Новости за 31.01.2018

Бишкек шаардык сотунда "бийликти күч менен басып алууга аракеттенген" деп айыпталган саясатчылар Бектур Асановдун, Эрнест Карыбековдун, Кубанычбек Кадыровдун жана Дастан Сарыгуловдун соту болгон жок. Асанов, Карыбеков жана Кадыров ачкачылык кармагандыктан, ден соолугун көзөмөлдөш үчүн УКМКнын тергөө абагынан башкалаадагы №47 абакка которулду. Бул тууралуу камактагылардын адвокаты Нина Зотова "Азаттык" радиосуна билдирди. №47 абакта соттолгондордун ден соолугуна кам көргөн​ борборлоштурулган оорукана бар. Читать дальше...

Кыргызстан салык төлөп, ачык-айкын иштеп жаткан ишкерлер үчүн бейиш болушу керек. Бул тууралуу Бизнес-ассоциациялар альянсынын башчысы Улук Кыдырбаев "Азаттык" менен болгон маегинде билдирди.

Бийлик жетекчилеринин кербенин коштоочу автоунаа келип сүзгөн машиненин айдоочусу тергөөнүн акыйкат жүрүшүнөн күмөн саноодо. Алар 1 млн 600 миң сом кырсыктагы чыгымды төлөп калышы мүмкүн.Ал эми Ички иштер министрлигинин тергөө бөлүмү автоунаалар кагышкан жерде кырсыктын себебин аныктоо үчүн автоунаалардын ылдамдыгын менен иликтеп жатат. ИИМ тергөө акыйкат жүрбөй жатат деген дооматтарды четке какты. 2017-жылдын 16-ноябрында эртең менен Бишкектеги Чыңгыз Айтматов проспектинде жол кырсыгы болгон. Анда... Читать дальше...

Бийлик жетекчилеринин кербенин коштоочу автоунаа катышкан жол кырсыгындагы экинчи тарап тергөөнүн акыйкат жүрүшүнөн күмөн саноодо. Алар 1 млн 600 миң сом деп эсептелген кырсыктагы чыгымды төлөп калышы мүмкүн. Ал эми Ички иштер министрлигинин тергөө бөлүмү автоунаалар кагышкан жерде кырсыктын себебин аныктоо үчүн автоунаалардын ылдамдыгын менен иликтеп жатат. ИИМ тергөө акыйкат жүрбөй жатат деген дооматтарды четке какты. 2017-жылдын 16-ноябрында эртең менен Бишкектеги Чыңгыз Айтматов проспектинде жол кырсыгы болгон. Читать дальше...

АКШнын Геологиялык кызматы билдиргендей, Ооганстандын Гиндукуш тоо кыркаларында болгон жер титирөөнүн күчү кеминде 6,1 баллды түздү. Кабарларда бүгүнкү жер силкинүүнүн күчү Кабул, Душанбе, Исламабад, Нью-Дели шаарларында да сезилгени айтылып жатат. Жергиликтүү бийликтин маалыматына караганда, Пакистандын түштүк-батышындагы Балучистан провинциясынын борбору Кветта шаарында турак үй кыйрап, бир бала каза таап, тогуз киши жарадар болду. Жер титирөөнүн очогу Ооганстандын Тажикстан менен чек арасына жакын түндүк-чыгыш бурчунда... Читать дальше...

Кыргызстанда 1-февралда кээ бир тоолуу райондордо жана Нарын облусунун айрым жерлеринде бир аз кар жаайт, калган аймактарда күн ачык болот. Жолдор тоңголок, тайгак болуп, батыштан келген шамалдын ылдамдыгы секундасына 1-6 метрге жетет.  Абанын температурасы:   Чүй өрөөнүндө түнкүсүн -7…-12, күндүз -1…+4; Суусамырда түнкүсүн -27…-32, күндүз -8…-13; Таласта түнкүсүн -7…-12, күндүз -1…+4; Баткенде түнкүсүн -3…-8, күндүз 0…5; Ош жана Жалал-Абад облустарынын дыйканчылык аймактарында түнкүсүн -3…-8... Читать дальше...

АКШнын президенти мындай пикирин бул жолу Конгресстеги жылдык кайрылуусун окуп жатканда билдирди.  Трамптын 80 мүнөттөй сөзүнүн басымдуу бөлүгү инфраструктураны кайра куруу, иммиграция саясатын реформалоо сыяктуу АКШнын ички маселелерине арналды. Ал эми тышкы саясат маселелерине келгенде ал Кытай менен Орусияны АКШнын “кызыкчылыктарына, экономикасына, баалуулуктарына чакырык таштаган атаандаштар” катары мүнөздөдү. Кошмо Штаттарга террористтик топтор, “карасанатай режимдер” да коркунуч келтирерин... Читать дальше...

Кыргызстандын жаратылышы, тоолору, ак кар, көк музу спорттун кышкы түрлөрүн өнүктүрүүгө абдан ыңгайлуу. Бирок кышкы спортко анча көңүл бурулбай келүүдө. Кышкы спорттун көйгөйлөрү жана келечеги тууралуу спорттук баяндамачы Кабыл Макешов ой толгойт.

