Новости за 04.12.2022

Баулыда физик мөмкинлекләре чикле кешеләр өчен концерт булды. Социаль яклау бүлеге мәгълүматларына караганда, бүгенге көндә Баулы районы буенча 2100 кешенең, шул исәптән, 133 баланың физик мөмкинлекләре чикле. Өченче декабрь – язмыш сынауларына бирешмичә, башкаларга үрнәк күрсәтеп яшәүче көчле рухлы кешеләр – Халыкара инвалидлар көне. Әлеге датага багышланган зур концертта да алар сынатмады.

Хуҗасыз калган этләргә ярдәмгә куелган, акча җыя торган һәйкәлнең эчен ачтылар. Александр бакчасында урнаштырылган һәйкәлдән, аның эченә җыелган акчаларны ел саен алып, «Тугрылык» приютына тапшыралар. Бу хакта «Алабуга нуры» хәбәр итә.

Әлки районы башкарма комитеты иң матур бизәлгән чыршыга, парк-скверга, Яңа ел рухы тудырып ясалган кар сыннарына, төрле яктырткычларны оста кулланып бәйрәмгә хәзерләнгән оешма, предприятие һәм авыл өйләре арасында бәйге игълан итә.

Кичә утын белән төялгән КамАЗ Татарстан башкаласына Аксубайдан мобилизацияләнгән ир-егетләр урнашкан адреслар буенча китте. Бу хакта «Авыл таңнары» сайтында хәбәр ителә.

Татарстан аязучан болытлы һава торышы, урыны белән кар фаразлана. Җил төньяк-көнбатыштан исәчәк.

8 декабрьдә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнең Татарстан буенча идарәсе (Роспотребнадзор) эшмәкәрләр өчен Ачык ишекләр көне үткәрәчәк. Консультацияләр бушлай уздырылачак. Бу хакта ведомствоның матбугат хезмәтендә сөйләделәр.

Фәнни-популяр программалар авторлары һәм фәнне популярлаштыручы чаралар оештыручылар хөкүмәттән грант ярдәме алачак. Аның кагыйдәләрен премьер-министр Михаил Мишустин раслады. Грант конкурсларын Фән һәм югары белем бирү министрлыгы үткәрәчәк.

Каспий диңгезе ярында тюленьнәрнең (су эте) күмәк үлеменең төп сәбәбе - табигый факторлар. Бу хакта Дагыстан Табигать министрлыгында хәбәр иттеләр.

Россия Премьер-министры Михаил Мишустин төбәкләр арасында ике меңнән артык яңа ашыгыч ярдәм машинасы һәм мәктәп автобусын бүлде. Техника паркын яңарту өчен транспорт 2023 елның башында Федерация субъектларына киләчәк.

Казанда Ямашев проспектындагы ун катлы йортларның берсендәге фатирда янгын чыккан. Бу хакта 8.44 сәгатьтә 101 номеры буенча янгын сагы хезмәтенә хәбәр килгән.

Чаллыдан мобилизацияләнгән ир-атның хатыны бала тапкан очракта 100 мең сум күләмендә матди ярдәм бирелә. Автошәһәр мэры Наил Мәһдиев үзенең Телеграм-каналында әнә шундый карар турында хәбәр итте.

Россиядә әлегә ВИЧ-инфекцияле кешеләр өчен дару препаратлары кытлыгы күзәтелми. Әмма катгый санкцияләр шартларында дарулар запасы булдыру һәм «бәхетле очраклылык»ка таянмау мөһим.

Татарстанда дүртенче көн рәттән коронавирус белән авыручылар саны артуы күзәтелә. Узган тәүлектә республикада яшәүче 85 кеше Covid-19 инфекциясе йоктырган, ә алдагы көндә шундый 84 очрак теркәлгән.

Гражданнарга Россия Пенсия фондына күчерелгән акча күләмен һәрчак тикшерергә кирәк. «Прайм» агентлыгы белән әңгәмәдә Россия халыклар дуслыгы университетының икътисад факультеты деканы урынбасары Елена Григорьева шундый киңәш бирде.

5 декабрьдә Казанда «Адымнар» күптелле белем бирү комплексында ЮНЕСКО комитетының Яшьләр моделе старт ала. Чара Бөтендөнья мирасы комитетының чын сессиясенә охшаш һәм укучыларның игътибарын мәдәни һәм табигый мирас объектларын саклау проблемасына җәлеп итәргә мөмкинлек бирәчәк. 

Евросоюз шимбә кичендә рәсми журналында 5 декабрьдән Россия нефтенә иң югары бәяне 60 доллар итеп билгеләү турындагы карарны чыгарды. Әмма нефтьнең базардагы бәядән ким дигәндә 5 процентка түбәнрәк сатылуы шарт. Бу хакта «ТАСС» хәбәр итә.

Бүген иртән Бөгелмә районының Карабаш бистәсе янындагы Р-239 юлында авария булган. «Лада» автомобиле «КАМАЗ» белән бәрелешкән. Нәтиҗәдә автомобиль йөк машинасы тәгәрмәче астында калган.

Мобилизацияләнгәннәрнең гаиләләренә бала караучы бирү тәҗрибәсе федераль дәрәҗәдә хупланырга тиеш. Бу хакта РИА Новости хәбәр итте.

Беренче төркем инвалидны тәрбияләүче эшләмәүче татарстанлылар ай саен 1,2 мең сум күләмендә компенсация түләве рәсмиләштерә ала. Бу хакта «Татар-информ» агентлыгына Россия Пенсия фондының Татарстан буенча бүлеге идарәчесе Эдуард Вафин хәбәр итте.

14-16 декабрьдә Әлмәттә «Кванториум» һәм нефть институты мәйданчыкларында «Инженерлык идеяләре очышы» прототиплаштыру буенча IV бөтенроссия конкурсы була. Бу турыда «Әлмәт таңнары» хәбәр итә.

Татарстанда 2020 елдан «Авыл территорияләрен комплекслы үстерү» федераль дәүләт программасы эшли. Моннан берничә ел элек «Гигант» хуҗалыгы үз акчасына шәхси йортлар төзи башлаган иде. Тукай районына башка районнардан, авыллардан кешеләр гаиләләре белән күчә башлады. Шул чорда районда Новый һәм Мөрес бистәләрендә әлеге программа кысаларында барлыгы 10 йорт төзелде. 

Балтач районында яшәүчеләр махсус хәрби операциядә катнашкан егетләргә ярдәм итүдә үз өлешен кертә. Алар азык-төлек, кием-салым, дару белән беррәттән шәхси әйберләрен саклар өчен агач тартмалар, кышкы салкыннарда хәрбиләр туңмасын дип иллегә якын буржуйка ясап, фронт сызыгына озатты. Бу хакта «Хезмәт» сайтында хәбәр ителә.