Новости за 06.12.2023

Бүген Питрәч районында «Вперёд» – «Алга» газетасының 90 еллык юбилеен бәйрәм иттеләр. Тантаналы чара фойеда газетаның фотографы Илшат Гайсаровның күргәзмәсен тәкъдим итүдән башланды.

Бүген Питрәч районында «Алга» - «Вперёд» газетасының 90 еллык юбилеен бәйрәм иттеләр. Тантаналы чара фойеда газетаның фотографы Илшат Гайсаровның күргәзмәсен тәкъдим итүдән башланды.

Татарстанда аномаль салкыннар киләсе атна уртасына кадәр дәвам итәчәк. Алар ультраполяр агым белән бәйле. Бу хакта «Татар-информ»га Казан федераль университеты галиме, география фәннәре докторы Юрий Переведенцев хәбәр итте.

10-14 декабрь көннәрендә Уфада Идел буе һәм Урал буе композиторларының XXXII фестивале узачак. Фестивальгә Таҗикстан, Татарстан, Удмуртия, Марий Эл, Чувашия, Мордовия композиторлары чакырылган. Бу хакта Башкортстан Композиторлар берлеге рәисе Ләйлә Исмәгыйлова хәбәр итте, дип яза «Башинформ».

Сентябрь белән чагыштырганда, 2023 елның октябрь-ноябрь айларында бәяләрнең айлык үсеше акрынайды, әмма әле барыбер югары булып кала. Бу турыда Үзәк Банк хисабында язылган, ул аның сайтында урнаштырылган.

Россия һәм Согуд Гарәбстаны арасында дуслык мөнәсәбәтләрен үстерүгә бернәрсә дә комачаулый алмый. Бу хакта Россия Президенты Владимир Путин Эр-Рияд шәһәрендә Согуд Гарәбстаны принцы Мөхәммәт бән Салман әл-Сауд белән очрашуда белдерде, дип хәбәр итә Кремльнең матбугат хезмәте.

Казандагы сәүдә үзәкләренең берсендә 15 декабрьдә «Татарстан халыклары ашлары» фестивале узачак, аның программасына шулай ук «Вилки» кулинар шоу-ярышлары да керәчәк. Фестиваль мәйданчыкта күренекле пешекчеләрне һәм танылган блогерларны җыячак. Бу хакта Казан мэриясе матбугат хезмәте хәбәр итә.

«Шатлык» балалар фольклор ансамбле 1998 елда Мәскәү шәһәре төньяк-көнчыгыш округының этномәдәни татар компоненты булган 959 нчы мәктәптә оештырыла. 2003 елдан ул үз эшчәнлеген Мәскәү шәһәре Татар милли-мәдәни автономиясе каршындагы Татар мәдәни үзәгендә дәвам итә. Бу хакта Мәскәү татарлары автономиясе матбугат хезмәте яза.

Түбән Кама шәһәренең Үзәк Җәмигъ мәчетендә барлык теләүчеләр өчен атна саен үткәрелүче татар теле дәресләре башланып китте. Ул 2024 елның маена кадәр дәвам итәчәк. Бу хакта ТР Диния нәзарәте матбугат хезмәте хәбәр итә.

Иртәгә, 7 декабрьдә, Татарстанда төнлә һәм көндез аномаль салкыннар көтелә. Бу хакта Татарстан Гидрометеорология үзәге хәбәр итә.

«Миллиард.Татар» «Ел татары» рейтингы кысаларында «М буыны: Татарстаннан читтә иң активлар» номинациясендә тавыш бирү оештырды.

Казанда яшәүче рәссам-дизайнер Ратмир Әхияровның эше онлайн тавыш бирү нәтиҗәләре буенча «ГазАрт» Бөтенроссия плакатлар бәйгесендә җиңү яулаган.

Татарстан Республикасы Рәисе Рөстәм Миңнеханов Б.И.Тихомиров исемендге премия тапшыру тантанасында катнашты. Чара «Технодинамика» АҖ (Мәскәү) территориясендә узды. Бу хакта ТР Рәисе матбугат хезмәте хәбәр итә.

Чарада махсус хәрби операция зонасыннан кыска вакытлы ялга кайткан егетләр катнашты.

Буада ике гашыйкның — Семен белән Людмиланың никахын теркәгәннәр. Семенның махсус хәрби операция зонасында хезмәт итүе фонында да яшьләр бер-берсенә вакыт тапкан.