Президент Сооронбай Жээнбеков 1-2-февралда расмий иш сапары менен Тажикстанга барат. Бул тууралуу президенттик аппараттын тышкы саясат бөлүмүнүн жетекчиси Айзада Субакожоева 31-январда журналисттерге билдирди. Анын айтымында, расмий иш сапары тажик президенти Эмомали Рахмондун чакыруусу менен болмокчу. Иш сапарынын жүрүшүндө Жээнбеков Тажикстандын президенти, премьер-министри жана спикери менен жолугушуп, эки тараптуу кызматташтыкты талкуулайт. Күн тартибине киргизилген маселелердин арасында кыргыз-тажик... Читать дальше...

Бишкектеги жылуулукка байланышкан кырдаалдан кийин "Улуттук энерго холдинг" компаниясынын төрагасы Айбек Калиев кызматтан кетүү жөнүндө арыз жазганы белгилүү болду. Бул тууралуу премьер-министр Сапар Исаков бүгүн парламентте депутаттардын суроолоруна жооп берип жатып билдирип, Калиевдин арызын кабыл албаганын кошумчалады: - Мага бир киши келип арызын берди. Калиев Айбек Рыспекович. Бирок мен ал арызды кабыл алган жокмун. Аны азыр жактагым келбейт. Бирок аябай аракеттенип, күйүп-бышып, күнү-түнү уктабай жүрөт. Читать дальше...

Улуттар Уюмунун колдоосу менен Кыргызстанда “Айымдар жана кыздар тынчтыкты куруу аракетинде” долбоору ишке ашырылууда. Уюмдун маалыматында, Сирияга кеткен кыргызстандык кыз-келиндердин саны 200гө чамалады.

Былтыр Кыргызстанда чет элдик жумушчуларга 14 миңден ашык квота берилген. Квоталардын 11 миңге жакынын же 70 пайызын Кытай жарандары алган. Бул тууралуу Миграция кызматынын төрагасы Медетбек Айдаралиев парламенттин бүгүнкү жыйынында билдирди. Анын айтымында, 2018-жылы да ушундай эле өлчөмдө квота бөлүнөт.  "Өнүгүү-Прогресс" фракциясынын депутаты Зиядин Жамалдинов кыргызстандыктар чет мамлекеттерде мигрант болуп жүргөндө жана жумушсуздук башкы маселе бойдон турганда 30-40 миңге жакын чет элдик жаран... Читать дальше...

Орусиядагы кыргыз диаспорасынын өкүлдөрү жол кырсыктарынын курмандыктарын, жаракат алгандардын санын азайтыш үчүн бийликти учак жана темир жол билеттерин арзандатууга чакырышууда. Москвадагы кыргыз диаспорасынын өкүлү Жамиля Бегиева аба жана темир жол каттамдарынын жол киреси кымбат болгондуктан, мигранттар тобокелге салып, автоунаа менен жолго чыгып жатканын "Азаттык" радиосуна билдирди:  - Поезддер бош эле келип жатат. Жол киреси авиабилеттей эле кымбат. Кыргыздар аргасы түгөндө «Кудай сактасын» деп жолго чыга берет эмеспи. Читать дальше...

Жогорку Кеңештин бүгүнкү сессиясында маалымат берип жатып премьер-министр Сапар Исаков Бишкек Жылуулук электр борборундагы кырдаал, аны модернизациялоо боюнча айтылган сын пикирлерге жооп берди. - "386 миллион доллар кайда кетти?" деген суроо берилүүдө. Анын чоо-жайын изилдеп чыгабыз. Бирок жаңы ЖЭБди курбасак, шаарда коллапс болмок. Адистер Бишкектеги "жылуулук өткөргүчтөрдүн, түтүктөрдүн баары жарылмак, миллиарддан сом чыгаша болмок" деп жатышат. Бул кырдаал премьер-министр катары мага чоң белги болду. Читать дальше...

Ат-Башыда кыз-келиндер демилге көтөрүп, ай сайын волейбол боюнча турнир өткөрүп турушат. 14 команданын арасында ишкер, тикмечилер, уздар жана бош отурган аялдардын командалары бар. Волейболчулардын улуусу алтымышты таяп калса, кичүүсү жыйырма жашта.

Парламенттин бүгүнкү жалпы жыйынында Бишкек Жылуулук электр борборундагы кырдаал талкууланууда. Жыйынга премьер-министр Сапар Исаков баштаган өкмөт өкүлдөрү, энергетика тармагындагы ишканалардын жетекчилери катышууда. Исаков ЖЭБдеги азыркы кырдаалдын себептерин иликтөө боюнча комиссия түзүлө турганын айтып, ага эл өкүлдөрүн да кирүүгө чакырды.  - Насостун ичинде кир, ылай пайда болгон. Эмнеге ылай болот? Жайында ремонт болуп жатканда насос ачылды беле деген суроо жаралат. Насосту тазалагыча от казандардын баары катуу сууктан тоңуп кетиптир. Читать дальше...

