Новости за 13.10.2022

Маймылларда очрый торган чәчәк чиренең бөтен дөнья буйлап 70 меңнән артык очрагы теркәлгән. Бу турыда Бөтендөнья сәламәтлек саклау оешмасы башлыгы Тедрос Аданом Гебрейесус хәбәр итте. «Российская газета» шул турыда яза.

Татарстанда өлешчә мобилизация барышында запастан хәрби хезмәткә алынган кешенең һәр балигъ булмаган баласына бер тапкыр 20 мең сум күләмендә акча биреләчәк

Татарстан башкаласында мобилизацияләнгән гражданнарның гаиләләренә социаль ярдәм күрсәтү чаралары гамәлгә ашырыла башлады. Мәдәният учреждениеләреннән тыш, балалар спорт объектларына да бушлай керә алачак. Программада шәһәрнең 20 спорт комплексы катнаша, дип белдерде Казанның Физик культура һәм спорт комитеты рәисе урынбасары Ришат Ибәтуллин.

Иминият взнослары исәпләү өчен базаның чик күләме арту россиялеләрнең бер өлешенең пенсия баллары кимүгә китерәчәк. Хисап палатасы аудиторы Сергей Штогрин Дәүләт Думасы утырышында шулай дип белдерде. Бу хакта «Российская газета» хәбәр итә.

Татарстан башкаласы Россиянең эшкә урнашуы иң җиңел булган 20 зур шәһәре арасына керде. HeadHunter сервисының матбугат хезмәте шул хакта хәбәр итә.

Республика клиник офтальмология хастаханәсендә күзләргә елына 30 меңләп операция ясыйлар. Бу хакта Казан шәһәре Сәламәтлек саклау идарәсенең штаттан тыш баш офтальмолог белгече Елена Жиденко "Татар-информ" агентлыгында матбугат конференциясендә сөйләде. 

Чиләбе шәһәрендә бушлай татар теле курслары эшли башлады. Дәресләргә татар теле белән кызыксынган һәм аны якын иткән кешеләр чакырыла. Бу хакта Бөтендөнья татар конгрессының матбугат хезмәте хәбәр итә.

«Алар сугышка беренче булып үз теләкләре белән чыгып киткән. Әмма алар тылда утырмаган, сугышның иң кайнар нокталарында булган», - диде галимә.

Бүгенге көннән башлап торак хуҗалары дәүләт хезмәтләре порталы аша үзендә чит ил кешесен вакытлыча терки алачак. Элегрәк моның өчен почтага, Күп функцияле үзәккә яки Эчке эшләр министрлыгы бүлегенә барырга кирәк иде. Бу хакта «Российская газета» РФ Цифрлы үсеш, элемтә һәм массакүләм коммуникацияләр министрлыгына сылтама белән хәбәр итә.

Россия югары уку йортларына елына ике тапкыр террор куркынычын кисәтү буенча күнегүләр үткәрергә куштылар, дип белдерде вице-премьер Дмитрий Чернышенко. Бу хакта РИА Новости агентлыгы хәбәр итә.

РФ мөселманнары Диния нәзарәте һәм Россия Мөфтиләр шурасы рәисе, мөфти шәех Равил Гайнетдиннең хәер-фатихасы белән Мәскәү Җәмигъ мәчетендә Идел буе Болгар дәүләтендә ислам дине рәсми рәвештә кабул ителүгә 1100 ел тулу һәм Берләшкән Гарәп Әмирлекләренең Бәйсезлек көненә багышланган гарәп каллиграфиясе күргәзмәсе ачылды. Бу хакта Россия Мөфтиләр шурасының матбугат хезмәте хәбәр итә.

Табибларга соң мөрәҗәгать иткәнлектән, белгечләр еш кына күздә яман шеш авыруын тирәнгә киткән стадиясендә ачыклый. Бу хакта бүген сүз «Татар-информ» агентлыгында матбугат конференциясендә барды.

