Новости за 29.07.2023

Мөгезле эре терлекләрне ясалма орлыкландыру буенча технологларның республика конкурсында азнакайлы Илнур Төхбәтуллин быел да җиңү яулады. Бу хакта «Маяк» сайтында хәбәр ителә.

«Имин шәһәр» программасы кысаларында, Түбән Камада халык күпләп булган урыннарда, шәһәргә керү һәм чыгу урыннарында, трафик югары булган юл участокларында видеокүзәтү камералары урнаштыру буенча эшләр алып барыла. Бу хакта социаль челтәр сәхифәсендә мәгълүмат үзәге директоры Максим Шаронов хәбәр итте.

Лениногорскиның М.Горький исемендәге паркында «ГаиләФест» фестивале узды. Фестиваль шәһәрнең Яшьләр үзәге тарафыннан оештырылды. Турнирда барлыгы 7 гаилә катнашты. Бу хакта «Заман сулышы» хәбәр итә.

Әлмәт ишегалларына микроклевер утырталар. «Безнең ишегалды» программасы кысаларында шәһәрдә территорияләрне яшелләндерү белән шөгыльләнәләр. Бу хакта «Әлмәт таңнары» хәбәр итә.

Татарстанның Питрәч районында басуда трактор янган, дип хәбәр итте «Татар-информ»га шаһитлар.

Югары Ослан районында килеп чыккан һәлакәттә өч кеше зыян күрде, дип хәбәр итте «Татар-информ»га юл-транспорт һәлакәте шаһитлары.

Россия хөкүмәте ел ахырына кадәр дөге һәм дөге ярмасын чыгаруны тыйды. Карар эчке базарда тотрыклылыкны саклау өчен кабул ителде, дип хәбәр итә Министрлар Кабинеты матбугат хезмәте.

Яшел Үзән районында җиңел автомобиль һәм йөк машинасы белән бәрелешкән, ике кеше зыян күргән, дип хәбәр итте «Татар-информ»га юл-транспорт һәлакәте шаһитлары.

Татарстан халкы социаль челтәрләрдә бытбылдык йомыркасы зурлыгындагы боз яуган видео урнаштырды.

Чаллыда «Комсомол» 2нче полиция бүлеге тарафыннан 15 яшьлек кызны эзләү эшләре бара. Бу хакта мәгълүмат «Василиса» Чаллы эзләү-коткару отряды төркемендә урнаштырылган.

«Гасырлар мирасы» — «Наследие веков» I Бөтенроссия халык иҗаты фестивалендә диаметры 1,5 метрлы табада татарларның милли чәй ризыгы — җәймә әзерләнде. Бу хакта «Безнең Чирмешән» газетасы яза.

Бүген «Татар-информ» хәбәр иткәнчә, Татарстанда яшен һәм көчле яңгырлар булырга мөмкин, шулай ук синоптиклар боз һәм көчле җил фаразлый.

Татарстан вице-премьеры - Татарстан Республикасының Россия Федерациясендәге Тулы вәкаләтле вәкиле Равил Әхмәтшин Россия Хәрби-Диңгез Флоты көне кысаларында Севастопольдә республика хәрбиләре белән очрашты. Татарстанлылар ракета һәм сак корабларында, шулай ук Кара диңгез флотының диңгез пехотасында хезмәт итәләр, дип сөйләделәр Тулы вәкаләтле вәкиллек матбугат хезмәтендә.

Фестиваль районда икенче тапкыр үткәрелә.

Синоптиклар фаразлавынча, Татарстан Республикасы территориясендә +37 градуска кадәр эсселек көтелә.

Татарстан Премьер-министры Алексей Песошин, кирәкле җиһазлар алып кайтып, аларны көйләргә өлгерү өчен, мәктәп азык-төлек блокларын ремонтлауны 15 августка кадәр төгәлләргә кушты. Бу хакта ул ТР Төзелеш, архитектура һәм торак-коммуналь хуҗалык министры урынбасары Алексей Фроловның ТР Хөкүмәт Йортында узган киңәшмәдә ясаган чыгышын йомгаклап әйтте.

Рөстәм Миңнеханов үзенең телеграм-каналында бүген, шимбә көнне Алексеевск районында уза торган «Алексеевск кыңгырау чыңнары» («Алексеевские перезвоны») XXI кыңгырау чыңы фестиваленең фотоларын урнаштырды.

Озакламый, бер-ике-өч сәгать аралыгында, Татарстанда яшен һәм көчле яңгыр булырга мөмкин, шулай ук синоптиклар боз һәм көчле җил фаразлый. Бу хакта республика Гидрометеорология үзәгенең шторм кисәтүендә әйтелә.

Татарстанның Менделеевск районында 2023 елның 18 августына кадәр контракт төзегән барлык хәрбиләргә 500 мең сум күләмендә өстәмә түләү кертелә. Тулаем алганда, Менделеевск районыннан контрактлы хәрбиләр берьюлы 695 мең сум акча алачак. Бу хакта «Татар-информ»га район хакимиятендә хәбәр иттеләр.

Красногорск шәһәрендә предприятиенең 29 хезмәткәре агуланып хастаханәгә озатылган, прокуратура тикшерү башлаган, дип хәбәр итә РИА Новости.

Татарстан башкаласында Ак мәчеттә реставрация эшләре башланган. Мехчылар урамындагы дин йорты озак вакыт консервацияләнгән хәлдә булган.

Кичә көндез машина йөртүче, якынча мәгълүматлар буенча, юл хәрәкәте иминлеген тәэмин итә торган тизлекне сайламаган һәм 8 яшьлек җәяүлене бәрдергән, дип сөйләделәр «Татар-информ»га Республика Дәүләт автоинспекциясендә.

«Безнең ишегалды» республика программасы нигезендә 476 ишегалды территориясендә юл эшләре төгәлләнгән. Бу хакта Хөкүмәт Йортында узган шимбә киңәшмәсендә «ТР шәһәрләрен үстерү институты» фонды җитәкчесе Наилә Зиннәтуллина хәбәр итте.

Эшләүче пенсионерларның пенсияләрен яңадан исәпләү, елдагыча, 1 августта башкарылачак. Бу индексация түгел, ә өстәмә, ул эш бирүченең узган елда эшләүче пенсионерлар өчен социаль взнослар түләвенә бәйле. Арту күләме индивидуаль исәпләнә, әмма ул закон буенча өч пенсия коэффициентыннан артмаска тиеш, дип хәбәр итә «Российская газета».

Күптән түгел Саратов өлкәсе мөселманнары Диния нәзарәте вәкиле махсус хәрби операция уздыру зонасында булып кайтты. Бу хакта Россия Мөфтиләр шурасы сайтында хәбәр ителә.