлыкка килгән.

2022 елның 1 маеннан баласын ялгызы тәрбияләүче әтиләр дә ана капиталы сертификатын алу хокукына ия булачак. Бу хакта ТАСС агентлыгы хәбәр итә.

Башкортстанның Сибай шәһәрендә А.Мөбарәков исемендәге Сибай башкорт драма театры актеры Марсель Ходайголов вафат булган. Быел ул үзенең 75 яшьлеген билгеләп үткән иде. Бу хакта «Башинформ» агентлыгы хәбәр итә.

26 апрельдә Татарстанның Азәрбайҗандагы Даими вәкиллегендә бөек татар шагыйре Габдулла Тукайның тууына 136 ел тулу уңаеннан балалар арасында үткәрелгән «Тукай әкиятләренең тылсымлы дөньясы» рәсем бәйгесендә җиңүчеләр һәм призерларны бүләкләү тантанасы булды. Бу хакта Даими вәкиллекнең матбугат хезмәте хәбәр итә.

Хаталарыбызны газетаның киләсе саннарыннан ук төзәтә башларбыз, диде Удмуртия республикасының «Яңарыш» газетасы баш мөхәррире Рәмзия Габбасова.

Россиядә бернинди дефолт хакында да сүз бармый, чөнки РФ Финанс министрлыгының үз бурычларын үтәү өчен тиешле бөтен ресурслары да бар. Үзәк Банк башлыгы Эльвира Нәбиуллина шулай дип белдерде. Бу хакта ТАСС агентлыгы хәбәр итә.

Атказанган артист иҗаты, балачагы, проектлары турында сөйләде.

Хакимият һәм гражданнар җәмгыяте арасындагы үзара бәйләнеш гомумроссия тәңгәллеген ныгытуга юнәлдерелергә тиеш. Татарстан Дәүләт Советы Рәисе Фәрит Мөхәммәтшин иҗтимагый оешма җитәкчеләре белән очрашуда шулай дип белдерде.

РФ хезмәт базарындагы вазгыять шактый тыныч, әмма киләчәктә мәшгульлек структурасы географик һәм структур рәвештә үзгәрәчәк, дип саный Россия Банкы башлыгы Эльвира Нәбиуллина. Бу хакта РИА Новости агентлыгы хәбәр итә.

Магистратурада уку өчен бюджет урыннары күбәячәк. РФ Хөкүмәте Дәүләт Думасына шул хактагы закон проектын тапшырды. Бу хакта «Российская газета» яза.

Хәзерге вакытта Татарстан сәяхәтләр өчен иң популяр саналган җиде төбәк исемлегенә кергән. Республикага туристлар агымының 2021 ел белән чагыштырганда сизелерлек артуы күзәтелә. Россия вице-премьеры Дмитрий Чернышенко җәйге туристлык сезонына әзерлеккә багышланган киңәшмәдә шул турыда белдерде.

Дәүләт Думасына солдат каберлекләре урынында төзелеш эшләре алып барган өчен штраф кертү турында закон проекты тапшырылды. «Бердәм Россия» депутатлары шундый инициатива белән чыкты, дип хәбәр ителә партиянең Telegram-каналында.

Татарстанда коронавирус инфекциясенең яңа дулкынына әзерлек эшләре бара. ТР сәламәтлек саклау министры урынбасары Владимир Жаворонков «Татар-информ» агентлыгында узган матбугат конференциясендә шулай дип белдерде.

29 апрельдә Мәскәү биржасы сәүдәсендә доллар курсы 71 сумнан түбәнрәк төште. Мондый хәл 2021 елның 11 ноябреннән бирле беренче тапкыр күзәтелә. Евро курсы ике еллык минимум - 75 сумнан да түбәнрәк. «Российская газета» шул турыда яза.

Татарстанда республиканың Машина төзелеше тармагының белем бирү-җитештерү үзәген (кластерын) ачарга ниятлиләр. Бүген Татарстанның Мәгариф һәм фән министрлыгында ведомство җитәкчесе Илсур Һадиуллин катнашында партнерлык турында килешүгә имза куелды. Килешү «Профессионалитет» федераль проекты кысаларында имзаланды.