Новости за 23.06.2023

Борис Березовскийның «Алабугада җәйге кичәләр» Халыкара фестивале сәбәпле, Алабуга шәһәрендә Яшьләр көне 9 июльгә күчерелә. Бәйрәм «Мәйдан» шәһәр тамаша үзәгендә була. Бу хакта «Алабуга нуры» хәбәр итә.

Татарстанда 24 июньдә урыны белән яшенле яңгыр көтелә, көньяк-көнчыгыш җиле секундына 15-17 метрга кадәр көчәячәк. Төнлә республика буенча һава температурасы +3..+8 градус тәшкил итәчәк, көндез +18..+23 градус булыр дип көтелә.

Татарстанның Авыл хуҗалыгы һәм азык-төлек министрлыгы призына ат чабышында ике ат беренче булып килде. "Браун Мун Тн" (җайдак - Александр Александров) һәм һәм "Билли Грим" (җайдак - Хәмзәт Улубаев) кушаматлы атлар бер үк вакыт күрсәтте.

Якшәмбе, 25 июньдә, Мәскәү өлкәсе Пушкино шәһәренең Үзәк мәдәният һәм ял паркында татар халкының милли бәйрәме Сабан туе була. Программага милли аш-су ярминкәсе, татар халык киемнәре һәм декоратив-гамәли сәнгать күргәзмәсе кертелгән. Бу хакта Мәскәү өлкәсенең Татар мәдәни агарту үзәге хәбәр итә.

«Казан» халыкара ат спорты комплексы территориясендә ат чабышларында жокейлар чемпионаты узды.

Альберт Суфианов Татарстан Фәннәр академиясе әгъзасы булды. Бу хакта Бөтендөнья татар конгрессы матбугат хезмәте хәбәр итә.

Бүген, 23 июнь, “Бөтенроссия татар авыллары” иҗтимагый оешмасы исеменнән Йолдыз авылында йорт салу эшләре башланды. “Бөтенроссия татар авыллары” иҗтимагый оешмасы рәисе Фәнир Галимов, Удмуртия, Чувашия, Самара мөселманнары Диния нәзарәте ярдәмендә салына, дип хәбәр итә Бөтендөнья татар конгрессы матбугат хезмәте.

Туристлар арасында Төркиянең популяр Мармарис шәһәрендә урманда янгын чыккан. Бу хакта РИА Новости хәбәр итә.

1 июльдә «Коломенское» музей-тыюлыгы территориясендә Мәскәүдә 35нче «Сабантуй-2023» була. Бәйрәм 11.00 сәгатьтән 22.00 сәгатькә кадәр планлаштырылган. Бу хакта оештыручылар хәбәр итә.

Якындагы ялларда Татарстанда һава температурасы күтәрелүе һәм һава шартлары бозылуы көтелә. Бу хакта Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Миасс шәһәрендә «Гаилә» мәчетенә талантлы оста Радик Газизов Коръәнгә үзенчәлекле һәйкәл бүләк итте. Бу хакта Бөтендөнья татар конгрессының матбугат хезмәте хәбәр итә.

«Казан» халыкара ат спорты комплексы территориясендә ат чабышлары башланды. Беренче булып "Аргамак" призына татар атлары ярышты. "Алтын РТ" атында Башкортстан егете - 17 яшьлек Илнар Шәяхмәтов беренче булып килде.

28 июньдә 17.00-20.00 сәгатьләрдә Иске Татар бистәсендә «Корбан Фест» бәйрәме була. Ул Корбан бәйрәменә багышлана. Бу хакта оештыручылар хәбәр итә.

1 июльдә 10.00 сәгатьтә Ленинград өлкәсенең Энколово авылында ел саен уздырыла торган «Сабантуй» милли бәйрәме була. Бу хакта Татарстанның Санкт-Петербург шәһәрендәге һәм, Ленинград өлкәсендәге Даими вәкиллегенең матбугат хезмәтендә хәбәр ителә.