Өлешчә мобилизация буенча Чиләбе өлкәсеннән хәрби хезмәткә чакырылган биш кеше һәлак булган, җирле хакимият аларның гаиләләренә һәркайсына берәр миллион сум түләячәк. Бу хакта РИА Новости агентлыгы төбәкнең матбугат хезмәтенә сылтама белән хәбәр итә.

Бүген Башкортстанның Стәрлетамак шәһәрендә күренекле җәмәгать эшлеклесе һәм шагыйрь Шәехзадә Бабичка бюст ачылды. Бу хакта «Башинформ» агентлыгы хәбәр итә.

20230 елда эшләми торган пенсионерларның пенсиясе күләмен инфляциядән 2,6 процент пунктына артыграк итеп индексациялиләр. Бу турыда Россиянең Хезмәт һәм социаль яклау министрлыгы башлыгының урынбасары Андрей Пудов әйткән. РИА Новости шул хакта яза.

Омскида 20 сентябрьдән «Минем шәҗәрә» дип аталган тикшеренү бәйгесенә гаризалар кабул ителә. Бөтендөнья татар конгрессы шул турыда хәбәр итә.

15 октябрь - Халыкара күзләре күрмәүчеләр көне. Бүгенге көндә дөньяда тома сукыр 39 миллион кеше яши. Бу атнада Россиядә «Ак таяк» көнен билгеләп үтәчәкләр.  Күрмәүчеләр очраша торган проблемалар белән таныштыру һәм аларны чишү өчен, бөтен ил буенча төрле чаралар уза.

Түбән Камада Россия Мәгариф министрлыгы ярдәме белән «Мәктәп классикасы» федераль проектының беренче этабы эшли башлады. Россиядә мәктәп театрлары системасын булдыру РФ Президенты Владимир Путин инициативасы белән башланып киткән иде.

Айдар Таһиров «Газпром межрегионгаз Казан» компаниясе генераль директоры вазифаларын башкаручы итеп билгеләнде. Бу хакта «Татар-информ» агентлыгына компаниядән хәбәр иттеләр.

Республика офтальмология клиник хастаханәсе баш табибының клиник-эксперт эше буенча урынбасары, Татарстанның атказанган табибы Илгиз Исмәгыйлев әйтүенчә, кешеләр табибка ярдәм сорап соңга калып килә.

Татарстан китап нәшрияты 980 данә плакат чыгарган.

Иртәгә, 14 октябрьдә, 10.00 сәгатьтә Казанның Идел буе дәүләт физик культура, спорт һәм туризм университетының концертлар залында «Наше время – Безнең заман» эшләүче яшьләрнең Х ачык республика телевизион иҗат фестиваленең Казан зона этабы ачыла. 15 октябрьдә шунда ук Казан зонасы этабының гала-концерты була.

Пәнҗешәмбе, 20 октябрьдә Дәүләт Советы берьюлы ике утырыш уздырачак. Бүген парламент Президиумы утырышында шундый карар кабул ителде. Бу турыда Татарстан Дәүләт Советының матбугат хезмәте хәбәр итте.

Бүген Татарстан Республикасы Дәүләт Советында җәмәгать судьяларына таныклыклар тапшыру тантанасы узды. Парламент рәисе Фәрит Мөхәммәтшин республиканың төрле районнарындагы суд участокларына сайланган 11 җәмәгать судьясына таныклык тапшырды. Фәрит Мөхәммәтшин аерылышулар статистикасына игътибар итәргә һәм ир белән хатынны татулаштыру чараларын күрү хокукын активрак файдаланырга өндәде.

Бу атнада Татарстанда ковид очракларының тәүлеклек артуы өч йөздән артмый һәм кими бара. Соңгы тәүлектә инфекцияне 246 кеше йоктырган. Стопкоронавирус.рф порталында шул хакта хәбәр ителә.