Новости за 16.10.2022

Түбән Новгород өлкәсендәге Кызыл Октябрь районы Салган мәдәният йортында ике зур чара булды – капиталь ремонттан соң мәдәният йорты ачылды һәм муниципальара «Дуслык күперләре» фестивале узды. Аны Нижгар татарлары конгрессы район администрациясе һәм мәдәният бүлеге белән берлектә өлкә хөкүмәтенең эчке һәм региональ сәясәт министрлыгы та­рафыннан бирелгән грант исәбенә Салганда оештырды.

Актаныш үзәк китапханәсенең уку залында Ленар Шәехның иҗатына багышланган чара узды.

Әгерҗе районы мәгариф системасына 95 ел тулу уңаеннан узган бәйрәм тантанасының башыннан ахырына кадәр «Үткәннән башка киләчәк юк» дигән фикер кызыл җеп булып сузылып барды. Шул ук вакытта әлеге кичә укытучыны зурлау, аның катлаулы хезмәтенә дан җырлау чарасына да әверелде. Бу турыда «Әгерҗе хәбәрләре» хәбәр итә.

Түбән Кама рус җәмгыяте каршындагы «Хуҗабикә» ял һәм аралашу клубының кул эше осталары махсус операциядә катнашучы якташларына ярдәм итәргә булды. Олы яшьтәге түбәнкамалылар мобилизацияләнгән ир-егетләргә тапшыру өчен җылы оекбашлар бәйли.

Россия телевидениесенә нигез салучыларның берсе Олег Попцов вафат булган. Бу хакта телетапшырулар алып баручысы, Дәүләт Думасының мәгълүмат сәясәте комитеты рәисе урынбасары Евгений Попов үзенең телеграм-каналында хәбәр итте.

Россия Федерациясе Вице-премьеры Марат Хөснуллин Казанга сәфәре һәм «Юл – 2022» халыкара күргәзмәсендә катнашуы турында сөйләде. Аның сүзләренчә, якындагы елларда тармакны үстерү турында Татарстан башкаласында бик күп мөһим карарлар кабул ителгән.

Республиканың Актаныш районында М7 трассасының 1160нчы чакрымында юл һәлакәте булган. Монда ике җиңел машина бәрелешкән: «Нива» шоферы трассага чыкканда төп юлдан барган «Лада»га юл бирмәгән.

Республиканың Гидрометеорология һәм әйләнә-тирә мохитне күзәтү үзәге фаразы буенча, киләсе атнада Татарстанда явым-төшем һәм төнге суыклар булачак.

Зәй районының Дмитровка авылында яшәүче 42 яшьлек кешедә пистолетка охшаган әйбер һәм порошокка охшаган матдә табылган. Табыш турында полициягә хәбәр иткәннәр.

Россия Президенты Владимир Путин якын көннәрдә Россия Федерациясе Иминлек советы әгъзалары белән киңәшмә уздырачак. Бу хакта «Россия 1» телеканалында «Мәскәү. Кремль. Путин» тапшыруында белдерделәр. «Российская газета» шул турыда яза.

Россиядә ел саен 250 меңгә якын кеше кинәт йөрәк туктавыннан үлә. Андыйлар янындагы кешеләрнең йөрәк эшен торгызу чаралар комплексын үткәрә алулары мөһим. Бу күнекмәләрне эшли белү күп очракта кеше гомерен саклап калырга ярдәм итә, дип белдерде Россия Сәламәтлек саклау министры Михаил Мурашко. РИА Новости шул турыда яза.

Россиядә әтиләрнең бала тугач бирелә торган пособие, ана (гаилә) капиталы, бала караган өчен айлык пособие һәм башка берничә төрле түләү алу мөмкинлеге бар, дип искәрттеләр Россия Пенсия фондында. Бу турыда РИА Новости яза.

Татарстан Президенты Рөстәм Миңнеханов республика халкын Әтиләр көне белән котлады. Телеграм-каналында ул гаилә фотосурәтен урнаштыган, аның астына татар һәм рус телләрендә: «Бүген әтиләр көне! Безнең өчен әти һәрвакыт үрнәк булды! Әтиләр көне белән!» – дип язып куйган.

