Новости за 22.10.2022

Саба районының Байлар Сабасы бистәсендә замана медицинасында профилактика һәм терапия роленә багышланган «Сәламәт милләт» халыкара фәнни-гамәли конференциясе узды. Әлеге чарада катнашучылар һәм кунаклар «Гаилә паркы»нда булды, Саба районы Җәмигъ мәчетендә җомга намазын укыды. Аннары Татарстан мөфтие Камил хәзрәт Сәмигуллин, Бөтендөнья татар конгрессы Башкарма комитеты җитәкчесе Данис Шакиров, конгрессның Татар эшмәкәрләре белән эшләү бүлеге җитәкчесе Фәрит Уразаев, Республика сәламәтлек һәм медицина... Читать дальше...

Казан командасы Уфа хоккейчыларына оттырды.

Чувашиянең Комсомол районы бистәсендә монннан бер ел элек фаҗигале төстә вафат булган Ренат Рәхимҗанов истәлегенә волейбол буенча республика турниры бара.

Камилә Вәлиева фигуралы шуу буенча Россия Гран-приеның беренче этабында кыска программадан соң беренче урында бара.

Икенче урында - Теләче командасы.

Россия Хөкүмәте Рәисе Михаил Мишустин имзалаган мобилизацияләнгән гражданнарга ярдәм чаралары турындагы карар хокукый мәгълүмат интернет-порталында урнаштырылган. Бу хакта РИА Новости агентлыгы хәбәр итә.

Уфада мәктәп пешекчесенә илдә беренче һәйкәл ачылды. Ул Мәҗит Гафури урамындагы 35нче мәктәп янында урнаштырылган. Һәйкәл композициясе биеклеге - 3 метрга якын, авырлыгы 350 килограмм чамасы тәшкил иткән металл конструкциядән гыйбарәт. Бу хакта «Башинформ» агентлыгы хәбәр итә.

ТР Гидрометеорология һәм әйләнә-тирә мохитне күзәтү идарәсе фаразлавынча, иртәгә, 23 октябрьдә, Татарстан территориясенең күпчелек өлешендә төнлә -5..-6 градуска кадәр кырау төшәчәк.

Әлмәттә өлешчә мобилизациягә эләккән гражданнарның чираттагы партиясен озаттылар. «Казан Экспо» халыкара күргәзмәләр үзәгендәге җыелу пунктына кузгалыр алдыннан егетләр белгечләрдән тиешле консультация алды, төшке аш ашады.

Казандагы җыелу пунктында мобилизациягә эләккән татарстанлыларга 2 меңнән артык бәлеш һәм тәм-томнар, шулай ук бәйләгән оекбашлар, перчаткалар һәм аптечкалар тапшырылды. «Әнием бәлешләре» республика акциясенең инициаторы – Россия Хатын-кызлар берлеге төбәк бүлегенең «Татарстан хатын-кызлары» оешмасы. Бу хакта ТР Мәдәният министрлыгының матбугат хезмәте хәбәр итә.

Россия Саклану министрлыгы 1 декабрьгә кадәр мәдәният һәм сәнгать өлкәсендә бәйгегә гаризалар кабул итә.

25 октябрьдә сирәк күренеш – өлешчә кояш тотылуның шаһиты була алачакбыз, ул 2022 елдагы төп астрономик вакыйга санала. Алга таба кояш тотылуны 2030 елда гына күзәтеп булачак. Бу хакта «Башинформ» агентлыгы Уфа планетариена сылтама белән хәбәр итә.

Ленинград өлкәсе Дуслык йорты мәйданчыгында Санкт-Петербург шәһәре һәм Ленинград өлкәсендә Татар мәдәнияте көннәре кысаларында Идел буе Болгар дәүләтендә ислам динен кабул итүнең 1100 еллыгына багышланган түгәрәк өстәл узды. Утырышта төбәк тарихчылары, татар җәмәгатьчелеге һәм мөселман оешмаларының күренекле вәкилләре катнашты. Бу хакта Татарстан Республикасының Санкт-Петербург шәһәре һәм Ленинград өлкәсендәге Даими вәкиллеге матбугат хезмәте хәбәр итә.