16 декабрьдә Казан шәһәренең «Әхмәдзәки» мәчетендә 5-15 яшьлек кызлар арасында мәхәллә күләмендә Коръән уку бәйгесе узачак. Ул мәчет мәхәлләсе, Казан ислам университетының Коръән хафизлар әзерләү үзәге тарафыннан оештырыла. Бу хакта ТР Диния нәзарәте матбугат хезмәте хәбәр итә.

Мәскәүдә Россия Фәннәр академиясе Көнчыгышны өйрәнү институтының Көнчыгыш мәдәни үзәгендә 7-19 декабрь көннәрендә «Мәдинә» нәшрият йорты коллекциясенең сынлы сәнгать әсәрләре күргәзмәсе узачак. Ул теолог –көнчыгышны өйрәнүче галим Хөсәен Фәезхановның (1823-1866) тормыш юлы һәм күпкырлы талантына багышлана. Бу хакта Россия Мөфтиләр шурасы матбугат хезмәте хәбәр итә.

10 декабрьдә 15:10 сәгатьтә «Татарстан» радиосында радиотыңлаучылар игътибарына язучы Вакыйф Нуриевның «Мәһдиев һәм...» исемле әсәренә нигезләнгән радиотамаша тәкъдим ителә.

Язучы Аяз Гыйләҗев КФУ профессоры, әдәбият галиме Фоат Галимуллинга шәхси хатларын күрсәткән булган. Бу турыда галим КФУның Филология һәм мәдәниятара багланышлар институтында язучылар Аяз Гыйләҗев һәм Арпад Галгоциның 95 еллыгына багышланган «Халыклар күңеленә үтеп керик!» кичәсендә сөйләде.

Татарстан Республикасы Рәисе Рөстәм Миңнеханов социаль торак төзелешенең яңа механизмнарын эзләргә тәкъдим итте. Ул «Төзелеш, торак-коммуналь хуҗалыгы, шәһәр мохите» юнәлеше буенча Росссия Дәүләт Советы Комиссиясенең (аның рәисе булып тора) һәм Россия Дәүләт Думасының төзелеш һәм торак-коммуналь хуҗалыгы комитетының гомуми утырышында чыгыш ясады. Бу хакта республика җитәкчесе матбугат хезмәте хәбәр итә.

Россия Гадәттән тыш хәлләр министрлыгы борты Газа секторы халкы өчен чираттагы гуманитар ярдәм партиясен китерде. Бу хакта Россия ведомствосының матбугат хезмәте хәбәр итә.

Россия Президенты Владимир Путин Берләшкән Гарәп Әмирлекләреннән коллегасы Мөхәммәт бән Зәид Әл Нахайянны киләсе 2024 елда узачак БРИКС саммитына чакырды. Бу хакта РИА Новости хәбәр итә.

Профессорлар, әдәбият галимнәре Хатыйп Миңнегулов һәм Фоат Галимуллин Мәхмүт Гәрәевнең йөз еллыгына багышланган истәлек медале белән бүләкләнделәр. Бүләкне КФУның Филология һәм мәдәниятара багланышлар институтында язучылар Аяз Гыйләҗев һәм Арпад Галгоциның 95 еллыгына багышланган «Халыклар күңеленә үтеп керик!» кичәсендә институт директоры Рәдиф Җамалетдинов тапшырды.

Татарстан Рәисе Рөстәм Миңнеханов ипотеканың ташламалы программаларын срогы чикләнмәгән итәргә һәм кредитның чик күләмен арттырырга тәкъдим итте. Ул «Төзелеш, торак-коммуналь хуҗалыгы, шәһәр мохите» юнәлеше буенча Россия Дәүләт Советы Комиссиясенең (аның рәисе булып тора) һәм Россия Дәүләт Думасының төзелеш һәм торак-коммуналь хуҗалыгы комитетының гомуми утырышында чыгыш ясады. Бу хакта республика җитәкчесе матбугат хезмәте хәбәр итә.

Дәүләт Думасында мәктәпләрдә мәҗбүри хезмәт дәресе турындагы төзәтмәне бертавыштан кабул иттеләр. Парламентның түбән палатасы депутаты Айрат Фәррахов телеграм-каналында шул хакта хәбәр итте.