Узган тәүлектә Татарстанда 230 кешедә коронавирус инфекциясен ачыклаганнар, шуларның егерме сигезен хастаханәгә салганнар. Пандемия башланганнан бирле инфекцияне 185 меңнән артык Татарстан кешесе йоктырган. Стопкоронавирус.рф порталы мәгълүматлары шуны күрсәтә.

Түбән Камада төнге сәгать икеләр тирәсендә Студентлар урамындагы сәүдә үзәгендә сигнализация эшли башлаган. Бу турыда патрульдәге Россия гвардиясе хезмәткәрләренә хәбәр иткәннәр. Тәртип сакчылары шунда ук урынга бара.

Татарстан Президенты Рөстәм Миңнеханов Чаллыдагы Ашыгыч медицина ярдәме хастаханәсенә (БСМП) «Республиканың иң яхшы коммерциячел булмаган оешмасы архивы» республика конкурсында җиңүе өчен 1 миллион сумлык сертификат тапшырды. Әлеге акчаларны медицина мәгълүматларын цифрлаштыруга юнәлдерү планлаштырыла.

«Позиция права» юридик компаниясенең идарәче партнеры Егор Редин кайбер структураларның кайсыбер очракларда милекчеләрнең ризалыгыннан башка гражданнарның яшәү урынына тикшерү үткәрергә хокукы барлыгын сөйләде. Бу хакта ул «Прайм» агентлыгына биргән интервьюсында аңлатты. РИА Новости шул турыда яза.

Өлешчә мобилизацияләүнең барлык чаралары да федераль законнар һәм норматив актлар нигезендә үтәлергә тиеш, дип белдерде Дәүләт Думасы спикеры Вячеслав Володин. Ул искә төшергәнчә, Россия Президенты Владимир Путин якындагы ике атна эчендә мобилизация төгәлләнәчәген әйтте. Володин гражданнарның барлык кисәтүләренә һәм сорауларына оператив рәвештә җавап бирергә вәгъдә итте.

Россия мәдәният министры урынбасары Надежда Преподобная, Татарстан мәдәният министры Ирада Әюпова белән бергә, «Мәдәният» илкүләм проекты кысаларында ремонтланган Арча балалар сәнгать мәктәбе белән танышты.

Татарстанның Нурлат районында татар театрына нигез салучы Габдулла Кариевка һәйкәл ачылды. Скульпторы –Россия һәм Татарстанның Рәссамнар берлекләре әгъзасы Александр Дресвянников Кариевны эскәмиядә утырган рәвештә сурәтләгән. Бу хакта «Нурлат-информ» хәбәр итә.

Ноябрь аенда Арча районының Штерә авылында яңа клуб ачылу тантанасы планлаштырыла.

Истанбулның 24 катлы бинасында янгын чыккан, берьюлы берничә кат янган, дип хәбәр итте NTV телеканалы. Бу хакта РИА Новости яза.

Алабугада шәһәр предприятиеләре һәм оешмалары җитәкчеләре «Язылу бүләк ит» хәйрия акциясендә катнашты. «Новая Кама» һәм «Алабуга нуры» газеталарына язылу Мәдәният сараенда шәһәр планеркасыннан соң ук оештырылды.

Махсус хәрби операциягә мобилизацияләнгән Татарстан солдатларына ярдәм йөзеннән игълан ителгән акча җыю башлангычы дәвам итә. Бүгенге көндә республиканың төрле почмакларыннан килгән ярдәм белән, аеруча мөхтәсибәтләр тырышлыгы белән, 3 миллион сумга якын акча җыелды.

Тәтеш хастаханәсе табиб-гериатры Фирдүс Сәлахов өлкән буынга сәламәтлекне саклау буенча киңәшләр бирде. Бу турыда Татарстан Сәламәтлек саклау министрлыгының матбугат хезмәте хәбәр итә.