Германехь "нохчийн исламисташ" дIалуьйцуш бу, Тешан аьшпаш гучубаьхна адвакато, Нохчий ца хьовса Оьрсийчоьнан филмашка (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Ацаев Бека Муха беш ю шен болх Нохчийчуьра зударийн такси Нохчийчуьрчу зударшна лерина «Мехкарий» такси юкъаелира стохка бIаьста. Совдегаралла а, инновацеш а шоръян коьллина йолу Заед Шайхан фонд яра оцу проектана ахчанца бух биллинарг. Пхи машен яра юьхьанца таксопаркехь. Ткъа тахана яц йиъ бен – хала ду зеделларг долу зударий-машенлелорхой каро. Дов а до, баркалла а олу Интернетехула зударшца тасаделлачу къамело яьккхира ша керлачу новкъа, боху таксопаркан директора Цакаева Мадинас. Цуьнан... Читать дальше...
Шайн лаамехь тIаме хIиттинчу бIаьхойн «Киев-2» батальонан декъашхо Окуева Амина йийнарш лоьхучу Украинерчу полицино лаьцна зуламна бехке хила тарлуш волу стаг. Полицин векалша дийцарехь, цуьнан дегIан тIум (ДНК) юьззина йогIуш ю Окуева юьйш диттинчу герза тIерачу куьйгийн томмагIца.
Оппозицин блогеро Абдурахманов Тумсос арахецна Алхан-Юьртахь Мартан хи тIехула тесна тIай схьаделларх лаьцна дуьйцуш шен видео. Цо дийцарехь, тIай дина цу юьртахь бехачу МагомадогIеран доьзало. Амма Нохчийчьурчу официлан зорбан гIирсаша хаам бина, тIай деш харж йинарг Кадыров Ахьмадан цIарх фонд ю аьлла. Алхан-Юьртара тIай динарш меттигера бахархой хиларан тоьшаллаш даладо Кавказ.Реалиино а.
Берлинан инарлин прокуратуро бинчу хаамца, Германерчу маситта гIалахь "нохчийн исламистийн" цIийнех хьажар дIахьош ду полицино уьш теракт ян кечлуш хилла аьлла шеко йолуш. И дIахьедар арахецна прокуратуро твиттерехь йолчу шен официалан агIонехь. Цу тIехь аьлла ду, "пачхьалкхана дуьхьал вуно луьра акт ярна" шеконехь бу "исламистийн гонашкара" Нохчийчуьра схьабевлла нах, аьлла. Инарлин прокуратуро иштта хаам бина, талламаш дIахьош хиларх лаьцна Берлинехь а, Бранденбургехь а, Тюринги а, Къилбаседа Рейн-Вестфали а регионашкахь а. Читать дальше...
Тамаше делахь а, Францехь латархой кхиош йолу клубаш кхоьллинарш а, цигахь толамаш боху атлеташ а доккхачу декъанна, нохчий бу. Кест-кеста нисло мехкан спортан лаккхрчу тIегIанашкахь а тIехь хьалхара меттиг къовсучу нохчочун партнер а изза нохчо хуьлуш! Цундела олу Францехь охьатохарх латархойн спортах «нохчийн спорт». Маршо Радионо йовзуьйту Ницца гIалахь джиу-джитсу Iамош йолу «Легион» клуб а, цигара спортхой а.
Оьрсийчоьнан Пачхьалкхан Думан депутато Иванов Сергейс низаман проект кечйина Германица хиллачу тIамехь толам баьккхина 75 шо кхочуш амнисти кхайкхорах лаьцна. И документ арахецна Пачхьалкхан Думан сайта тIехь. Цунах лаьцна хаам бо РБК-но. Цу низаман проектца а догIуш, набахташкара а, колонешкара а дIахеца богIуш бу дуьххьара хан тоьхна болу тайп-тайпана зуламаш дина тутмакхаш. Царна юкъахь бу Нохчийчохь тIом бина нах а. Нохчий тIемалой царна юкъахь бац.
Нохчийчуьрчу культуран министраллан кинематографин урхаллан куьйгалхочо Зурбеков Зелимхана дийцарехь, Оьрсийчохь дуккха хьовсархой боьлху киношка дIоггара ца хьовса республкера бахархой. Цо бинчу хаамца, нохчашна хазахета кхераме хӀуманаш (гӀуллакхаш) лелорах лаьцна йолу фильмаш а, ткъа иштта комедеш а. Цу кепара Шипенко Клима яьккхина "Холоп" комеди юкъахь ю Нохчийчохь уггар дукха ахча гулдинчу киношна. Цуьнца цхьана "Т-34" цIе йолу тIамах лаьцна кинога дIоггара ца хьаьжна нохчий, Оьрсийчохь цо... Читать дальше...
Ингалсан а, францойн а меттанаш санна, арахьарчу меттанийн тIегIанехь хьеха болийра Шемарчу школашкахь оьрсийн мотт 2014-чу шарахь. Оцу хенера дуьйна схьа и мотт Iамо буьйлабелларш бу 24 эзар нах.
Нохчийчохь шолгIа тIом боьдуш Улус-Кертана гергахь Псковерчу десантхошна тIелатар дарна бехке вечу Дудиев Нажмуддинан а, Донашев ИбраьхIиман а адвокаташа гучубахна теш ву аьлла бехктакхаман гIуллакхна юкъаозийначу Малофев Александран аьшпаш. Цунах лаьцна яздо "Кавказский узело". Дечкен-беттан 13-хь Къилбан гонан тIеман кхело дIадаьхьира Донашевн а, Дудиевн а гIуллакх къастор. Цу шина стагана бехке дуьллуш ду бандитизм лелор а, тIеман гIаттамехь дакъалацар а, Оьрсийчоьнан тIемангIуллаккхой байа гIортар а. Читать дальше...