Казанда 24 июньдә беренче тапкыр якут халык бәйрәме Ысыах билгеләп үтеләчәк. Программада милли ризыкларны дегустацияләү, бергәләшеп осуохай биюен башкару һәм тере музыка концерты булачак.

Татарстан Дәүләт Советы Рәисе Фәрит Мөхәммәтшин, «Юл хәрәкәте иминлеге» ДБУ директоры Рифкать Миңнеханов һәм Казан дәүләт медицина университеты ректоры Алексей Созинов ТР Фәннәр академиясенең әгъзалары (академиклары) итеп сайланды.

Бурятия татарларының төбәк милли-мәдәни автономиясе, республиканың Селенгин районы Республика хөкүмәте һәм хакимият башлыгы, милләтара мөнәсәбәтләр һәм гражданнарны үстерү комитеты ярдәме белән 24 июнь көнне XVI «Байкал Сабантуе-2023» татар мәдәни-спорт бәйрәмен уздыра. Бу хакта Бурятия татарлары автономиясе рәисе Саҗидә Батталова хәбәр итә.

5 июльдә “Мой народ – татары. Код успеха” фильмының премьерасы булачак. Әлеге проект – татар халкының милли кыйммәтләре һәм мәдәнияте, зур уңышларга ирешкән һәм аның милли үзенчәлеген саклаган күренекле замандашлар турында. Бу хакта ТР Диния нәзарәте матбугат хезмәте хәбәр итә.

Казанда Сабан туена бүләкләр җыю чарасы булды. Шәһәр үзәгендә дүрт маршрут буенча җигүле атлар узды, аларга теләгән һәркем үз бүләген бирде. Республика Хөкүмәте һәм предприятиеләре вәкилләре дә батырларга дигән бүләкләрне тапшырды.

Татарстанда янә кисәтү игълан ителде, дип хәбәр итә ТР Гидрометеорология һәм әйләнә-тирә мохитне күзәтү идарәсе сайты.

Татарстан Дәүләт Советы Рәисе Фәрит Мөхәммәтшин Дәүләт Думасы Федераль Җыенының Гаилә, хатын-кызлар һәм балалар комитеты әгъзалары белән очрашты. Сәясәтчегә «Татарстан Республикасында балалы гаиләләргә ярдәм күрсәтү буенча комплекслы һәм нәтиҗәле система оештырган өчен» комитетның рәхмәте белдерелде. Бу хакта төбәк парламентының матбугат хезмәте хәбәр итә.

16 июльдә Балтач районы Бөрбаш авылында XVI Россиякүләм мөселман балалар Сабан туе узачак. Һәр елны үткәрелүче милли бәйрәмгә Татарстан дин әһелләре, күпләгән татар зыялылары, дәүләт һәм иҗтимагый оешмалар җитәкчеләре чакырулы. Бу хакта ТР Диния нәзарәте матбугат хезмәте хәбәр итә.

Татарстанда М7 трассасында кеше үлеменә китергән юл-транспорт һәлакәте булган. Бу хакта «Татар-информ» агентлыгына ТР прокурорының өлкән ярдәмчесе Руслан Галиев хәбәр итте.

«Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев «Татарстан 24» хезмәткәрләрен телеканалның җидееллыгы белән котлады һәм «Татмедиа» АҖ исеменнән Рәхмәт хатлары тапшырды.

Фото: © Уфаның «Нур» театры матбугат хезмәте

21 июньдә Уфаның «Нур» татар театры Мирхәйдәр Фәйзинең шул исемдәге пьесасы буенча сәхнәләштерелгән «Галиябану» спектакле белән ХХХI иҗат сезонын япты. Бу хакта «Башинформ» агентлыгы хәбәр итә.

Спектакльнең режиссеры – Башкортстан Республикасының халык артисты, Ш.Бабич исемендәге Республика яшьләр премиясе лауреаты Азат Җиһаншин.

Башкортстан мәдәният министры урынбасары Алмаз Сәетов кичәнең тантаналы өлешендә Башкортстан Республикасы... Читать дальше...