Сәламәтләнү авырганнан соң шунда ук гадәти тормыш ритмына әйләнеп кайтырга мөмкин дигәнне аңлатмый, дип белдерде Мәскәү сәламәтлек саклау департаментының беренчел медик-санитар ярдәм күрсәтү буенча баш штаттан тыш белгече Андрей Тяжельников Sputnik радиосына биргән интервьюсында. Бу хакта РИА Новости агентлыгы хәбәр итә.

Өлешчә мобилизация буенча хәрби хезмәткә чакырылган гражданнар өчен салымнар, җыемнар һәм иминият взнослары түләү кичектереләчәк. РФ Хөкүмәте Рәисе Михаил Мишустин шул хактагы карарны имзалады. Бу хакта «Российская газета» яза.

Стопкоронавирус.рф порталы мәгълүматларыннан күренгәнчә, Татарстанда инде өченче көн рәттән коронавирус инфекциясен йоктыручылар 200 кешедән артмый. Әгәр кичә республикада 161 кеше әлеге вирусны эләктерсә, бүген шундый 160 очрак теркәлгән.

Ярышта утыз ике район командалары катнаша.

«Бер генә теләгем - авыл балалары туган телләрендә сөйләшсен, телебезне онытмасын иде», - диде шагыйрь.

Нефтеюганскиның «Йөрүзән» төбәк татар-башкорт иҗтимагый оешмасы һәм «Милли мәдәниятләр үзәге» муниципаль бюджет мәдәният учреждениесе шәһәрдә яшәүчеләр һәм кунакларны Халыклар бердәмлеге көненә багышланган татар-башкорт әдәби кичәсенә чакыра. Бу хакта Бөтендөнья татар конгрессының матбугат хезмәте хәбәр итә.

Бүген Чаллыда мобилизацияләнгән гражданнарны Казандагы җыелу пунктына озаттылар. Шәһәр хакимияте вәкилләре, туганнары һәм якыннары автобусны алкышлар белән озатып калды. Өйрәнүләргә барлыгы 14 ир-ат юл тотты. Алар белән хушлашу мизгелләре Автокаланың Telegram-каналында чыккан.

Булачак пенсияне исәпләгән вакытта хата китәргә мөмкин, әмма аны пенсия яше җиткәнче үк табарга һәм төзәтергә мөмкин, дип белдерде «Прайм» агентлыгына «Югары икътисад мәктәбе» илкүләм тикшеренү университеты хокук факультетының ачык хокук департаменты доценты Фатыйма Дзгоева. Бу хакта РИА Новости агентлыгы хәбәр итә.

Кайбер категория пенсионерларның 1 ноябрьдән пенсияләре артачак, дип сөйләде «Прайм» агентлыгы белән әңгәмәдә Плеханов исемендәге университетның статистика кафедрасы доценты Ольга Лебединская.

Татарстанның Лениногорск районында яшәүче 56 яшьлек ир-атка карата «Кеше үтерергә омтылу» маддәсе буенча җинаять эше кузгатылды. Бу хакта Россия Тикшерү комитетының ТР буенча идарәсе җитәкчесенең өлкән ярдәмчесе Андрей Шептицкий хәбәр итте.

1-7 ноябрьдә Туфан Миңнуллина исемендәге Түбән Кама татар драма театры Үзәк Азия илләренең VIII Халыкара фестивалендә катнашачак. Бу турыда район басмасы хәбәр итте.

26-27 октябрь көннәрендә Казанда, Идел буе Болгар дәүләтендә ислам дине кабул ителүнең 1100 еллыгы һәм «Мөхәммәдия» мәдрәсәсенең 140 еллыгына багышлап, мөселман белем бирү оешмалары мөгаллимнәренең Бөтенроссия форумы узачак.