Шина муфтиято чIирхошна юкъахь маслаIатдарх дийцина

Нохчийчоьнан муфтин гIовсан Хетиев Ансаран цхьанакхетар хилла Дагестанерчу динан урхаллерчу маслаIатан декъан куьйгалхочуьнца Арсланалиев Мохьмадца а, цуьнан белхахошца а. Цара дийцаредира чIирхошна юкъара дов дIадаккхарх доьзна хеттарш, хаамбо Нохчийчоьнан муфтиятан пресс-гIуллакххоша.


Хетиевс билгалдаккхарца, Нохчийчохь кхоьллинчу маслаIатан тобан коьрта Iалашо ю мостагIалла юкъадеанчу шина а агIонна, уьш берта бахийта хьелаш кхоллар.


Нохчийчохь боьхна доьзалш юха вовшахтухуш маслаIатан комисси а ю кхоьллина, мехкан куьйгалхочун а, динан урхаллан а тIедилларца. 


Бакъду, дукхамма олург цхьаъ дара, диц ца даллал доккха бахьана юкъа а деана, къаьстинчу шина адаме хоттуш хIума а доцуш, уьш вовшахбеттар - тIехь ницкъбар ду аьлла.