Мамлекеттик каттоо кызматы 2017-жылы жарандарга паспорттун бардык түрүн кошкондо 942 миң паспорт берген. Буга ID, биометрикалык паспорт жана чет өлкөгө чыкканда колдонулуучу паспорт кирет. Бул тууралуу мекеменин басма сөз катчысы Мелис Эржигитов “Азаттык” радиосуна кабарлады. - Бул рекорд, мындай көрсөткүч Кыргызстандын тарыхында биринчи жолу болду. Буга былтыр жети ай акысыз паспорт бергенибиз түрткү болду, - дейт ал.  Эржигитовдун айтымында, былтыр жарандардын ар бирине жеке берилчү 500 ПИН-номур ыйгарылган. Читать дальше...

Мамлекеттик каттоо кызматы 2017-жылы жарандарга паспорттун бардык түрүн кошкондо 942 миң паспорт берген. Буга ID, биометрикалык паспорт жана чет өлкөгө чыкканда колдонулуучу паспорт кирет. Бул тууралуу мекеменин басма сөз катчысы Мелис Эржигитов “Азаттык” радиосуна кабарлады. - Бул рекорд, мындай көрсөткүч Кыргызстандын тарыхында биринчи жолу болду. Буга былтыр жети ай акысыз паспорт бергенибиз түрткү болду, - дейт ал.  Эржигитовдун айтымында, былтыр жарандардын ар бирине жеке берилчү 500 ПИН-номур ыйгарылган. Читать дальше...

Акыркы күндөрү соттук териштирүүлөрдөгү доо коюу жана доону өндүрүү аракеттеринин тегерегинде кызуу талкуулар жүрүп жатат.

Кытай мамлекетинен алынган 386 млн доллар насыяга модернизация болуп, кубаттуулугу эки эсе арткан Бишкек Жылуулук электр борбору кышында элди жылуулук менен эмнеге камсыздай албай калды?

Жалал-Абад шаардык соту Ала-Бука районунун тургунун "Сириядагы согуштук аракеттерге катышкан" деген айып менен алты жылга эркинен ажыратты. Ал "2013-жылдары Түркияда иштеп турган убагында Сирияга өткөн жана башка адамдарды жөнөткөн" деп күнөөлөнүп жаткан. Бирок анын жакындары "айыбы толук далилденбей эле соттолду" деп жатышат.

2017-жылы Орусиянын Борбордук федералдык аймагынан 197 кыргызстандык мигранттын сөөгү келген. Алардын 60тан ашууну жол кырсыктарында каза болгон. Бул тууралуу Кыргызстандын Орусиядагы элчилигинин өкүлдөрү "Азаттыкка" билдиришти.  Ал эми жалпы Орусия боюнча былтыр январь-июнь айларында 216 мигрант каза тапканы белгилүү болду. Маалыматка караганда, жол кырсыктары мигранттар миграциялык картаны жаңылатуу максатында чек арага жеңил автоунаалар менен чыкканда катталат. Мигранттар менен Бишкек жана... Читать дальше...

БУУ "Македония" деген аталыш үчүн Афины менен Скопье ортосунда 26 жылдан бери уланып келаткан талашка чекит коюуга мүмкүн экенин билдирди. Дүйнөлүк уюмдун маалымат катчысы Фархан Хак 29-январда өткөргөн брифингде БУУнун ортомчулугу менен өтүп жаткан сүйлөшүүлөрдө айрым жылыштар бар экенин белгиледи.

Орусияда президенттик шайлоо жакындаган сайын нааразылык акциялары күчөй баштады. Чехия президенти Милош Земандын бийлик мөөнөтү дагы беш жылга узарды. Өзбекстандын президенти Шавкат Мирзиёев жол кырсыгынан мерт кеткен мигранттар үчүн өлкө жетекчиси катары өзү да жооптуу экенин моюнуна алды, ал эми Фергана облусунун акими Шухрат Ганиев аларды "арамдар" деп катуу урушту. Тажикстанда ата-энесинен баш тартып койгондорду түрмөгө камамай болушту. 83 жаштагы украиналык пенсионер "Фейсбук" жана "Скайптын" активдүү колдонуучусу. Читать дальше...

Бишкек Жылуулук электр борборундагы кырдаалга байланыштуу премьер-министр Сапар Исаков парламенттин сессиясында маалымат бермей болду. ЖЭБдеги кырдаал боюнча баяндама жасоо үчүн бүгүнкү жыйынга вице-премьер-министр Аскарбек Шадиев жана тиешелүү мекемелердин жетекчилери келген. Бирок бир катар депутаттар премьер-министр Сапар Исаковдун, Бишкектин мэри Албек Ибраимовдун келбегенине нааразы болушуп, аларды чакырууну талап кылышты. Сунуш көпчүлүк добуш менен колдоого алынып, Исаков саат 11ге чакырылды. Читать дальше...